Jâkobusib 1:14 - Labrador Inuttitut Heritage Bible

¹⁴ Inugle ôktortaulerpok ikligunerminut kajumiksartauvlunelo uerisartaugame.

Jâkobusib 1:14 Iomraidhean Croise

Genesis 3:6

Arnablo napârtoᴋ takonârpâ nerᴋiksarsivigijominartoᴋ takorannertorlo, napârtoᴋ pijominartoᴋ, illisimanarmat; tigusivorlo paungangita ilanganik nerrivlunelo, ilangallo uiminut tunivâ, tâmnalo nerrigivoᴋ.

Genesis 6:5

Nalegarle takovoᴋ inuit uivêtoᴋsôninginik nuname, ômatingitalo issumangita sanajangit idluênarmatta ᴋaut tamât.

Genesis 8:21

Nâlekablo naimavâ tippitsiariktoᴋ, ômamigullo oᴋarpoᴋ: Kingorngane nuna ominarsititsomairtara inuit pitjutigivlugit; inub ômatingata kajungilarningit ajortoᴋsôngmatta sorusioninganit, kingornganelo ômajut tamaita nungutitsomairtakka, sorlo pisimagama.

II Samuel 11:4

Davidelo kivgartortunik tilliklerpok tagvunga, aijauᴋolâlo. Tapsomalo ittervigingmatsuk, sinniᴋattigiva. Tamnalo arnak sujungaitipok ingminik sujungnerminit, utterlunelo iglominut.

Hiobe 31:27

Omattiga angigutsivlune tilliortaukolauᴋâ, ᴋanerma aggakka kunniklugit perᴋovlugo?

Hiobe 31:9

Omattiga kajungersartaukolaukpat arnamut, sillalimalo upkoangane uttakkilauruma:

Salomob Okâl 4:23

Tamainit anginerpangojomik ommatit udsertoruk: omangat inôsek anningmat.

Jesaiase 44:20

Argjat (tiktaujut) tigunasuarpait, õmatingata uivêrijaumajub tammartipâ, tarnine piulivlugo sapperpâ, imâglo issumaᴋangilaᴋ: Tallerpiga uivêrinartunik sullijaksaᴋangilâᴋ?

Hosea 13:9

Asserornarpoᴋ ilingnut, Israêle, akkerartoramga, ikajortît akkerartorangne.

Mattêuse 15:18

ᴋanikulle anijut, ômamit pivut, tamakkoalo inuk sujuktipât.

Mattêuse 15:20

Tamakkoa inuk sujuktipât. Aggangnulle ubvarsimangitunut inuk nerrigalloarpat, mattoma sujuktingilâ.

Mattêuse 4:1

Tagva Anernerub Jêsuse aitipâ inuᴋangitomut, ôktortaukovlugo Sâtanasemut.

Mattêuse 5:28

Uvangale oᴋautivapse; Arnamik takunârtub, ikligivlugo, tâpsoma ômamine nuliarêngnermik asserueᴋatigijarêrivâ.

Rômiunut 7:11

Ajornerub perᴋojaᴋ kajungersautigivlugo uivêringmanga toᴋotilungalo tamattomunga perᴋojamut.

Rômiunut 7:13

Ajungitoᴋ tagva uvamnut toᴋonartôvâ? Taimaitsangilaᴋ! Ajornerle saᴋᴋerᴋovlugo ajortoᴋsôningane, uvamnut toᴋonartôlerpoᴋ ajungitoᴋ atorlugo; ajorneᴋ ajortovaksônerôlerᴋovlugo perᴋojamut.

Efêsusemiunut 4:22

Inutoᴋaᴋ atorungnairsiuk piusiovalauᴋtut allarlugit, ikligunermut ingminik asseroijoᴋ tamarnartomut.

Ebrêerinut 3:13

Uvlulle tamaita nangminipsingnik kaiblainiaritse, sulle uvlomeotilugo; akunapsingne sittititaujoᴋarᴋonago ajornerub uivêriklerninganut.

Jâkobusib 1:13

Naliat ôktortaulerune, oᴋarniarane: Gûdemut ôktortaulerpunga. Gûde ôktorlukteunginame, ôktorniangilak atautsimiglônêt.

Jâkobusib 1:15

Kingorngane ikligunek sâleᴋalerangame, idluitulinermik sakᴋertitsivok; idluitulinerle atortaukpat, toᴋomik sakᴋertitsivok.