I Timôteusemut 2:6 - Labrador Inuttitut Heritage Bible

⁶ Ingminik tunilauktok piulijiksaujomavlune ilûnainut, tamanna oᴋâlatigijauᴋovlugo neliuningane.

I Timôteusemut 2:6 Iomraidhean Croise

Hiobe 33:24

Tagva saimarviginiarpâ, oᴋarniarlunelo: Piuliuk, Unnungarᴋonnago asserornartomut; ullapᴋosênermik Sakᴋêvunga.

Jesaiase 53:6

Illũnatale saukkatitut tammarpogut, ingmikôrluta apᴋutigijomajavut kamagituinarlugit. Nâlekable idluinivut illũnamatsiatik pitipait tâpsomunga.

Numbers 7:15

Tuktuvak inôtsuk atauseᴋ, saugaᴋ angusâloᴋ atauseᴋ, saugârsuk angutik atauseᴋ, atautsemik jârelik, tunergutiksaᴋ ôtaksaᴋ;

Mattêuse 20:28

Sorlo Inûb Erninga tikingimat, kivgartortaujomavlune, kivgartoriartorlunele, inôserminiglo tunijivlune unuktut piulijaujutiksanganik.

Markuse 1:15

Oᴋarlunelo: Neliutoᴋ neliusimavoᴋ, Gûdiblo nâlegauvia ᴋanitomut tikisimavoᴋ; ᴋaᴋialeritse oᴋautsillo tussarnertut okperisigik.

Markuse 10:45

Inûb Erningatauᴋ tikingilaᴋ, kivgartortaujomavlune, kivgartoriartorporle, tunivlunelo inôtsiminik unuktut akkiliksairutiksanginik.

Johannese 10:15

Sôrlo Atâtab ilitaringmanga, uvangalo âtâta ilitarigapko. Inôseralo tunivara saugat pivlugit.

Johannese 6:51

Uvanga ᴋakᴋôjauvunga ômanartok, ᴋilangmit tikitok. ᴋakᴋôjamit tamattomangat nerriniartok, inôniarpok isoᴋangitomut. ᴋakᴋôjarlo tuniniartara, uvinigivara, tuniniartara, silaᴋsoarmiut inôᴋovlugit.

Rômiunut 16:26

Mânale nalonairsimavoᴋ, nalautaijullo aglanginut issoᴋangitoᴋsûb Gûdib perᴋojanga maliklugo oᴋautigijaujoᴋ, nalojunut tamainut, okpilerniarᴋovlugit nâlaklutik,)

Rômiunut 5:6

Ajulidlalaurapta taipsomane, Kristusib naliutitsiartome toᴋotigivâtigut ajortoliksôtiluta.

I Korintemiunut 1:6

Sorlo Kristûsib ajoᴋertûsingit tungaveᴋadlarmatta ilupsingne.

II Korintemiunut 5:21

Ajortomik ᴋaujimangitoᴋ ajortungortilaungmago pivluta; uvagut tâpsomane idluartungortitauᴋovluta Gûdib sângane nâmagijaujomik.

Galâtsiamiunut 1:4

Tâmna ingminik tunilauᴋpoᴋ ajornivut pivlugit, piulijomavluta silamit mattomangat ajortomit, Gûdib Atâtapta pijomajanga maliklugo.

Galâtsiamiunut 4:4

Neliuningale neliusimangmat, Gûdib ernine tilivâ, arnamit erniangojoᴋ, perᴋojanik nâleklune;

Efêsusemiunut 1:17

Nâlegapta Jêsusib Kristusib Gûdinganut, ânanaunerub Atâtanganut, tunitjivioᴋovluse Anernermik illisimanartomik nalonaititsijomiglo, tâmna (Kristuse) illitaritsiarlugo.

Efêsusemiunut 1:7

Tâpsomane piulijauviksaᴋarapta aunganut, tamadja ajornernit issumagijaujungnainermik, saimarsaumik akluiningagut;

Efêsusemiunut 3:5

Tamanna itsaᴋ ᴋaujijautitaulaungilaᴋ inûb ᴋitornganginut, sorlo nalonairsimangmat mâna Apostelinginut nalautaijoᴋotinginullo ivjornaitunut Anernikut;

Efêsusemiunut 5:2

Naglingnermelo arvertaritse, sorlotauᴋ Kristusib nagligilaungmatigut, ingminiglo tunilaungmat pivluta, tunergutiksaujomavlune toᴋotaksamik, Gûdemut tipitsiariksautiksamik.

II Tessalônikamiunut 1:10

Tikipat ânanaunine saᴋᴋerlugo ivjornaitoᴋotine illagivlugit, tatamnadlalarmelo okpertoᴋotine ilûnaita illagivlugit. Kigligiutsinivut ilipsingnut uvloᴋ taimna pitjutigilugo okperilaurapsigik.

I Timôteusemut 6:15

Tamanna piloriktoksôjub ajugaᴋangitotôjublo, ipsoma atanivît ilûnatik atanerimangata, nâlekallo ilûnatik nâlegarijangata naliunermine sakᴋertitsomârpâ.

II Timôteusemut 1:8

Taimaimat kangusungniarnak kigligiutsinek Nâlegaptingnik pivlugo, pivlungalônêt ᴋelaksugaujunga tâmna pivlugo; uvaptulle kappiasuktitauneᴋ oᴋautsit tussarnertut pivlugit ᴋunuginago pît Gûdib pitsartuninganut.

Titusemut 1:3

Neliunerminele oᴋautsine ᴋaujijautilaukpâ oᴋâlanikut; tamattominga uvanga perᴋojaujunga Gûdib piulijipta perᴋojanganut:

Titusemut 2:14

Ingminik tunnilauktub pivluta, piulijomavluta idluitunit tamainit, ivsornaititsijomavlunelo nagminek inoᴋutiksaminik, ataruilijinik piniarnernut ajungitunut.

Ebrêerinut 9:12

Angusalublônêt nochaublônêt aunginut pingminane, aungminulle nangminerminut atausiardlune ivsornaitovingmut iterpoᴋ, issoᴋarniangitomik piulijauviksamik piniarutjilune.

I Pêtrusib 2:24

Tâpsoma nangmineᴋ ajornivut timimine pitipait ᴋejungmut, idluitulinermit toᴋungalerᴋovluta, idluarneᴋ inôniarvigilugo. Tâpsoma ikkinginut inûlijauvose.

I Pêtrusib 3:18

Kristusetauᴋ atausiardlune âniatitaungmat ajornivut pivlugit, idluartoᴋ idluitut pivlugit, pititsomavluta Gûdemut, uviningmigullo toᴋotauvlune, anernermigulle ômartitauvoᴋ.

I Johannesib 4:10

Naglingniᴋ tamadja: uvagut Gûde nagligigaptigoungitoᴋ, tâpsomali naglingmatigut, Erninelo tililaungmago, ullapirsautauᴋovlugo ajornivut pivlugit.

Takotitaunermik 1:5

Jêsusemillo Kristûsemit; tâmna nertornartôvlune kigligiutsijôvok, toᴋungajunillo erniangoᴋârtok, nâlegaunerôjorlo atanivingnut nunamêtunut; tâpsoma nagligilaukpâtigut ubvarlutalo ajorniptingnit aungminut,

Takotitaunermik 5:9

Imgerumiglo nutâmik imgerput oᴋâlavlutiglo: Igvit nelopᴋotingivitôvotit aglait tigulugit, naᴋitjutingillo angmarlugit; igvit toᴋotaugavit, aungnullo pisiarilauraptigut, Gûdemut perᴋutiksautiluta, sunatuinarnit kinguvârênit, oᴋauselingnillo, inugasaksoarnillo, nelojunillo;