I Timôteusemut 5:8 - Labrador Inuttitut Heritage Bible

⁸ Naliatale illane, anginersamik iglomioᴋatine, patangaitingikunigit, tâpsoma okpernek misiarutigivâ, okpingitomillo ajuluarpok.

I Timôteusemut 5:8 Iomraidhean Croise

Genesis 30:30

Ikitunik perᴋuteᴋalauᴋpotit tikkigama, siamarlutigle unuksivalliadlarput, Nâlekablo saimauserpâtit aulanipkut tamât. Kissiane ᴋanga iglo nangminiksara issumagijaksarivigô?

Jesaiase 58:7

Ammalo: Kâktoᴋ aitoruk nerᴋiksarnik, ajulertut inniksaᴋangitut iglomut itterᴋokit; annorâᴋangitomiglo takoleruvit, annorâᴋartileruk, uviniᴋaᴋatit allarniarnago.

Mattêuse 18:17

Tussangipase, tamanna illagêktunut oᴋautigiuk. Illagêktullo nâlengipagit, nalojotut pimaklertotullônêt ilinganasugileruk.

Mattêuse 7:11

Ilipsele, piungitôgalloartose, ᴋitorngase tuntijivigijungnarapsigik tunergutinik ajungitunik, anginersamik ilâ Atâtapse ᴋilangmêtub tuksiartine tunitjiviginiarpait ajungitunik.

Johannese 15:22

Tikilaungikuma, tamattominga oᴋautijartorlugit, ajorneᴋarajangilat; mânale pasijaujungnairutiksarsijungnangilat ajornitik pivlugit.

I Korintemiunut 6:6

ᴋatangulle akkerartorpok ᴋatangutiminut, okpingitut takoane aglât.

II Korintemiunut 12:14

Ahâk pingajuanik tikiniarsinnalerpapse oᴋumaititsijomananga ilipsingnik; pipsingnik pinasuanginama, ilipsingnigle. ᴋitorngat katersoijuksaungimatta perᴋutinik angajoᴋâmingnut, angajoᴋalle ᴋitorngamingnut.

II Korintemiunut 6:15

ᴋanorlotauᴋ Kristûselo Bêlialelo adsigêkpâk? Okpertorlo okpingitorlo ᴋanoᴋ illagêkpâk?

Galâtsiamiunut 6:10

Taimaitomik piviksaᴋarapta, ajungitulilerta tamainut, okperneᴋaᴋativulle piluardlugit.

II Timôteusemut 2:12

Kenuersârupta, atanioteᴋattaujomârivogut; missiarutigiguptigo, missiarutigijomârivâtiguttauk.

II Timôteusemut 3:5

Gûdemik nâlekteojârtunik, pitsartuninganigle sakᴋertitsijomangitunik. Taipkoatauk allakit.

Titusemut 1:16

Gûde illitarivlugo oᴋarput, piniarnermingnulle missiarutigivât; Gûdemut makᴋojungnaramik, tapatojoᴋsôlarmiglo, sappertoksôvut ajungitulinernut tamainut.

II Pêtrusib 2:1

Nelangaitunigle nelautaijoᴋalaurivoᴋtauᴋ inuit akorngane, sorlotauᴋ ajoᴋertuijut nelangaitut akunapsingnêtsomârmatta. Taipkoa seniagut ajoᴋertûtsinik pititsijomârput asserornartunik, Nâlegarlo misiarutigijomârpât pisiarijigilauktatik; ingmingnut pititsivlutik asserudlautiksamik tagvainârtomik.

Jûdasib 1:4

Inuit illangit pingitsertorlutik illaungmatta, taipkoa pivlugit sivunivaᴋsoangagut aglaksimavoᴋ, tamattomûna pidlartaujomârmatta; Gûdeᴋaromangitut pivakka, Gûdipta saimarsautâ atornerlukamitsuk kangunartoᴋsoarmut, misiarutigilugolo Nâlegavitôjoᴋ Gûde Nâlegavut Jêsuse Kristûse.

Takotitaunermik 2:13

Sulijatit ᴋaujimavakka, nunaᴋarnîllo nane, Sâtanasib iksivautaᴋsoangata ininganek ateralo atavigigangne, okpernerlo uvamnut misiarutiginago uvlune ipkonane aglât, Antipase ataruilivlune uvamnik kigligiutsijok toᴋotaungmat ilipsingne, Sâtanasib ineᴋarviane.

Takotitaunermik 3:8

Piniarnitit ᴋaujimavakka. Ahâk, upkuêrutjilaukpunga ilingnut naliata palangairungnangitanganik; pitsartunearsuᴋaravit, oᴋauseralo torᴋulaukpat, ateralo misiarutigilaungilat.