Jâkobusib 1:17 - Labrador Inuttitut Heritage Bible

¹⁷ Tunergutit ajungitut ilûnatik, tunergutillo nâmaksijut ilûnatik pikangat pivut, ᴋaumajûb atâtanganit; tâpsomane soᴋoserneᴋangilak simertigêgatiglônêt tâktorlo ᴋaumajorlo.

Jâkobusib 1:17 Iomraidhean Croise

Genesis 41:16

Josefiblo Farao kiovâ oᴋarlunelo: Uvanga pingitunga; Gûdib Farao ajungitunik nallautaiviginiarpâ.

I Kronika 22:12

Nalekab tunnitsiviginiarpâtittauk silatunermik ilisimanermiglo, Israelitillo perᴋoniarpait illingnut, malliᴋovlutit Nalekab Gûdivit perᴋojanginik.

I Kronika 29:19

Erneralo Salomo omamik nallagôrtomik tunnitsivigilauruk, perᴋojatit kigligiudsinitillo idluarijattillo nalaklugit piᴋovlugo, tamainik piᴋovlugo, igluliorᴋovlugolo igloksoarmik ominga, attuinarutilauktamnik.

Imgerut 102:27

Igville sorlo illingagavittut itsainarpotit, Jâritillo naggaserniatsangilet.

Imgerut 122:6

Jerusaleme pilloringnermik peᴋarᴋogissigik. ᴋanoêngitsiarlît naglingniktut illingnik.

Imgerut 136:7

ᴋaumajunik angijunik sannalauktok; pitsiarninga îtsainarmat issoᴋangitomut.

Imgerut 84:11

Gûde Nâlegak seᴋᴋiniôngmat, sappulutaungmallo; Nâlegak saimarveᴋarnermik, nertornarnermiglo tunnijivok; idluitailijut ajoksarᴋoniangilait ajungitomik.

Imgerut 85:12

Ilâ Nâlekab ajungitomik tunnitsiviginiarpâtigut; tagva nunavut tunijiniarpok perortuminik.

Salomob Okâl 2:6

Nâlegak ilisimanermik tunnijingmat; tapsoma ᴋaninganit illitarksinek silatunerlo pivuk.

Jesaiase 28:26

Tagva illũnaita nãmaktomik piniarvigivait, ajoᴋertortangame Gûdiminut.

Jesaiase 45:7

Kaumajomik pingortitsivunga tâᴋtoᴋarᴋojivlungalo; pilloringnermik tunidjivunga ᴋanoetoᴋarᴋojivlungalo. Uvanga Nâlegaujunga tamakkoninga tamainik piniartunga.

Jesaiase 46:10

Pigiarnermit ᴋaujijautitsigêrpunga kingorngane pijomârtuksanik, sivorngagullo ᴋaujijautillugit nalliutilungitut sulle; oᴋartungalo: Kajusimautigijara soᴋᴋoserniatsangilaᴋ, idluarijakka tamaita nãmaksitipakka.

Jesaiase 60:19

Seᴋineᴋ ᴋaumautigijungnairomârpat uvlôtillugo, taᴋᴋerlo ᴋaumajungnairomârpoᴋ ᴋaumaksarlutit, Nâlegarle ᴋaumautigijomârpat issoᴋangitomut, Gûdillo nertornautigijomârpat.

Mâlaki 3:6

Uvanga Nâlegaᴋ soᴋosijuigama; taimaimat ilipse Jâkob ᴋitorngangit nungutaungilase.

Numbers 11:17

Aᴋᴋalârpungalo oᴋaᴋatigilutillo tagvane anernerublo ilingnêtûb ilanga tigulârpara pitilugolo tâpkonunga; ilagilutillo tâpkoa nangmaᴋtaulârput inugiartoᴋsuit oᴋumainarninginik, kissivitôvlutit nangmariaᴋarᴋonak tamattominga.

Numbers 11:25

Nâlegarlo aᴋᴋarpoᴋ nuvujame, oᴋaᴋatigilugolo, anernerublo tâpsomanetûb ilanga tiguvâ pitilugolo angajoᴋaujunut 70nut; ahâglo, anernerub tupvigingmagit nelautailerput, kingornganele taimailiorungnaiput.

Numbers 23:19

Gûde inôlungilaᴋ saglosômik, erniolungilarlo inungmut ᴋaᴋialersômik: oᴋarsimangilâᴋ, piniarnialungilaûglô? Oᴋauseᴋalauᴋâlônêt nelautsitinialungitaminîk?

Mattêuse 7:11

Ilipsele, piungitôgalloartose, ᴋitorngase tuntijivigijungnarapsigik tunergutinik ajungitunik, anginersamik ilâ Atâtapse ᴋilangmêtub tuksiartine tunitjiviginiarpait ajungitunik.

Lukase 11:13

Ilipse ajoralloartose ᴋitorngase tunergutinik ajungitunik tunitjivigijungnarapsigik, piluardlune ilâ Atâtab ᴋilangmêtub tuksiarvigijine tunitjiviginiarpait Anernermik ajunginermik.

Johannese 1:9

Tamadja mikseᴋârtok ᴋaumajok, inungnik ilûnnainik ᴋaumarsaijok, nunamut tikitunik.

Johannese 3:27

Johannese kiovoᴋ oᴋarlunelo: Inuk tigusijungnangilak sumik, ᴋilangmit tunitjiviongikune.

Johannese 3:3

Jêsusib kiovâ oᴋautivlugolo: Âhamarik, âhamarik oᴋaupagit: Nutâmik erniangongitub Gûdib nâlegauvinga takojungnangilâ.

Johannese 8:12

Tagva Jêsusib oᴋarvigigivait oᴋarlunelo: Silaᴋsoarmiut ᴋaumanerivânga; uvamnik maliktok tâᴋtome arvertarniangilak, ᴋaumajorle inôgutaujok piginiarpâ.

Apostelit Piniarningit 11:18

Tamanna tusaramitsuk nipangerput, Gûdelo nertorpât, oᴋarlutiglo: Tagva Gûdib nalojuttauk tunitgivigilaukpait isumatârnermik inôtsemut.

Apostelit Piniarningit 5:31

Tâmna Gûdib talerpingmigut Nâlegangortilaukpâ piuliklertungortilâllo, Israêlitit ᴋaᴋialerneᴋartitauᴋovlugit isumangnarungnaitoᴋartitauᴋovlugillo ajortunit.

Rômiunut 6:23

Ajornerub akkiliutâ, tagva toᴋo; Gûdible tunergutâ saimanartoᴋ, tagva inôseᴋ nâksaungitoᴋ Kristuseme Jêsuseme Nalegaptingne.

I Korintemiunut 4:7

Kia ajunginersautipâtît? Sumigle peᴋarᴋêt tunergusiaringitarnîk? Mattomingale tunitsiviogavit, sôk nertôtivêt ilingnik, tunitsiviongitotut-idlutît?

II Korintemiunut 4:6

Gûdele, ᴋaumajomik nuerᴋojijoᴋ tâᴋtomit, ômatiptingne ᴋaumarsaivoᴋ, uvaptigut nellonarungnaititauᴋovlugo illitarsineᴋ Gûdib pinnarnarninganik Jêsusib Kristûsib sângane.

Efêsusemiunut 1:18

Illisimanipsigut ijeᴋartitauᴋovluse ᴋaumarsarsimajunik, nelojungnairᴋovluse ᴋaiᴋojaumajut nerriugijaksanginik, kingormgutijaksaniglo ânanaudlartunik akluiniliksôjunik ivjornaitune,

Efêsusemiunut 2:8

Saimanermut piulijaumagapse okpernikut; ilipsingnik taimaingilase, Gûdible tunergutâ tamanna.

Deuteronomy 4:19

Arlortitsiᴋonaglônêt ijîkingnik ᴋilangmut, seᴋinerlo, taᴋᴋerlo, uvloritjallo, ᴋilaub katimgajokotingit, takonârlugit, kajungersartauniarlutillo tâpkoa pâmaktervigijomavlugit kivgartoromavlugillo, Nâlekab ilingatitangit inôᴋatigêksoarnut tamainut ᴋilaub ilûnane atâne.

Filippimiunut 1:29

Kristuse pivlugo tunitjiviogapse, okpervigilugo kissianeungitoᴋ, kappiasuktitaujutigilugoletauᴋ.

I Timôteusemut 6:16

Toᴋosuitotôjok tâmna, ᴋaumajome tikiviksaujungnangitomêtok; inûb atautsiblônêt takolaungitanga takojungnangitangalo, tâmna nertortaunermik pile nâlegauvingmiglo issoᴋangitomik! Amen.

Ebrêerinut 13:8

Jêsuse Kristuse, ikpeksaᴋ uvlomelo, issoᴋangitomullo tâmnatsainaᴋ.

Jâkobusib 1:5

Ilapsele naliat silatunermik ajoksarune, Gûdemut tuksiarle, tâpsoma ilûnaita tunitsivigivait issumalingasuêrlune, naliallônêt ᴋipilugvigingilâ; tamattominga tagva tunitsivioniarpok.

Jâkobusib 3:15

Ilisimanerle tamanna pângat pingilak nunamille, inungnit, Sâtanasemillo.

Jâkobusib 3:17

Silatunerle pângat pijok sivorlermik ikliguktailivok, taimâktauk ullapirsausêjok, ᴋenuêtok, oᴋautsarêngitok, nâpkigosuktoksôjok ajungituliᴋattarlune, adsigêktitsijok, takkormôjuitok.

I Johannesib 1:5

Tamadjalo oᴋausiᴋ tâpsomangat tussilauᴋtavut, ilipsingnullo kigligiutigijavut: Gûde ᴋaumaniongmat, tâpsomanilo tâᴋtoᴋangilaᴋ.

I Johannesib 4:10

Naglingniᴋ tamadja: uvagut Gûde nagligigaptigoungitoᴋ, tâpsomali naglingmatigut, Erninelo tililaungmago, ullapirsautauᴋovlugo ajornivut pivlugit.

Takotitaunermik 21:23

Iglugasaksuillo seᴋinermut takᴋermullônêt ᴋaumarsartaujariaᴋangilat; Gûdib ânanauningata ᴋaumartingmagit, Saugârsuglo ᴋaumautigivât.

Takotitaunermik 22:5

Tagvane unnuaᴋarniangilak, ᴋaumajutiksamiglo seᴋiniublônêt ᴋaumaninganik pijariaᴋarnianginivut, Gûdib Nâlekab ᴋaumarsarniarmagit, ataniotijomârpullo issoᴋangitomit issoᴋangitomut.

I Samuel 15:29

Sâlaᴋarte Israeleme saglolunginivok, ᴋaᴋᴋialingilarlo; innuôlunginame suna ᴋaᴋᴋialerutigilugo pijuksaungmat.