I Timôteusemut 2:2 - Labrador Inuttitut Heritage Bible

² Atanivîllo atanersuillo tamaita pivlugit, ullapitaunangitomik terlingnartomiglo inôseᴋarungnarᴋovluta Gûdemik nâlengnêrme ilusitsiaringnermelo.

I Timôteusemut 2:2 Iomraidhean Croise

II Samuel 20:19

Uvanga iglugasaksoarnut ᴋennuᴋajuitunut nertornartunullo Israelemetunut illingavunga; igvillo iglugasaksuit anânalo Israeleme asseroromavigit? Sog Nalekab kingormgutijanga nungutsomaviuk?

Esra 6:10

Tunnergutinik tunnijiᴋovlugit ᴋillaub Gudingata naimatsiarninganut, tuksiutjiᴋovlugillo attanniub innosinganik, ᴋittornganginiglo.

Nehemia 1:11

ᴋanoktôk Nâlegak siutikik kamatsiarlik, kivgaᴋotivit tuksiarninganik, kivgaᴋotivillo assima tuksiarninganik, tussudlartut atit sivuragijomavlugo; kivgaᴋotillo uvlome sullitilauruk, napkiningneksiᴋolugolo angutib ipsoma kênangata sângane. Imiksaliorteôlaurama atannermut.

Imgerut 72:1

Gude, idluarsainît tunnilauruk attanermut, idluarnîllo attanniub erninganut.

Salomob Okâl 24:21

ᴋitorngâk, Nâlegak atannerlo sivoragikik; pikabladlartullo ilagitailikit.

Jeremia 29:7

Iglugasaksuillo aularutijauviotitama ilipsingnik ulapirᴋsautiksanganik pinasuaritse, Nâlakamullo tuksiutisigik; tâpkoa ulapirᴋsauteᴋarningine ilipse ulapirᴋsauteᴋarniarapse.

Lukase 1:6

Tamarmigle idluarpuk Gûdib sângane, Nâlekablo perᴋojangit pijomajangillo tamaita nâletsiarpait.

Lukase 2:25

Ahâglo, anguteᴋalaukpok Jerusaleme Sîmeonemik atilingmik; angullo tamna idluarlunelo Gûdemik nâlekpok, Israêliblo manigortaujutiksanganik nerriukpok, Anernerublo ajunginerub inigivâ.

Apostelit Piniarningit 10:22

Oᴋarpullo, Kornêliuse Zenturiôjoᴋ, angut isumagiktok Gûdemik nâlektok, Jûdit ilûnatik idluarnerartangat, Gûdemut ᴋaujititauvok Engelikut ivsornaitokut, ilingnik ᴋaikojerᴋovlugo iglominut, oᴋautsinik tusartuksauvlune ilingnit.

Apostelit Piniarningit 24:16

Tamattomanele idluartomik isumaᴋarasuarpunga ilûnâne Gûdemullo inungnullo.

Rômiunut 12:18

Ajornangipat, inungnut tamainut ulapirsauteᴋaritse ajugaringitapsingnut.

Filippimiunut 4:8

Tagvale ᴋatangutikka, mikseᴋârnerillo ilusitsiaringnerillo, idluarnerillo, ivjornainerillo, naglingnarnerillo, illanârêngnerillo, ilûnaita inutsiaᴋutaunerit, ᴋujanartoᴋarpallônêt, nertornartoᴋatamakkoa issumaksarsiorutigisigik.

I Tessalônikamiunut 4:11

Pinialeritselo nipordluse, piniarâksaselo piniarlugit, aggapsingnullo senaniarluse pititse, sôrlo perᴋolaurapse;

Ebrêerinut 12:14

Ullapirsauteᴋarnermik ilûnainut pinasuaritse, ivsornainermiglo, tamattominga pinasuangitut Nâlegaᴋ takoniangimatsuk.