I Timôteusemut 2:5 - Labrador Inuttitut Heritage Bible

⁵ Gûde atausiongmat, atausiogivok pijitsertok Gûdeme inungnelo, tagva inuk Kristûse Jêsuse;

I Timôteusemut 2:5 Iomraidhean Croise

Hiobe 9:33

Akkongaptingne pijitserteᴋalungilak namaksêjomik, aggangminik illijijomik tamaptingnut.

Jesaiase 44:6

Imâk oᴋarpoᴋ Nâlegaᴋ, Israêlib attaninga piulijingalo, ᴋilangmiugasaksuit Nâlegangat: Uvanga sivorliovunga, uvangalo kingorliovunga, assimniglo Gûdeᴋangilaᴋ.

Mattêuse 1:1

Aglait Kristûsib sivorlingita maliktigêngninginik: Tâmma Davidib erninga, tâmna Abrahab erninga.

Mattêuse 1:23

Ahâk, uigasuk singaijomârpok, ernermiglo ernijomârlune, Immanuêlemiglo atseraromârpât, atingata tukkinga imaipok: Gûde uvaptingnêtok.

Lukase 14:22

Kivgarlo oᴋarpok: Angajoᴋâk, sorlo oᴋaravit, taimaipok, sullele iniksaᴋarpok.

Johannese 1:14

Oᴋauserlo uviniolerpok, inôᴋatigilutalo, (ânanauningalo takolauᴋpavut, ernetuab Atâtamit pijub ânanauningatut) saimanelijartok, mikseᴋârnelijartorlo.

Johannese 17:3

Tamadjauvorle inôgut nungusuitok: ilitarsilune ilingnik, kisivit nelâgut Gûdeogavit tililauktarniglo Jêsuse Kristûsemik.

Apostelit Piniarningit 4:12

Asianiglo piulijiksaᴋangilak, ateᴋangilarlo asianik ᴋilaub atâne, inungnut tunijaujomik, tâpsomunga piloriktitauᴋovluta.

Rômiunut 1:3

Ernine pivlugo, (Davidib kinguvânginit erniangojoᴋ uvinikut,

Rômiunut 10:12

Adsigêngilungimatta Jûdillo Grîᴋillo; atausênaᴋ Nâlegaringmatsuk ilûnatik, akluitoᴋ ilûnainut tuksiarvigijiminut.

I Korintemiunut 8:4

Gûdeungitunut tunergutinik nerrinek pivlugo ᴋaujimavogut tagva, Gûdeungitok nuname sunautsangimat, Gûdeᴋangimallo atausetôjub assianik.

I Korintemiunut 8:6

Taimaigalloartilugo, atausênarmik Gûdeᴋarpogut, Atâtamik; tâpsomangat ilûnnamatsiatik pivut, uvagullo tâpsomanêpogut; atausênarmiglo Nâlegaᴋarpogut Jêsuse Kristûsemik, tâpsomûna ilûnnamatsiatik pivut uvagullo tâpsomûna.

Galâtsiamiunut 3:20

Pijitsertorle atausênarmut pijitsertôlungilaᴋ; Gûdele atausênauvoᴋ.

Efêsusemiunut 4:6

Gûde atauseᴋ, Atâtagijavullo tamapta, tamainut tâmna Nâlegaujoᴋ, ilunapsigullo, ilupsingnêtorlo tamapse.

Deuteronomy 6:4

Omat, Israêl; Nâlegak Gûdivut Nâlegaujotôvok;

I Timôteusemut 6:13

Gûdib, tamainik ômartitsijub, Kristûsiblo Jêsusib, Pontiuse Pilatusemut nalonaijaumik ajungitomik kigligiudsilauᴋtub sângane perᴋovagit:

Ebrêerinut 12:24

Pijitsertomullo Testamentetâmik Jêsusemut, aungmullo serparsautiksamut, ajunginersamik oᴋâlajomut Abelib (aunganit).

Ebrêerinut 7:25

Taimaimat tâpsomûna Gûdemut pijut, tâpsoma piulijungnarpait soraijunane; inôtsainarlarmelo tuksiarutivait.

Ebrêerinut 8:6

Mânale ânanaunersamik piniaraksarsivoᴋ, Testamentemut (angeᴋatigêngnermut) ajunginersamut pijitserteogame, angersimanermik anginersamik tungavilingmut.

Ebrêerinut 9:15

Tamanna pivlugotauᴋ Testamentetâmik pijitserteovoᴋ, ᴋaiᴋojaumajut perᴋovlugit kingormgutijaksamik nunguniangitomik angerutaumajomik, toᴋonermut piulijaujutiksamut ajornernit Testamentib sivorliub neliuningane pijunit.

I Johannesib 2:1

Kitorngârsukka, tamakkoninga aglagvigivapsi, idluituliᴋonasi. Idluitulijoᴋarpallo, tuksiarutjiᴋarpogut Atâtami, Jêsuse Kristusemik idluartôjomik.

Takotitaunermik 1:13

Nannergoarvîllo tâpkoa 7 it ᴋerᴋanêtomik tautulerpunga inûb erningata adsinganik; tâmna annorârsimajok angijoktamik, ᴋeterusersimavlunelo sakiangmigut ᴋeterumik goldemik.