Jâkobusib 1:22 - Labrador Inuttitut Heritage Bible

²² Oᴋauserle nâletsiarsiuk, tussatuinarlugo pinase, taimailiornermut nangminipsingnik uivêrigapse.

Jâkobusib 1:22 Iomraidhean Croise

Jesaiase 44:20

Argjat (tiktaujut) tigunasuarpait, õmatingata uivêrijaumajub tammartipâ, tarnine piulivlugo sapperpâ, imâglo issumaᴋangilaᴋ: Tallerpiga uivêrinartunik sullijaksaᴋangilâᴋ?

Jeremia 11:6

Nâlakablo oᴋautilauᴋpânga: Oᴋautsit tamakkoa tamaita oᴋâlatigikit Judab iglugasaksoangine, Jerusalemiblo apᴋosineâlungine, oᴋarlutit: Angeᴋatigêngnerub tamattoma oᴋausertangit tusarsigik piniarlugillo.

Obadia 1:3

Omativît pingijainingata uivêrivâtit, igvit ineᴋartotit ᴋairtut ᴋongnângine, poᴋtojome ineᴋartotit; ômatingne oᴋartotit: kia nunamut kataktinajarᴋângâ?

Mattêuse 12:50

Atâtama ᴋilangmêtub pijomajanganik maliktok, tâmna nukarivara, najagivaralo, anânagivaralo.

Mattêuse 28:20

Ajoᴋertorsigiglo malerᴋovlugit tamainik perᴋojamnik ilipsingnut, Ahâglo, uvlut tamaita najutsainarniarpapse, silaksûb naggatânut.

Lukase 11:28

Kiovâle: Ila, piloridlarput Gûdib oᴋausinginik tussartut torᴋorlugillo.

Johannese 13:17

Tamanna ᴋaujimagupsiuk, piloridlarpose, piniarutigigupsiuk.

Rômiunut 2:13

(Perᴋojanik tussatuinartut idluangimatta Gûdeme; perᴋojanigle maliktut idluarsititaujomârput.

I Korintemiunut 15:33

Uivêrijauniarase. Oᴋausilungnerub asserortipait ilusit ajungitut.

I Korintemiunut 3:18

Naliat uivêriniarane nangminerminik; illase silatonasugigune nangminerminik, tâmna silaitungorle silame tamattomane, silatolerᴋovlugo.

I Korintemiunut 6:9

ᴋaujimangilaselônêt, idluangitut Gûdib nâlegauvinga kingormgutiniangimatsûk? Uivêrijauniarase; ajortulijullônêt, Gûdeungituniglônêt kivgartortut, nuliarêngnermiglônêt asseroijut, ikliguktullônêt, nukapitjaniglônêt uivêriklertut,

Galâtsiamiunut 6:3

Piojorijoᴋarpalle ingminik, suksaungitôgalloardlune, tâmna uivêrivoᴋ nangminerminik.

Galâtsiamiunut 6:7

Tammarniarase Gûde mitautigijaujomangilaᴋ; inuk karngasortaminik katersoijomârmat.

Filippimiunut 4:8

Tagvale ᴋatangutikka, mikseᴋârnerillo ilusitsiaringnerillo, idluarnerillo, ivjornainerillo, naglingnarnerillo, illanârêngnerillo, ilûnaita inutsiaᴋutaunerit, ᴋujanartoᴋarpallônêt, nertornartoᴋatamakkoa issumaksarsiorutigisigik.

Kolossamiunut 3:17

Tamaitalo piniarnise, oᴋarangapselônêt piniarangapselônêt, ilûnaita piniarsigik Nâlekab Jêsusib atingane, ᴋujalivluselo Gûdemik Atâtamiglo tâpsomûna.

II Timôteusemut 3:13

Inuille ajortut uivêriklertullo ajorpallianiarput, tamartitsivlutik tamartitaularmiglo.

Titusemut 3:3

Uvaguttauk sivorngane silaitoksôlaungmigapta, tapatolaptalo, tamartudlarluta, ikligunerit kivgartorlugit, sunatuinarniglo alliadlarluta, ningarosungnermelo anerudjinermelo arvertarluta, ômigijigêklutalo.

Jâkobusib 1:26

Akunapsingnêtoᴋarpalle Gûdemik kivgartorasugijomik, oᴋanelo atornerluktailitingikuniuk, ômatinele asserorlugo: tâpsoma Gûdemik kivgartorninga piutsangilak.

Jâkobusib 4:11

Terliarᴋatainiarase ilapsingnik, ᴋatangutikka. ᴋatangutiminik terliarᴋataijub, ᴋatangutiminiglo erᴋartuijub, tâpsoma perᴋojat terliarᴋatarivait, perᴋojallo erᴋartorpait. Perᴋojanigle erᴋartuiguvit, perᴋojanik malikteolungilatit, erᴋartuijôvotille.

Jâkobusib 4:17

Ajungitomigle piniaraksaminik ᴋaujimajok, pinagolo, tâpsomunga idluitulijutauvok.

II Pêtrusib 2:13

Idluitulinermingnut akkivioniksatik neksarpait. Issumamikut alliadlarput uvlut tamaita uviniub ᴋuviagijanganut inônermik, kangunartoᴋsôvut maᴋojungnadlalarmiglo, ᴋuviasuktoᴋsôvut uivêriklernermingne, nerreᴋatigijarangamise;

I Johannesib 1:8

Oᴋarupta: ajortoᴋanginapta, uvaptingnik nangminiᴋ uivêrivogut, miksiᴋârnirlu iluptingnêngilaᴋ.

I Johannesib 2:3

Tamannalo ᴋaujijutigivavut, illitarigaptigo, piᴋojangit nâlakuptigik.

I Johannesib 3:7

Kitorngârsuit, kimullônêt uivêrijauniarasi. Idluartulijoᴋ idluartôvoᴋ, sorlo tâmna idluartôngmat.

III Johannesib 1:11

Naglingnartotit ômât! ajorneᴋ malingniarnago pît ajunginerle. Ajungitulijoᴋ Gûdemit pivoᴋ, idluitulijub Gûde takungilâ.

Takotitaunermik 12:9

Kuglugiaᴋsoarâluglo angijok anititauvok, ᴋuglugiatoᴋak ateᴋartok: Passiklertemik Sâtanasemiglo, silaksoarmiunik tamainik asseroijok, egitauvlunelo nunamut, Engelingillo egitaugivut.

Takotitaunermik 22:7

Ahâk, mânakassâkut ᴋainiarpunga. Piloridlarpok torᴋoijok oᴋautsinik nelautaimajunik aglangne tamakkonane.