I Timôteusemut 4:10 - Labrador Inuttitut Heritage Bible

¹⁰ Tamattomunga torârtitsivluta sananasuaraptatauk, mitautigijaulaptalo, Gûde ômajok tatigigaptigo, inuit ilûnatik piulijingat anginersamigle okpertut.

I Timôteusemut 4:10 Iomraidhean Croise

Imgerut 107:2

Taimak oᴋarlît Nâlekab piulijangit, tâpsoma kappianartomit piulilauktangit;

Imgerut 118:8

Namanersauvok Nâlegak tattigilugo, sungertuteᴋarnermit innungnik.

Imgerut 36:6

Idluarnît Gûdib ᴋaᴋᴋangititut îpok, idluarsainitillo ingergarnertut angijoksoatut îput. Nâlegak igvit ikajorpotit tamangnik; innungnik, ômajuniglo.

Imgerut 37:40

Nâlekablo illiginiarpait piuliniarlugillo, Gûdeᴋangitunnit piuliniarpait, ikajorniarlaitalo tattigingmatsuk.

Imgerut 52:8

Uvangale nappârtotut orksoliktotut tungojortotut Gûdib iglunganêtuatsainaromârpunga; Gûdib pitsiarninga tattigitsainarpara issoᴋangitomut.

Imgerut 84:12

Nâlegak Zêbaot, pillorikpok innuk sungertuteᴋartok illingnik.

Jesaiase 12:2

Ahâk Gûde piulijigijara! Tattiksaᴋarpunga sivoranangalo, Gûde Nâlegaᴋ pitsartutigigapko imgerutigivlugolo; tâmna piulijigivara.

Jesaiase 50:10

Kia akkunapsingne Nâlegaᴋ sivoragivaûk, kivgangata nippinga nâleklugo? Tâᴋsoakut arvertartub ᴋaumaksartaungitublo Nâlekab attinga nerriugiliuk, Gûdinelo tattigiliuk!

Jeremia 17:7

Piloridlarpoᴋ inuk sungertuteᴋartoᴋ Nâlakamik, nerriungneᴋartoᴋ Nâlakamik.

Daniel 3:28

Nebukadnezarilo niplipoᴋ oᴋarlunilo: Nakorijauli Sâdrakib, Mîsakiblo, Abednigoblo Gûdingat, ingiliminik tiliklitoᴋ piulilugillo kivgani tatigijini tapajullo ataniub piᴋojanganik, timimingniglo tunitjijomangitut Gûdimik assia kivgartoromavlugo opigijomavlugolo.

Nahum 1:7

Nâlegak avâgosuktôvok, ungalujijoksoangovok kiksarnartub uvlungane; ilitarivaillo sungertutigijine.

Mattêuse 16:16

Tagva Sîmonib Pêtrusib kiovâ oᴋarlunalo: Kristûseovotit, Gûdib ômajub erninga.

Mattêuse 27:43

Gûde tatigingmago, tâpsoma piuliliuk mâna, ᴋuviagiguniuk. Oᴋalaungmat: Gûdib Ernerivânga.

Johannese 1:29

Uvlub aippangane Johannesib Jêsuse nelipsariartortine takovâ oᴋarlunelo: Ahâk tagga Gûdib saugârsunga silaᴋsoarmiut ajorninginik nangmartok!

Johannese 4:42

Arnamullo oᴋarput: Okperapta oᴋautsitit pitjutigijungnairpavut, nangminek tusarapta tukkisilutalo, tâmna ilâ Kristûseongmat, silaᴋsoarmiut piulijingat.

Johannese 5:24

Âhamarik, âhamarik oᴋaupapse: Oᴋausimnik tussartok, okperilugolo tilijiga, tâmna inôseᴋarpok nungusuitomik, erᴋartuivingmullo piniangilak, toᴋomille inôtsemut nuktersimavok.

I Korintemiunut 15:10

Gûdible saimarsaininganut ilinganera taimaipok; saimarsautâlo uvamnut pijok sulinane pimangilak, uvangale taipkonangat tamainit piniarnersaulaukpunga; uvangale pingitunga, Gûdible saimarsainingata ilagingmanga.

II Korintemiunut 1:10

Toᴋomit taimaitomit tâpsoma piulilauᴋpâtigut, sullelo mâna piulivâtigut: tattigivavullo mattoma kingorngaguttauᴋ piulijomârmatigut,

I Timôteusemut 2:3

Tamanna idluarmat, ᴋuvianarlarmelo Gûdemut piulijiptingnut;

I Timôteusemut 2:4

Tâpsoma inuit ilûnaita piulijauᴋojomavait, mikseᴋârnermiglo ilitarsititaulerᴋovlugit.

I Timôteusemut 2:6

Ingminik tunilauktok piulijiksaujomavlune ilûnainut, tamanna oᴋâlatigijauᴋovlugo neliuningane.

I Timôteusemut 3:15

Mullulerumale, ᴋaujimaᴋovlutit iliortuksaunernik Gûdib iglungane; tamadja Gûdib ômajub ilagêktitangit, mikseᴋârnerub sukanga tungavingalo aulajungnangertok.

I Timôteusemut 6:17

Akluitut silaksoarme tamattomane oᴋautikit pimariuterᴋonagit, perᴋutimingniglônêt ᴋolarnartunik tatteᴋarᴋonagit, Gûdemigle ômajomik; tâpsoma tamainik angijomik tunitsivigingmatigut atoraksaptingnik;

Ebrêerinut 11:26

Mitautaunerlo Kristuse pivlugo akluijutaunasugiluarpâ Egiptenib perᴋutivaksoanginit: akkiksaᴋ issumagigamiuk.

Ebrêerinut 13:13

Nelipsarlavut tagva mâna tupersuit avatanut, mitautauninga atorlugo.

I Pêtrusib 1:21

Gûdible toᴋungajunit tupaktipâ, ânanaujoᴋsoangartilugolo, Gûdemut okperᴋovluse, tatteᴋarᴋovluselo.

I Johannesib 2:2

Tâmnalo ullapirsautauvoᴋ ajornivut pivlugit; ajornivulli kissêtaungitut, silaᴋsoarmiullitauᴋ ilûnatik ajorningit pivlugit.

I Johannesib 4:14

Takolauᴋpogut kigligiutsivogullo, Atâtab Erneᴋ tililaungmago piuliklitioᴋovlugo silaᴋsoarmiunik.