Jâkobusib 1:27 - Labrador Inuttitut Heritage Bible

²⁷ Idluartomik passijaksaungitomiglo Gûdemik kivgartornek Gûdib Atâtab sângane imaipok: Iliarsuit uigarnerillo siorniorningine takojartorlugit, nangminerlo ivsornartitautailivlune silaksoarmiunut.

Jâkobusib 1:27 Iomraidhean Croise

Imgerut 119:1

Pillorikput tâpkoa passijaksaunatik innôjut, arvertartut Nâlekab malligaksauᴋojangit malliklugit.

Imgerut 146:9

Nâlekab tujormitjat sapputivait, illiârsuillo uigarnerillo pattangaitipait, Gûdeᴋangitullo apᴋosininget mumiktipâ.

Imgerut 68:5

Atâtaujok illiârsungnut, idluarsaijôjorlo uigarnernut; Gûdeojok inimine ivsornaitome.

Jesaiase 1:23

Attaneᴋotitit tapatovut tigliktoᴋsuillo illagivait, tâpkoa illũnatik akkiliusianik pijomadlarput, pilliusianiglo pinasuarput, illiarsuit serngnigilungilait, uigarnerillo illinganingit kamagingilait.

Mattêuse 12:32

Inûblo Erninganik oᴋauteᴋaluktok issumagijaujungnainiarpok. Anernermigle ajunginermik oᴋauteᴋalûtilik issumagijaujungnainiangilak, naliutomelônêt tamattomane, naliutomelônêt pijomârtome.

Mattêuse 5:8

Piloridlarput ivjornaitunik ômatilit; Gûde takojomaramitsuk.

Lukase 1:6

Tamarmigle idluarpuk Gûdib sângane, Nâlekablo perᴋojangit pijomajangillo tamaita nâletsiarpait.

Rômiunut 12:2

Silaᴋsûblo tamattoma inungit adsiginiarasigik, ablatsauleritsele issumapsigut nutângordluse; nautsertorᴋovluse, sunaungmangât Gûdib pijomajanga ajungitoᴋ ᴋuviagijaujorlo nâmamariktorlo.

Rômiunut 2:13

(Perᴋojanik tussatuinartut idluangimatta Gûdeme; perᴋojanigle maliktut idluarsititaujomârput.

Galâtsiamiunut 1:4

Tâmna ingminik tunilauᴋpoᴋ ajornivut pivlugit, piulijomavluta silamit mattomangat ajortomit, Gûdib Atâtapta pijomajanga maliklugo.

Galâtsiamiunut 3:11

Gûdemele idluarsititaujoᴋarniangimat perᴋojat piniarᴋojanginut, nelonairsimavoᴋ; idluartoᴋ okpernerminut inôniarmat.

Galâtsiamiunut 5:6

Kristuse Jêsuseme kipimanerlônêt kipimanginerlônêt atungimanik; okpernerle naglingnikut piniarnernik saᴋᴋertitsijoᴋ.

Galâtsiamiunut 6:14

Uvamnille ungasigle nertôtiniarlunga assianik, Nâlegapta Jêsusib Kristusib kikiaktortauvianik kissianik; tâpsomûna silaᴋsoaᴋ kikiaktorsimajotun-ipoᴋ uvamnut, uvangalo silaᴋsoarmut.

Efêsusemiunut 2:2

Tamakkoa atorlugit mattoma sivorngagut silaᴋsûb tamattoma ilusingit malilauᴋpase, ataneᴋ silame ataniotijoᴋ nâleklugo, tagva anerneᴋ naliutome tamattomane okpinginerub ᴋitorngangine piniarveᴋartoᴋ.

Deuteronomy 14:29

Levitiojorlo, avigaksarsiᴋatigilungimatit kingormgutijaksarsiᴋatigingimatillo, tujormiarlo, iliarsuglo, uigarnerlo, itertarvingnêtut, tikitutsauvut, nerrilutiglo aᴋeartortuksauvut; Nâlegak Gûdît saimauserᴋovlugo ilingnik aggakpît suliangine piniarnerijarne tamaine.

I Timôteusemut 1:5

Perᴋojat nalonairtitangat angnerpâk imaingmat: Naglingnek ômamut ivsornaitomut, issumamullo passijaksaungitomut, okpernermullo takkormôjuitomut.

I Timôteusemut 5:4

Uigarneᴋarpalle ᴋitorngalingmik erngutalingmiglônêt, taimaitut ᴋitorngangit ilinniarᴋârlît Gûdib idluarijanganut angajoᴋauniarlutik ilamingnut, akkiniarlutiglo angajoᴋâmingnik; tamanna ajungimat ᴋuviagijauvlunelo Gûdemut.

Titusemut 2:12

ᴋaujisarpâtigullo Gûdeᴋangitut ilusingit, silaksoarmiullo ikliguningit allarlugit, nâmatuinartomik, idluartomiglo, Gûdelo nâleklugo inôniarᴋovluta silaksoarme tamattomane;

Jâkobusib 3:17

Silatunerle pângat pijok sivorlermik ikliguktailivok, taimâktauk ullapirsausêjok, ᴋenuêtok, oᴋautsarêngitok, nâpkigosuktoksôjok ajungituliᴋattarlune, adsigêktitsijok, takkormôjuitok.

Jâkobusib 3:9

Tâpsomunga Gûde Atâta nakoridlarpavut, tâpsomungatauk inuit piluktauᴋovavut, Gûdib adsinganut pingortisimajut.

Jâkobusib 4:4

Nuliarêngnermik asseroijose, angutillo arnallo, ᴋaujimangilasê, silaksoarmiunik ilannâᴋarnek Gûdemik ômisungniongmât? Silaksoarmiunik ilannâᴋaromajok, Gûdemik ômisukteolerpok.

II Pêtrusib 1:4

Tamattomûna angnerpângojunik pivianartoᴋsoarniglo angerviovogut, imâk, tamakkonunga illangiutititaulerᴋovluse Gûdioninganik, silaᴋsoarmêtut ikliguningit asserornartut ᴋemakupsigik.

II Pêtrusib 2:20

Maᴋojungnartunit silaᴋsoarmêtunit ᴋemâmajut, illitarsinermut Nâlekamik Piulijiptingnik Jêsuse Kristûsemik, taimaitut ama napertitaugunik sâlagijauvlutik tamakkonunga, kingorngane tagva taipkoa ilinganingit ajulualerput sivorlermit.

II Pêtrusib 3:14

Tamanna pivlugo nagliktakka, tamakkoa nerriugigapsigik, ataruilititse ivsornartoᴋarᴋonase, pidlaraksauᴋonaselo, tâpsoma sângane ullapirsarsimavluse naipitauᴋovluse.

I Johannesib 5:18

Kaujimavogut, Gûdemit erniangojoᴋ idluitulingimat; Gûdemille erniangojoᴋ ingminik udjitorpoᴋ, ajortublo (Sâtanasib) aktorniangilâ.