I Timôteusemut 3:7 - Labrador Inuttitut Heritage Bible

⁷ Piloriktoᴋutaujariaᴋarmigorle ilagingitaptingnut, mitautigijaunermut Sâtanasiblo napertitsininganut kataᴋonago.

I Timôteusemut 3:7 Iomraidhean Croise

Markuse 4:11

Kiovait oᴋautivlugillo: Ilipse Gûdib nâlegauvingata nelonarninganik ᴋaûjititauvose; taipkoale uvaptingnêngitut adsiujunik oᴋautjaulerput;

Apostelit Piniarningit 10:22

Oᴋarpullo, Kornêliuse Zenturiôjoᴋ, angut isumagiktok Gûdemik nâlektok, Jûdit ilûnatik idluarnerartangat, Gûdemut ᴋaujititauvok Engelikut ivsornaitokut, ilingnik ᴋaikojerᴋovlugo iglominut, oᴋautsinik tusartuksauvlune ilingnit.

Apostelit Piniarningit 22:12

Tagvanele anguteᴋalaukpok Gûdemik opigosuktomik perᴋojaniglo nâletsiarlune, Ananîasemik atilingmik, Jûdit ilûnatik tagvanêtut piloriktoᴋotigijanganik.

Apostelit Piniarningit 6:3

Taimaimat, erdlingnartose ᴋatangutigêt, angutinik 7 nik ᴋenilauritse akunapsingne, idluartoᴋutaujunik Anernermiglo ajunginermik silatunermiglo ilumertaujunik, kivgartorᴋojaksaptingnik tamattomunga.

I Korintemiunut 10:32

Sinaungajutauniarase Jûdinullônêt, Grîᴋinullônêt, Gûdib ilagêktoᴋotinginullônêt.

I Korintemiunut 5:12

Assiptingnêtut (okpingitut) susiorvigijaksarivakkâ, erᴋartortaukovlugit uvamnût? Erᴋartuivangilasê uvaptingnêtunîk (okpertunîk)?

II Korintemiunut 6:3

Taimailiorpogut sinaungajutaulugata kimut; kivgartornivut oᴋarnerlôtauᴋonago;

II Korintemiunut 8:21

Udjertorapta, piniarnerit idluarᴋovlugit, Nâlekab sângane kissianeungitoᴋ, inuit takoanetauᴋ.

Kolossamiunut 4:5

Silatujomik taipkoa ilagingitase inôᴋatigisigik; atutsiarlugolo neliutok.

I Tessalônikamiunut 4:12

Ilusitsiarikluse arvertarᴋovluse illagingitapsingne, taipkoalo illanganik atoriaᴋarᴋonase.

I Tessalônikamiunut 5:22

Idluitulijutaujârnerit tamaita atorniarasigik.

I Timôteusemut 3:6

Okpilerᴋammertoungitok, piojorerᴋonago Sâtanasiblo erᴋartuininganut kataᴋonago.

I Timôteusemut 5:14

Taimaimat uigarnerit inôsuktut uiniktârᴋovakka, ᴋitorngilutik, iglomingnik pairᴋsilutik, akkerartortok pitjuteᴋarᴋonago oᴋausiluklune.

I Timôteusemut 6:9

Akluitsomajulle ôktortaulungnermut nikkanullo katangniarput, unuktunullo silainartunut asserornartunullo kajungilârnernut; taimaitut inuit kivitipait kappianartomut erᴋartortaunermullo.

II Timôteusemut 2:26

Amalo tupalerniarmangâta Sâtanasib niganganit; tâpsomunga napersimagamik, pijomajanganik piniartuksauvlutik.

Titusemut 2:5

Silatoᴋovlugit, ikliguktailivlutik, pairijaksamingnik pairserᴋovlugit, ajunginiarlutik, uitik atanerilugit, Gudib oᴋausingit mitautigijaulerᴋonagit.

Titusemut 2:8

Atsuilinartunik erᴋartortaujungnangituniglo oᴋauseᴋarlutit; akkerartorosuktok kangusuᴋovlugo, pitjuteᴋarᴋonagolo oᴋautigilukluta.

III Johannesib 1:12

Demêtriuse (ajungitomik) oᴋautigijauvoᴋ tamainut, mikseᴋârnermullo nangmineᴋ; uvagullotauᴋ kigligiutsigivogut, ilipselo ᴋaujimavose, kigligiutsinivut okpernarmat.

I Samuel 2:24

Aukak ᴋittorngâka, tamanna tussaumaniolungilak ânanamik, tussartara. Nalekab innuᴋotingit tappatipasse.