I Timôteusemut 3:3 - Labrador Inuttitut Heritage Bible

³ Vainetuluadlarane, ileranartaililune, nachonartomik perᴋutiniarasuartaililune, inôtsiarlunele, ningarosuktaililune, pijomatudlarane;

I Timôteusemut 3:3 Iomraidhean Croise

Salomob Okâl 1:19

Ilûnatik pijomatudlarnermik ungajut taimailingavut; taimaitub angajoᴋâne inosêjarpa.

Salomob Okâl 15:27

Torᴋuijok kiksartitsivok iglomioᴋattiminik; pilliusianigle omisuktok inôniarpok.

Okaluktok 7:8

Sunab nâninga nâmanersauvok pigiarninganit. Anernek ᴋennuersârtok nâmanersauvok annernermit piojorijomit.

Jesaiase 28:1

Kappianarmek Efraimikkut tallatut niaᴋôtingat ânanaudlartoᴋ, nuvugulângat ᴋunorlertoᴋ, ânanaudlartoᴋ allianartorlo, naᴋsab perorsijaᴋtaliub ᴋollânẽtoᴋ, vainemut tallatitaujut pingat!

Jesaiase 28:7

Ukkoaletauᴋ (Jûdakkut) vainetornermut tallatitauvut, imiksamullo tallanartomut kaibjaititauvut. Ajoᴋertuijullo nallautaijullo imiksamut tallanartomut tallatitauvut, vainetornermullo sãlagijauvut, imiksamullo tallanartomut kaibjaititauvut; takkotitjutinik tautuktitauvlutik tallaput, erᴋartuivingmêdlutik kaibjaivut.

Jeremia 6:13

Ilûnamasiatik mikinerpâmit anginerpâk tikidlugo pijomatudlartôvut; nalautaijomillo ajoᴋertuijoᴋ tikidlugo nalâgôngitomik piniarput.

Jeremia 8:10

Taimaimat nuliangit tunijomavakka takorngartanut, perorsêvingillo sâlagijinginut; ilûnamasiatik, mikinerpâmit anginerpâk tikidlugo, pijomatudlartôngmatta; nalautaijomillo ajoᴋertuijoᴋ tikidlugo nalâgôngitomik piniarmatta.

Hesekiel 44:21

Ajoᴋertuijullo neliat vainetortuksaungilaᴋ iteromalerune avaluliorsimajomut ilullermut.

Leviticus 10:9

Igvillônêt ernitillônêt vainemik imiksamiglônêt tallanartomik imerniarase ilagêktut tupinganut itilerupse, toᴋoᴋonase; perᴋojak tamanna soᴋosijuituksauvok kinguvârêngnipsingnut ilûnainut:

Migga 2:11

Inuk saglojomik anernelik saglovlune oᴋarpat: Nalautaivigijomavagit vainemik imiksamiglo pitsartujomik; tâmna ilâ nalautaijôlârpoᴋ inungnut ukkununga.

Migga 3:11

Angajoᴋângit idluarsaivut pilitaujomavlutik, ajoᴋertuijungillo akkilertaujomavlutik, nalautaijungillo nalautaivut kênaujanut; sullele Nâlegaᴋ egangavigijomavât, oᴋarlutiglo: Nâlegaᴋ akunaptingnêlungilâᴋ? Idluitûb tikiniangilâtigut.

Migga 3:5

Imâᴋ oᴋarpoᴋ Nâlegaᴋ nalautaijut inuᴋotimnik tamartitsijut pivlugit; kigutimingnut kêsijut, ᴋaigarsuklutiglo: Ulapirᴋsaumik; oᴋomeraksamigle ilijijoᴋangipat ᴋaninginut, tagva unatariartoromavât:

Mâlaki 1:10

Kanoᴋtôᴋ atausiublônêt akunapsingnit upkoat parngnanairsorajarpagit, sulinase ikoâlasaiᴋonase tunerguservimne! ᴋuviagilungilapse, oᴋarpoᴋ Nâlegaᴋ Zebaot, tunergutiniglo nerᴋiksanik pijomangilanga aggapsingnit.

Mattêuse 21:13

Oᴋautivlugillo: Aglaksimavok, igluga taijaksauvok tuksiarvingmik; ilipsele inuarviotilaukpase.

Apostelit Piniarningit 20:33

Silberemik goldemiglônêt pigijapsingnik annorâpsingniglônêt ᴋenulaungilanga.

Rômiunut 16:18

Taimaitut Nâlegavut Jêsuse Kristuse kivgartungilât, natjatigle; oᴋautsinullo ajungitôjârtunut manigornartôjârtunullo pasijaksaungitut ômatingit uivêrivait.

Efêsusemiunut 5:18

Tallaniaraselo vainetornermut; tamanna idluangilutaungmat, Anernermigle ilumertauleritse;

I Tessalônikamiunut 5:14

Kaiblarpapsele, ᴋatangutivut, iluserluktut inertersigik, ômatikitut manigorsigik, sangêtut merngortôtiginiarasigik ᴋenuersâritselo ilûnainut.

I Timôteusemut 3:8

Taimâktauᴋ (illagêt) kivgangit ilusitsiariktuksaugivut; maggôilinagit oᴋautsitik, vainetuluadlaratik, nachonartomik perᴋutiniarasuartailivlutik.

II Timôteusemut 3:2

Inuᴋaromâlermat ingmingnik piojorijoᴋsoarnik, pijomatudlartunik, nertortaujomajunik, pimariutertunik mitauteᴋadlartunik, angajoᴋâmingnik nâlengitunik, ivjornartunik,

Titusemut 1:11

Taipkoa ᴋaningit simiklugit pijariaᴋarpok; iglomioᴋatigênik ilûnainik mumiktitsingmatta, idluangitunik ajoᴋertûserijaksaungitunik pivut, kangunartunik perᴋutiniaromavlutik.

Titusemut 1:7

Ajoᴋertuinerôjok passijaksausuertuksaungmat, Gûdib iglunganik pairsijotut; ingminênâᴋijomanane, ningarosuksâranelo, vainetuluadlarane, ileranaromanane, nachonartomik perᴋutiniarasuarane;

Titusemut 2:3

Taimaktauk ningiut ivsornaitutitut inôniarᴋovlugit, terliaᴋataisuerlutik, vainetuluadlaratik, ajungitomik ajoᴋertuivlutik.

Titusemut 3:2

Kimiglônêt mitauteᴋaratik, akkerartortaililutik, inôtsiarlutik, ningarosujuinermik sakᴋertitsilutik inungnut tamainut.

Ebrêerinut 13:5

Iliornise pijomatudlarnermik illaᴋarniarane, pigijase tamâne nâmagisigik. Nangmineᴋ oᴋarmat: Kemangniatsangilagit allarniarnaglônêt.

Jâkobusib 4:1

Akkerartôtinek sorsungnerlo akunapsingne nakit pivâ? Ikligunek timipse avatingine ataniotijok pitjutigingilaûk?

I Pêtrusib 5:2

Kristusib inuᴋotingit perᴋojaumajut ilipsingnut pairiniarsigik udsertorlugillo; ᴋununermut pinase ᴋunutuidlusele; kangunartomik perᴋutiniaromanermut pinase, ômamulle ilungertortomut,

II Pêtrusib 2:3

Pijomatudlarnermullo ilipsingnit perᴋutiniarasuaromârput, oᴋautsinut mikseliungitunut piniarlutik. Taipkoa pidlartautiksangit oᴋautauᴋammerungnairtut noᴋᴋarniangilat, erᴋartortautiksangillo sininginivut.

Jûdasib 1:11

Kappianamêk tâpkoa! Kainib apᴋotigilauᴋtanga atoramitsuk, Balaamiblo tamârnêrilauᴋtanganut perᴋutiniaromamut katakivut, pikablânermingnelo Kôratut nungutauvut.

Takotitaunermik 1:9

Uvanga Johannese, ᴋatangutisetauk illangiuteᴋatauvlunga kappiasungnermiglo nâlegauvingmiglo Jêsusiblo Kristûsib ᴋenuersârninganik, ᴋikertamêpunga Patmusemik atelingme, Gûdib oᴋausinga pitjutigilugo, kigligiutsinerlo Jêsuse Kristûsemik pitjutigilugo.

I Samuel 8:3

Ernigigle agvertarlaungilâk tapsoma apᴋotigijangane, sangulerpugle pijomatudlarnermut, tigusilutiglo pilliusianik, idluarsainerlo attornerlukpâk.