I Timôteusemut 4:12 - Labrador Inuttitut Heritage Bible

¹² Inôsungnernik nachojoᴋarniarane! Igjaraksaunialerille okpertunut, oᴋautsemullo inôniarnermullo nagligosungnermullo anernermullo okpernermullo ikliguktailinermullo.

I Timôteusemut 4:12 Iomraidhean Croise

Saggaria 2:4

Oᴋautivâlo: Aᴋpangerit, inosuktok tâmna oᴋarvigivlugo, oᴋarlutit: Jerusalem inigijaulârpok iglugasaksoatitut ᴋarmaᴋsoaᴋangitutitut, inugasaksuit nergjutillo tagvanêtut unuktoksôningit pitjutigivlugit.

Mattêuse 18:10

Kamatsialeritse, makkoarârsuit ilangat nachoginasiuk! Oᴋaupapsele: Engelingita ᴋilangmêtut Atâtama ᴋilangmiub kênanga takotsainarpât.

I Korintemiunut 11:1

Uvamnik malikteotitse, sorlo uvanga Kristûsemik.

Filippimiunut 4:8

Tagvale ᴋatangutikka, mikseᴋârnerillo ilusitsiaringnerillo, idluarnerillo, ivjornainerillo, naglingnarnerillo, illanârêngnerillo, ilûnaita inutsiaᴋutaunerit, ᴋujanartoᴋarpallônêt, nertornartoᴋatamakkoa issumaksarsiorutigisigik.

I Tessalônikamiunut 1:6

Ilipselo uvaptingnik malikteolertose Nâlekamiglo, angijomiglo kappiasuktitautiluse oᴋautsit illaliulauᴋpase ᴋuviasukluse Anernerme ajunginerme.

I Tessalônikamiunut 2:10

Nelungilase Gûdiblo (nelunginivâ), ᴋanoᴋ ivsornaidluta idluartôvlutalo passijaksaunatalo najulaurapse, ilipse okpertose.

I Timôteusemut 1:14

Nâlegaptale saimarsautâ angiluartoᴋsôlauᴋpok (uvamne), okpernerlo naglingnerlo Kristûse Jêsusemêtûk.

II Timôteusemut 2:15

Pinasuatsialerille Gûdemut takotilutit idluartomik sanajotut passijaksaungitotut, mikseᴋârnerub oᴋausinginik ingmigôlingatitsijotut idluartomik.

II Timôteusemut 2:22

Inôsuktut ikligunerivaktangit ᴋemangniakit; idluarnerle pinasuaruk, okpernerlo, naglingnerlo, ullapirsainerlo ilûnaita Nâlekamut tuksiartut illagivlugit ômamut ivjornaitomut.

II Timôteusemut 2:7

Nâlekable tukkisitiniarpâtit tamainik.

Titusemut 2:15

Tamattominga oᴋâlagit kaiblailutillo inerterilutillo ilungertordlutit; kimullônêt nachogijautaililutit.

Titusemut 2:7

Ilûnânele nangminek igvit takotilerit ajungitulinermik igjaraksauvlutit, illaᴋangitomik ajoᴋertûseᴋardlutit opinarlutillo,

Jâkobusib 3:13

Kina akunapsingne illisimavlunelo silatuvâ? Tâmna ajungitulinerminik nalonaijaile inôtsiarnerminut, ᴋenuêlunelo silatolunelo.

Jâkobusib 3:17

Silatunerle pângat pijok sivorlermik ikliguktailivok, taimâktauk ullapirsausêjok, ᴋenuêtok, oᴋautsarêngitok, nâpkigosuktoksôjok ajungituliᴋattarlune, adsigêktitsijok, takkormôjuitok.

I Pêtrusib 5:3

Gûdib inuᴋotinginut ataniotijomajutitut pinase, igjaraksaunialeritsele katimgajunut.