I Timôteusemut 1:9 - Labrador Inuttitut Heritage Bible

⁹ Tamanna ᴋaujimavlugo, perᴋojat tunijaungimatta idluartok pivlugo, idluitulijulle, tappatojullo, Gûdemiglo nâlengitut, ajortulijullo, ivsornartulijullo, ᴋuksalaitullo toᴋotsijullo atâtamingnik anânamingniglo, inuartullo,

I Timôteusemut 1:9 Iomraidhean Croise

II Samuel 16:11

Davidelo Abisaimut kivgaminullo illunainut oᴋarpok: Ahâk, ernima, timimnit pimajub, pijugakpânga, suna pivlugo Jeminib erninga una manna taimailiortuksaunginiva? Agviarnago taimailiorle, oᴋarnerluᴋovlugo, Nalekab perᴋolaungmago.

II Atannit 19:37

Gûdimelo Nisrochib iglungane tuksiartillugo ernekita Adramelechib Sarezeriblo ullimarpâk saviksoarmut, ᴋemâvuglo nunamut Araratemik atelingmut. Erningalo Asserhadon atanningorpok innangêrlugo.

II Kronika 32:21

Tagva Nalekab Engelit illangat tilliva, tapsoma sorsuktuksat sôngojungit illunaita, attannillo angajoᴋaunerôjullo illunaita Assiriamiut attanningata tangmarviane nungupait, kangusuklunelo utterpok nunaminut. Gudigijamelo iglunganut ittermat, ochotipâk tagvane saviksoarmut, timinganit nangminerijanganit pilauktuk.

Exodus 20:13

Inuartuksaungilatit.

Exodus 21:14

Inuble pijarellune saniline tikipago pingitsertorlune toᴋotsomavlugo, tâmna tigujaksarivat tunerguservimnit aglât, toᴋotauᴋovlugo.

Salomob Okâl 20:20

Atâtaminik anânaminiglo oᴋarnerluktub, tapsoma ᴋaumautinga târmaringnerme ᴋaminiarpok.

Salomob Okâl 28:17

Inuk, Inûb aunga pivlugo patsitiksaᴋartok, sapputijauniangilak, ᴋemâlerpallonêt ittersâlungmut.

Salomob Okâl 28:24

Atâtaminik, anânaminiglonêt aksarniktok sumik, oᴋartorlo, taimailiornek idluiniolungimat; tamna asseroijub aipariva.

Salomob Okâl 30:11

Inuᴋarpok atâtamingnik oᴋarnerluktunnik, saimarsaijuitunniglo anânamingnik;

Salomob Okâl 30:17

Ije atâtaminik alleᴋuteᴋartok, Nâlengnermiglo anânaminik nachojok, tâmna tullukat kongme pêraksarivât, nektoraliarkallo nerrijaksarivât.

Jeremia 23:11

Tagva nalautaijut ajoᴋertuijullo nalangaidlarput; ila, iglumne nagvârlauᴋpunga idluininginik, oᴋarpoᴋ Nâlagaᴋ.

Hesekiel 21:25

Igvillo idluitotit toᴋonartomik âniatitaujotit, ataniojotit Israêleme, uvluksat tikisimavoᴋ, naggatiksab pidlartauvingata neliuningane; imâk oᴋarpoᴋ Nâlegaᴋ Nâlegaujoᴋ:

Leviticus 20:9

Ilûnaita atâtamingnik anânamingniglônêt oᴋarnerlutjijut toᴋotaujuksauvut; atâtane anânanelônêt oᴋarnerlutingmago; aune tâpsomanêtuksauvok.

Mattêuse 10:21

ᴋatangutible ᴋatangutine toᴋomut pititsomârpâ, atâtablo ernine, ᴋitorngallo angajoᴋâtik ileratsautijomârpait, toᴋoᴋovlugillo.

Rômiunut 1:30

Pasikliluînartoᴋsôlarmiglo, Gûdemik nachojoᴋsôlarmiglo nalangaitoᴋsôlarmiglo, piojorijoᴋsôlarmiglo, piblingaitoᴋsôlarmiglo, asserorsailarmiglo, angajoᴋâmingnik tapatojoᴋsôlarmiglo;

Rômiunut 4:13

Angersimaneᴋ imna Abrahamut kinguvânginullo, kingormgujerᴋovlugo silaᴋsoarmik, perᴋojanut pingimat, okperneruble idluarsaininganut.

Rômiunut 5:20

Perᴋojalle illautitaulerput, idluitulinerub angininga nalonaititauluarᴋovlugo. Ajorneruble anginingata nalonaititauviane saimanerub anginersauninga nalonaititaumaluarpoᴋ;

Rômiunut 6:14

Ajorneᴋ ataniotijungnangimat ilipsingnut; perᴋojat kivgaringimase, saimaneruble pingmase.

Galâtsiamiunut 3:19

Perᴋojat tagva suksauvât? Tunijaumavut ajorneᴋ pivlugo, kinguvâksaᴋ imna angersimanermik pititaulauᴋtoᴋ tikitsiarivlugo; tâpkoa tunimavut Engelit kivgartortigilugit, pijitsertub aggangitigut.

Galâtsiamiunut 5:18

Anernermulle tessiortaugupse, perᴋojat ataniongilat ilipsingnut.

Galâtsiamiunut 5:21

Tallaneᴋ, nerrituneᴋ, assingillo taimaitut; tamakkoninga sivorngagut oᴋautilauᴋpapse, ama sulle sivorngagut oᴋautivapse: taimailiortut Gûdib nâlegauvinganik kingormgujiniangilat.

Galâtsiamiunut 5:23

Perᴋojat taimailiortut akkerartungilait.

Deuteronomy 27:16

Ominarsile atâtaminik anânaminiglônêt oᴋarniluktok. Inuillo ilûnatik oᴋartuksauvut: Taimaile.

II Tessalônikamiunut 2:8

Idluitulijoᴋ tagva saᴋᴋeromârpoᴋ; tâmna Nâlekab nungutsomârpâ ᴋanerme anerninganut, pêrlugolo tikivingme saᴋᴋijârninganut.

I Timôteusemut 4:7

Koksalaituniglo tukkeᴋangituniglo oᴋâlagalâdlartut illaginiarnagit. Nangminerle sungiutigannerit Gûdib pinginik.

I Timôteusemut 6:20

Omât! Timôteuse, ilingnut sungertûtigijaumajok ivlerit sainaruk, allakillo oᴋâlagalâdlarnerit anerniliungitut ᴋoksalainerit, inuillo sulinatik nertôtijut ilisimanermik akiortigêngningit.

II Timôteusemut 2:16

Anerneliungitut ᴋuksalainerit oᴋâlagalâdlarnerit allakit; angijomik aglivalliatitsingmatta idluitulinermik.

II Timôteusemut 3:2

Inuᴋaromâlermat ingmingnik piojorijoᴋsoarnik, pijomatudlartunik, nertortaujomajunik, pimariutertunik mitauteᴋadlartunik, angajoᴋâmingnik nâlengitunik, ivjornartunik,

Titusemut 1:10

Unungmatta nâlegomangitut, piungitunik oᴋausilit tamartitsijullo, kipimajut sugaluluardlutik.

Titusemut 1:16

Gûde illitarivlugo oᴋarput, piniarnermingnulle missiarutigivât; Gûdemut makᴋojungnaramik, tapatojoᴋsôlarmiglo, sappertoksôvut ajungitulinernut tamainut.

Titusemut 1:6

Passijaksausuertomik pitaᴋarpat, arnab atautsib uinganik okpertunik ᴋitorngalingmik, ᴋoksalainek pivlugo passijaungitomik, tappatungitomiglo.

Titusemut 3:3

Uvaguttauk sivorngane silaitoksôlaungmigapta, tapatolaptalo, tamartudlarluta, ikligunerit kivgartorlugit, sunatuinarniglo alliadlarluta, ningarosungnermelo anerudjinermelo arvertarluta, ômigijigêklutalo.

Ebrêerinut 11:31

Okpernermut Rahabe anguniarpaktoᴋ nungutaulaungilaᴋ okpingitut illagilugit, nautsertortuksak illanâᴋarlune illalioramigik.

Ebrêerinut 12:16

Assiniartoᴋarᴋonagolo, Gûdemut issumaᴋangitoᴋarᴋonagolônêt Esauetut-itomik; tâpsoma nerᴋiksaᴋ atausênaᴋ pivlugo erniangoᴋârnine niorvgutigigamiuk.

I Pêtrusib 2:7

Ilipsingnut tagva okpertose pivianarpoᴋ; okpingitunulle ujarak taimna, igloliortut nachogijangat, terreᴋuksaliangotitaumavoᴋ,

I Pêtrusib 3:20

Ipkoa okperomalaungitut Gûdib ᴋenuersârtub utaᴋingmagit, taipsomane Noa inôtilugo umiaᴋsoaᴋ senajaungmat; tâpsoma iluane ikitut, imaipoᴋ sittamaujortut inuit piulijaulauᴋput imânit.

I Pêtrusib 4:18

Idluartorlo serlak piulijaujungnarmat, nane saᴋᴋeromârkâ Gudemik nâlengitoᴋ idluitulijorlô?

Jûdasib 1:15

Erᴋartoriartorlugit ilûnaita, Gûdemiglo iperaijomajut tamaita pidlarlugit, piniarningit Gûdemut akkerartortut tamaita pitjutigivlugit, ajortoliksuillo oᴋauseludlalaungningit tâpsominga pitjutigilugit.

Takotitaunermik 21:8

Maggogusertulle, okpingitullo, maᴋojungnartullo, inuartullo, assiniartullo, angakôjullo, Gûdeungituniglo kivgartortut, saglojullo ilûnatik, tâpkoa pijaksaunerijomârtangit ᴋôrᴋumêput orᴋsorutelingmik ikomaᴋsoalingme; tamadja toᴋub aipanga.

Takotitaunermik 22:15

Silatânêpulle ᴋingmît tôrngijut, ajortulijullo, inuartullo, gûdingoaniglo kivgartortut, ilûnatiglo saglunermik ivlersijut, saglovlutiglo pijut.