Jâkobusib 1:5 - Labrador Inuttitut Heritage Bible

⁵ Ilapsele naliat silatunermik ajoksarune, Gûdemut tuksiarle, tâpsoma ilûnaita tunitsivigivait issumalingasuêrlune, naliallônêt ᴋipilugvigingilâ; tamattominga tagva tunitsivioniarpok.

Jâkobusib 1:5 Iomraidhean Croise

I Kronika 22:12

Nalekab tunnitsiviginiarpâtittauk silatunermik ilisimanermiglo, Israelitillo perᴋoniarpait illingnut, malliᴋovlutit Nalekab Gûdivit perᴋojanginik.

II Kronika 1:10

Tagva manna tunnitsivigilaunga sillatunermik, illitarksinermiglo, innugasaksuit tapᴋoa sângine anniᴋovlunga itterᴋovlungalo; kiale ukkoa innugasaksoaᴋotitit idluarsarungnarᴋagit?

Imgerut 51:6

Ahâk, mikseᴋârnek sagvangitomêtok ᴋuviagivat; illisimanermik ijersimajomik ᴋaujimatiparma.

Exodus 31:3

Ilumertisimavaralo Gûdib Anerninganik, silatunermik, ipaksitsiarnermiglo, ilisimanermiglo, sulijungnarnermiglo sunatuinarmaringnik,

Exodus 31:6

Takuillo, tâmna ilagivlugo tuniᴋasiutivara Ahâlia, Ahîsamab erninga, kinguvârênit Dânekunit: ômatikullo ilisimajut ilûnnatik ômatingit pititsivigisimavakka silatunermik, sanajungnarᴋovlugit tamainik perᴋojamnik ilingnut;

Salomob Okâl 8:17

Uvamnik erdligosuktut erdligivakka; ᴋenersartullo uvamnik, nachvârpânga.

Mattêuse 11:20

Tagva iglugasaksuit uningit suadlalerpait, tatamnartuliviginerpârilauktane, âᴋilaungimattalo.

Markuse 16:14

Kingorlermik 11 it saᴋᴋervigivait nerritilugit, okpingimattalo suadlarpait, ômatingillo mangaidlarmatta; toᴋungajunit makisimajomik takolauᴋtut okperingimagit.

Johannese 14:13

Sumiglo tuksiarniarupse atimne, piniaromavunga, Atâta nertortauᴋovlugo ernermigut.

Johannese 15:7

Ilumnêtsainarupse, oᴋausikkalo ilupsingnêtsainarpatta, pijomajapsingnik tuksiarniarpose, tunitsiviolâlapselo.

Johannese 4:10

Jêsusib kiovâ oᴋautivlugolo: Gûdib tunergutâ illitarilerungne, kinaungmangâllo ilingnut oᴋartok: Imertilaunga; tuksiarviginajarpat, tâpsomalo tunitjiviginajarpâtit imermik inôgutilingmik.

II Korintemiunut 2:16

Tâpkonunga toᴋosungnipogut toᴋonartomik; ipkonungale inôserungnipogut ômanartomik. Kinalo taimailingavlune ajungilâᴋ?

Jâkobusib 1:17

Tunergutit ajungitut ilûnatik, tunergutillo nâmaksijut ilûnatik pikangat pivut, ᴋaumajûb atâtanganit; tâpsomane soᴋoserneᴋangilak simertigêgatiglônêt tâktorlo ᴋaumajorlo.

Jâkobusib 3:17

Silatunerle pângat pijok sivorlermik ikliguktailivok, taimâktauk ullapirsausêjok, ᴋenuêtok, oᴋautsarêngitok, nâpkigosuktoksôjok ajungituliᴋattarlune, adsigêktitsijok, takkormôjuitok.

Jâkobusib 5:16

Ajornipsingnik kigligiksaritse ilapsingnut, tuksiarutigêgitselo inûlijauᴋovluse. Idluartub tuksiarninga angijomik pitsartuneᴋarpok, ilungertornermut pigune.

I Johannesib 3:22

Sumiglônêllo tuksiarluta, tunitsivioniarpogut tâpsomangat; piᴋojangit malikaptigik, sânganilo ᴋuviagijanganik piniarluta.