I Timôteusemut 3:16 - Labrador Inuttitut Heritage Bible

¹⁶ Akkerartortaujungnangitomik angijôvoᴋ Gûdemut okpernerub nalonarninga: Gûde uvingme sakᴋijârsimavok, idluartitauvlune anernermigut, takotilune Engelinut, oᴋautigijauvlune nelojunut, okperijauvlune nuname, ᴋongmuartitauvlune ânanaunivingmut.

I Timôteusemut 3:16 Iomraidhean Croise

Jesaiase 7:14

Taimaimat Nâlekab nangmineᴋ nallunaikutamik tunitjivigijomârpâse. Ahâk, uigasuk singaivoᴋ ernermiglo ernijomârpoᴋ, tâmna Imânuelemik (imaipoᴋ: Gûdib illagivâtigut) atseraromârpâ.

Jesaiase 9:6

Nutarârsuk erniangongmat uvaptingnut, erneᴋ tunijaungmat uvaptingnut; nâlegauninga tuinganẽpoᴋ; atteᴋarporlo: tatamnadlartomik kajusimajomik, Gûdemik pitsartujoᴋsoarmik, Atâtaujomik issoᴋangitomut, Nâlekamik ullapirsaijomik.

Migga 5:2

Igville, Betlehem Efrata, mikijôgaloartotit Jûdab tausendeoningita akorngane, ilingnit pijomârpoᴋ uvamnut nâlegaujuksaᴋ Israêleme; tâpsoma aniningit itsarsoarnit pivut, issoᴋangitoᴋsoarmit.

Mattêuse 1:23

Ahâk, uigasuk singaijomârpok, ernermiglo ernijomârlune, Immanuêlemiglo atseraromârpât, atingata tukkinga imaipok: Gûde uvaptingnêtok.

Mattêuse 13:11

Kiovait oᴋautivlugillo: Ilipse Gûdib nâlegauvingata nalonarninganik ᴋaujititauvose; taipkoale tamattominga tunitjiviongilat.

Mattêuse 28:2

Ahâglo, nuna sajukpilâdlarpok. Nâlekab Engelingata ᴋilangmit akᴋarlune ujaraksoak iluviub pânganit aksaᴋârtitsartormago, ingidlunalo ᴋânganut.

Mattêuse 3:16

Jêsuse baptitaugame, tuavidlune kôngmit ᴋakᴋivok; ahâglo, ᴋilak ᴋolâne angmalerpok. Johannesiblo Gûdib Anerninga takovâ, tingmiatut taubetut akᴋartok, Jêsusemullo pijok.

Mattêuse 4:11

Sâtanasib tagva ᴋemakpâ; ahâglo, Engelit tikipât kivgartorlugolo.

Markuse 1:13

Tagvalo inuᴋangitomêpoᴋ uvlunik 40 nik, Sâtanasemullo ôktortaulerpoᴋ, nergjutillo illagivait, Engelillo kivgartorpât.

Markuse 16:19

Nâlekablo taimâk oᴋautilauramigit, ᴋongmuartitauvoᴋ ᴋilangmut, ingitsartorlarmelo Gûdib talerpiata tungânut.

Markuse 16:5

Iluvermullo iteramik, angut inôsuktoᴋ talerpiata tungâne iksivajoᴋ takogamitsuk, angijoᴋtamik ᴋaᴋortamik annorâlik, kakkilâdlarput.

Lukase 2:32

ᴋaumajok nalojunik ᴋaumarsaijuksak, inuᴋotivîllo Israelitit nakorijaksangat.

Lukase 20:44

Nâlekaminik Dâvidib taigamiuk, ᴋanok ernerivaûk?

Lukase 22:43

Engelille ilangata ᴋilangmit sakᴋervigivâ nakoksilugolo.

Lukase 24:4

Taimâk pivlugo siarklilermatta, ahâk angutik maggûk sanianut pivuk, ᴋeblertangnik ânnorâlîk.

Lukase 24:51

Taimâglo saimartiᴋamigit ᴋemakpait, ᴋilangmullo ᴋongmuarpok.

Johannese 1:14

Oᴋauserlo uviniolerpok, inôᴋatigilutalo, (ânanauningalo takolauᴋpavut, ernetuab Atâtamit pijub ânanauningatut) saimanelijartok, mikseᴋârnelijartorlo.

Johannese 13:3

Jêsuselo ᴋaujimagame, tunitjiviogame tamainik aggangminut Atâtamut, Gûdemillo pilaurame, Gûdemullo ainiarame;

Johannese 15:26

Manigoijorle tikitsomârpat, tilijomârtara ilipsingnut Atâtamit, mikseᴋârnerûb anerninga, Atâtamit anijok: tâmna kigligiutsiniarpok uvamnik.

Johannese 16:28

Atâtamit anilaukpunga, pilungalo silaksoarmut; amalo silaksoak ᴋemangniarpara, Atâtamullo ailunga.

Johannese 17:5

Mânalo ânanausilaunga, Atâtak, ilingne, ânanaunermut ilingnêdlunga pigilauktamnut silaksoaᴋarᴋârtinago.

Johannese 20:12

Engelîglo maggûk, ᴋaᴋortângnik annorâlîk, iksivajuk takovak, atausek niaᴋungata iningane, aippangale itigangita iningane, Jêsusib timingata ilijauvigilauktangane.

Johannese 6:62

ᴋanôk, Inûb Erninga takojomârupsiuk ᴋongmuartok takpikunga itsainarvingminut sivornganê?

Apostelit Piniarningit 1:19

Tamannalo tusaumajauvoᴋ Jerusalemiunut ilûnainut; tamanna pivlugo perorsêvik taimna taigivât oᴋautsimiktut Hakeldamamik, imaipoᴋ: Perorsêvingmik auktalingmik.

Apostelit Piniarningit 10:34

Pêtrusible ᴋanine angmalerpâ oᴋarlunelo: Mâna kiglilingmik tukisivunga, Gûdib inuit nalîllônêt nachogingimagit;

Apostelit Piniarningit 14:27

Tagvungale pigamik, ilagêktut katersorᴋolerpait, unipkârlutiglo Gûdib piniarnersoanganik tâpkungnûna, ᴋanorlo nalojunut okpernerub upkuanga angmartilaungmago.

Apostelit Piniarningit 20:28

Tagva mâna udsertoritse ilipsingnik ilagêktuniglo ilûnainik, Anernerub ajunginerub ajoᴋertuijungortilaungmase tâpkoninga, Gûdib ilagêktitangit pairilugit aungminut pisiarilauktangit.

Rômiunut 10:12

Adsigêngilungimatta Jûdillo Grîᴋillo; atausênaᴋ Nâlegaringmatsuk ilûnatik, akluitoᴋ ilûnainut tuksiarvigijiminut.

Rômiunut 10:18

Oᴋarpungale: Tamattominga tussalaungilât? Aukak; (oᴋâlajut) nippingat nunalingnut tamainut tussartauvoᴋ, oᴋausingillo silaᴋsûb issunginut pimavut.

Rômiunut 16:25

Ilipsingnigle sôngotitsijungnartoᴋ, oᴋautsinut tussarnertunut oᴋautigijamnut Jêsuse Kristusemik, (tamakkutigûna nalonalauᴋtoᴋ nalonairpoᴋ, silaᴋsûb pigiarninganit oᴋautaulaungitoᴋ;

Rômiunut 16:26

Mânale nalonairsimavoᴋ, nalautaijullo aglanginut issoᴋangitoᴋsûb Gûdib perᴋojanga maliklugo oᴋautigijaujoᴋ, nalojunut tamainut, okpilerniarᴋovlugit nâlaklutik,)

Rômiunut 3:4

Taimainiatsangilaᴋ! imaivikporle, Gûde mikseᴋârtôvoᴋ, inuillo ilûnatik saglotovut; aglait imaingmatta: Oᴋauserne idluarᴋovlutit, ajugauᴋovlutillo, erᴋartortauguvit.

Rômiunut 8:3

Perᴋojab ajortanga, uviningmut ajulertitaumangmat, tamanna Gûdib pivâ, Ernine tiligamiuk, uviningmut ajortolingmut adsioᴋovlugo, tunergutiksauᴋovlugolo ajornerit pivlugit, ajortorlo uviningmioᴋ erᴋartorpâ;

Rômiunut 9:5

Tâpkoa atâtagivait sivorlît, tâpkonangat Kristuse uvinikut tikisimavoᴋ; tâmna tamainut Gûdeovoᴋ, nertortaujoᴋ issoᴋangitomut. Amen.

I Korintemiunut 15:47

Inuk sivorlek ivjomit pivok, uviniliovlune. Inûble aipanga Nâlegauvok ᴋilangmit pijok.

I Korintemiunut 2:7

Gûdible ilisimaninga ijersimajok nelonartorlo oᴋautigivavut; tamanna Gûdib silaksoaᴋarᴋârtinago perᴋolaukpâ ânanausijaujutiksaptingnut.

II Korintemiunut 1:19

Gûdib Erninga Jêsuse Kristûse akunapsingne oᴋautigijaujoᴋ uvamnullo Silvânusemullo Timôteusemullo âhailângovlunelo aukangovlunelo pilaungilaᴋ, tâpsomanele âhailângolauᴋpoᴋ.

Galâtsiamiunut 2:8

(Pêtrusib illagilauᴋtangata pitsartudlarlune Aposteliotilugo kipimajunut, tâpsoma uvangatauᴋ pitsartudlarlune illagilaurivânga nelojune,)

Galâtsiamiunut 4:4

Neliuningale neliusimangmat, Gûdib ernine tilivâ, arnamit erniangojoᴋ, perᴋojanik nâleklune;

Efêsusemiunut 1:9

Kaujitilaungmatigut pijomajame nalonarninganik, ᴋuviagijaminut, taimâk issumasimagame,

Efêsusemiunut 6:19

Uvangatauᴋ pivlunga, tunitsivioᴋovlunga oᴋâlanermik sivôrananga ᴋanera angmarlugo, oᴋautsit tussarnertut nelonarningat oᴋautigivlugo;

Kolossamiunut 1:23

Okpernerme tunganilivluse sôngolerupse sorairase, aulataililuselo oᴋautsit tussarnertut nerriugijauᴋojangine, tussaumajase, oᴋautigijaujut pingortisimajunut tamainut ᴋilaub atânêtunut; tamakkonunga uvanga Pauluse kivgaliarimajunga.

Kolossamiunut 1:27

Gûdib nelonaijaivigijomangmagit nelonartub tamattoma inornadlarninganik nelojune, tâgva Kristûsemik ilupsingnêtomik, ânanâvaksônermik nerriugutiksaujomik.

Kolossamiunut 1:6

Tamakkoa ilipsingnut tikisimangmatta, sorlotauk silaksoarmiunut tamainut, kibligutivlutiglo, ilupsingnetauk uvlormit taimangat tussaumalaurapse tamakkoninga Gûdiblo saimarsautâ nalâgut illitarivlugo.

Kolossamiunut 2:2

Omatingit ᴋaiblartauᴋovlugit ᴋelaksortigêrᴋovlugillo naglingnikut, akluilerᴋovlugillo ilisimajutiksanik tamainik nakimarninangitunik, Gûdemik Atâtamiglo Kristûsemiglo nalonartok illitarilerdlugo.

II Tessalônikamiunut 1:10

Tikipat ânanaunine saᴋᴋerlugo ivjornaitoᴋotine illagivlugit, tatamnadlalarmelo okpertoᴋotine ilûnaita illagivlugit. Kigligiutsinivut ilipsingnut uvloᴋ taimna pitjutigilugo okperilaurapsigik.

II Tessalônikamiunut 2:7

Kassênerub nalonarninga atorêrpoᴋ, sagvangitomele sulle, saᴋᴋertailititsijoᴋ pêrtaujariaᴋarᴋârmat.

I Timôteusemut 3:9

Okpernerub nelonarninganik torᴋuivlutik issumame ivsornaitome.

Ebrêerinut 1:3

Tâmna, (Gûdib) ânanauningata ᴋeblariutinga, ilinganingatalo adsiluanga, tamainiglo pairsijoᴋ oᴋautsiminut pitsartudlartomut, ajorniptingniglo pêjailauᴋtoᴋ nangminermigut, iksivavoᴋ Nâlegaviksûb talerpiata tungâne ᴋotsingnerme.

Ebrêerinut 12:2

Jêsuse takunârlugo, okpernermik pigiarnikteolarmelo nâmaksititsijeojoᴋ; tâmna ᴋuviasûteᴋarungnarajalauᴋtoᴋ, seningajolik ᴋenuersârlune atorpâ, kangunarningalo kamagingillâ, mânalo iksivajoᴋ Gûdib iksivautaᴋsoangane, talerpiata tungâne.

Ebrêerinut 7:7

Akkerartortaujungnangitomigle imaipoᴋ: Mingneᴋ anginersamut saimautjauvoᴋ.

Ebrêerinut 8:1

Okautigijavut tagva katidlugit imaiput: Taimaitomik ajoᴋertuinerôjoᴋarpogut, iksivajomik Nâlegaviksûb iksivautaᴋsoangane, talerpiata tungâne ᴋilangme;

I Pêtrusib 1:12

Taipkoa nelojungnaititaulauᴋput, ingmingnut ilingangitut uvaptingnulle ilingajuksat oᴋautigigamigit; tamakkoa mâna oᴋautigijaumavut ilipsingnut, oᴋautsinik tussarnertunik ilipsingnut oᴋâlajunut, Anernikut ajunginikut ᴋilangmit tilijaumajokut; tamanna Engelittauᴋ tukkisijomavlugo kajungilârivut.

I Pêtrusib 1:20

Tâmna sivorngagut issumaksarsiorutaumalauralloarpoᴋ silaᴋsoaᴋ tunganilijauᴋârtinago, saᴋᴋersimajorle neliunerit kingorlingine pivluse, tâpsomûna okpertose Gûdemut;

I Pêtrusib 1:21

Gûdible toᴋungajunit tupaktipâ, ânanaujoᴋsoangartilugolo, Gûdemut okperᴋovluse, tatteᴋarᴋovluselo.

I Pêtrusib 3:18

Kristusetauᴋ atausiardlune âniatitaungmat ajornivut pivlugit, idluartoᴋ idluitut pivlugit, pititsomavluta Gûdemut, uviningmigullo toᴋotauvlune, anernermigulle ômartitauvoᴋ.

I Pêtrusib 3:22

Tâmna ᴋilaliarame, Gûdib talerpiata tungânêpoᴋ, Engelillo, atanersuillo, pitsartudlartullo naipertorpât.

I Johannesib 1:2

Inôsilo saᴋᴋijârsimavoᴋ, uvagullo takolauᴋpogut kigligiutsilaptalo oᴋâlavigivapsi inôtsimik naggatiᴋarniangitomik, Atâtamêlauᴋtomik, uvaptingnullo saᴋᴋitomik.

I Johannesib 3:5

Kaujimagivosi, tâmna saᴋᴋisimangmat, ajornivut pêjaromavlugit; tâpsomanilo ajorniᴋangilaᴋ.

I Johannesib 3:8

Idluitulijoᴋ Sâtanasimit pivoᴋ; pigiarninganit Sâtanasi idluitulingmat. Tamanna pivlugo Gûdib Erninga saᴋᴋisimavoᴋ, assioiᴋovlugo Sâtanasib piniarninginik.

Takotitaunermik 17:5

Kaunganelo atek aglaksimavok: Nelonartok, Babilônersoak, ajortulinerit maᴋojungnarnerillo ilûnatik anânangat nuname.

Takotitaunermik 17:7

Engeliblo oᴋautivânga: Suna pivlugo tataminiarᴋêt? Oᴋautijomavagit arnab tâpsoma, nergjutsûblo (arnab) ᴋânganêvingata, niaᴋoliub 7 nik, nakjuliublo 10 nik nelonarnîgingnik.

Takotitaunermik 7:9

Mattoma kingorngane takogivunga, ahâglo, inugasaksoarnik kititaujungnangitunik kimut, nelojunit tamainit, inugasaksoarnillo, ingmigôlingajuniglo oᴋauselingnit, iksivautaᴋsûb sângane nangertunik, Saugârsûblo sângane, annorârsimajunik ᴋaᴋortanik, aggangmingnelo Palminik tigumiarlutik.