Jâkobusib 1:21 - Labrador Inuttitut Heritage Bible

²¹ Taimaimat maᴋojungnartut ajornerillo tamaita pêjarniarsigik; akkerartoraselo ilaliorsiuk oᴋausek, ilupsingnut pititaujok, tarnipsingnik piloriktitsijungnartok.

Jâkobusib 1:21 Iomraidhean Croise

Imgerut 25:9

Pattangajut tassiorpait namaktomik, ajochertorpaillo pattangajut apᴋosinerminik.

Jesaiase 2:20

Tamannale pilerpat, inuit Gûdingoaᴋotitik silbereojut goldeojullo, sannajatik tuksiarviorᴋovlugit, egitsomârpait terrianiangajunut inalukanullo,

Jesaiase 29:19

Ajulertullo ᴋuviasûteᴋaromârput Nâlekame, aklujullo inuit akkornganne serridlaromârput ivlernartitome Israêlikkune,

Jesaiase 30:22

Gûdingoat silbereojut sanajapse amingit Gûdingoallo goldeojut sanajapse annorângit sujuktitsomârpasse êgillugillo aktarlukutitut oᴋarvigivlugillo: Pêritse!

Jesaiase 61:1

Nalekab Gûdib anerningata ᴋollangiarpânga, Nâlekab mingoarmanga, oᴋautsinik tussarnertunik oᴋâlarᴋovlunga ajulertunut; tillivânga, serᴋomisimajunik õmatelingnik mangipsêrᴋovlunga, parngnanairsimavingnẽtunik ᴋaujititserᴋovlunga anniviksangannik ᴋellaᴋsortaujullo ᴋellarutjârtauniksangannik,

Hesekiel 18:31

Tapanise tamaita tapanerimajase iperarsigik, ômatetâritselo anernetârluselo: sôᴋ toᴋojomavisê, ilipse Israêlib ᴋitorngangît?

Hesekiel 36:25

Serparsarvigijomârpapselo imermik ivsornaitomik ivsornailârpose tagva; salumainipsingnit tamainit, gudingoapsingnillo tamainit epᴋêjaromârpapse.

Sefania 2:3

Nâlegak ᴋenersiuk, ilûnnase sinaungaitose nuname, tâpsoma perᴋojanganik nâlektose; idluarniksak ᴋenersiuk, sinaungainek ᴋenersiuk; ijertortauniangimangâpse Nâlekab ningarningata uvlungane.

Mattêuse 5:5

Piloridlarput ᴋenuêtut; nuna pigileramitsuk.

Johannese 6:63

Anernek tagva ômartitsijok! Uvinik piungilak. Oᴋautsit oᴋauserijakka anerniovut inôgutaularmiglo.

Johannese 6:68

Tagva Sîmonib Pêtrusib kiovâ: Nâlegak, namût aijuksauvitâ? Igvit oᴋauseᴋarpotit nungusuitomik inôgutilingnik.

Apostelit Piniarningit 10:33

Tagva erinesulerdlunga tiliklerpunga ilingnut, nâmaktomiglo pivotit, tikinavit. Mâna Gûdib sângane tamapta katimavogut, tusaromavlugit Gûdib oᴋautigijauᴋojangit tamaita ilingnut.

Apostelit Piniarningit 13:26

Ilipse angutit ᴋatangutigêt, Abrahab kinguvângita ᴋitorngangit, Gûdemiglo sivôrajut ilipsingne, oᴋautsit piulijaujutiksamik tamattominga tilikliutjauvut ilipsingnut.

Rômiunut 1:16

Oᴋautsit tussarnertut Kristusemik kangusûtiginginapkit; pitsartuniongmatta Gûdemit piloriktilugit ilûnaita okpertut tâpkununga, Jûdit sivorliovlutik Grîᴋillotauᴋ.

Rômiunut 11:17

Akkerungitale illangit naviksimagalloarmatta, igville orᴋsuliksamik napârtutsiangolaungitotit, akornganut ivertitauleravit napârtutsiab orᴋsuliksab amânganik iptinganiglo illangiusimavlutit;

Rômiunut 6:17

Gûde ᴋujagijaule, ajornerub kivgarilaungmâse; mânale oᴋautsit ajoᴋertûtsinik maligaksapsingnik ômamut nâlekapsigik;

I Korintemiunut 15:2

Tâpkonunga piulijauniarapsetauk, sorlo oᴋâlatigilaurapkit ilipsingnut; issumamiutarigupsigiglônêt; sulinase okperilaungikupsigik.

II Korintemiunut 7:1

Taimaimat taimaitomik angersimaneᴋarapta, nagliktakka, epᴋêjarniarta uvingûb tarniblo sujungninginit tamainit, nâmaksititsivalliavlutalo ivsornainermik Gûde sivôragivlugo.

Efêsusemiunut 1:13

Tâpsomûna ilipsetauᴋ oᴋauseᴋ mikseᴋârtoᴋ tussaumagapsiuk, tamadja oᴋautsit tussarnertut piulijauviksapsingnik; tâpsomûnatauᴋ okpilerapse, Anernermik ajunginermik angerutaumajomik naᴋititsiviovose.

Efêsusemiunut 4:22

Inutoᴋaᴋ atorungnairsiuk piusiovalauᴋtut allarlugit, ikligunermut ingminik asseroijoᴋ tamarnartomut.

Efêsusemiunut 4:25

Taimaimat sagluneᴋ iperarlugo mikseᴋârnermik oᴋauseᴋaritse, ilûnase atunit inuᴋatipsingnut; avatauᴋatigêkapta.

Efêsusemiunut 5:4

Sumiglônêt oᴋauseluâlungmik, ᴋuksalainermiglo mitautiksanermiglo oᴋauseᴋarasetauᴋ; idluijutaungmatta, ᴋujalingârlusele pititse.

I Tessalônikamiunut 1:5

Oᴋautsit tusarnertut oᴋautigijapta tikingmase, oᴋausituinarnu-ungitoᴋ, pitsartunermulle Anernermullo ajunginermut, nakimarninangitôvlutiglo angijomik; ilipse ᴋaujimavase, ᴋanoᴋ ilingalaungmangâpta akunapsingne, ilipse pivluse.

I Tessalônikamiunut 2:13

Tamanna pivlugo uvaguttauᴋ sorairata Gûde ᴋujagivavut: Gûdib oᴋausinginik tussartapsingnik uvaptingnut ajoᴋertortaugapse, tamakkoa illaliulaurapsigik inûb oᴋausingititu-ungitoᴋ, Gûdible oᴋausingititut; sorlo mikseᴋârtôngmatta, pitsartujoᴋsôvlutiglo ilupsingne, ilipse okpertose.

Titusemut 2:11

Gûdib saimarsautâ piulijaunartok sakᴋersimangmat inungnut tamainut;

Ebrêerinut 12:1

Tamanna pivlugo uvaguttauᴋ, kigligiutsijunik taimak unuktigijoksoarnik avatiptigut peᴋarapta: Ajornerit allarlavut uvaptingnut nipingatsainartut erᴋinautigijavullo, ᴋenuersârlutalo aᴋpangerta aᴋpalliuterᴋojauniptingne,

Ebrêerinut 2:3

ᴋanoᴋ uvagut ᴋemâjungnarᴋitâ, piulijauneᴋ taimak angitigijoᴋ kamagingikuptigô? Tamanna Nâlekab oᴋautigiᴋâlaungmago, tamattominga tussartut ᴋaujijautipât uvaptingnut.

Ebrêerinut 4:2

Uvaguttauᴋ oᴋautsinik tussarnertunik oᴋautjaumagapta taipkotitunaᴋ; taipkoale piulijigilaungilait oᴋautsit oᴋâlatigijaujut tussartatik okperinginamigit.

Jâkobusib 4:8

Gûdemut ᴋaglititse, tâpsoma tagva ᴋagliniarpâse. Aggase ubvarsigik, ilipse ajortolit, ômatiselo sujungaitisigik ilipse maggogusertose.

Jâkobusib 5:20

Tâmna ᴋaujilerle, idluitulijomik sâtitsilauktok apᴋotinganit tamarnartomit piuliklermat tarnemik toᴋomit, ajornivaksuit mattomaniartilugit.

I Pêtrusib 1:22

Tarniselo sujungaitisigik mikseᴋârneᴋ nâleklugo Anernermut, ᴋatangutinik nagligosoᴋovluse takkormôjuidluse; ômamullo ivjornaitomut nagliktigêvigitse!

I Pêtrusib 1:9

Okpernipse sorairviksanga, tamadja tarnib piulijauninga, tiguniarapsiuk.

I Pêtrusib 2:1

Tagva idluitulinerit tamaita allarsigik, uvêriklernerit tamaita, takkormôrnerillo, anerutjinerillo, terliaᴋatainerillo tamaita;

I Pêtrusib 2:11

Nagligijaujose ᴋatangutit, takorngartaujose nunagingitapsingnêtoselo inerterpapse: Uviniub ikliguninginik atortailititse, taipkoa tarne akkerartormatsuk;