I Timôteusemut 1:4 - Labrador Inuttitut Heritage Bible

⁴ Nâlengniarᴋonagillo tukkeᴋangitomik oᴋâlajunik, apersûteᴋartuniglo illagêt kinguvângit naggateᴋangitut pivlugit; tamakkoa apersûtinermik atortitsinersaungmatta, Gûdemut idluartitsinermit okpernerme.

I Timôteusemut 1:4 Iomraidhean Croise

II Korintemiunut 1:12

Nertornautigijavut tamadja: issumapta kigligiutigingmatigut, issumalingasuerluta nelâgôrlutalo Gûdib sângane, uviniliuble issumanga atornago, saimarsauteᴋarlutalo arvertalaurapta nuname, angiluartomigle akunapsingne.

Efêsusemiunut 3:2

Sorlo tussaumagapse kivgartornermik Gûdib saimarsautânik, tunijaumajomik uvamnut pivluse;

I Timôteusemut 3:16

Akkerartortaujungnangitomik angijôvoᴋ Gûdemut okpernerub nalonarninga: Gûde uvingme sakᴋijârsimavok, idluartitauvlune anernermigut, takotilune Engelinut, oᴋautigijauvlune nelojunut, okperijauvlune nuname, ᴋongmuartitauvlune ânanaunivingmut.

I Timôteusemut 4:7

Koksalaituniglo tukkeᴋangituniglo oᴋâlagalâdlartut illaginiarnagit. Nangminerle sungiutigannerit Gûdib pinginik.

I Timôteusemut 6:11

Igville, Gûdib inuᴋotinga, tamakkoa allakit; idluarnerle, Gûdemiglo nâlengnek, okpernerlo, naglingnerlo, ᴋenuersârnerlo, ningajuinerlo pinasuakit.

I Timôteusemut 6:20

Omât! Timôteuse, ilingnut sungertûtigijaumajok ivlerit sainaruk, allakillo oᴋâlagalâdlarnerit anerniliungitut ᴋoksalainerit, inuillo sulinatik nertôtijut ilisimanermik akiortigêngningit.

II Timôteusemut 2:14

Tamakkoninga erᴋaitikit, kigligiutsilerillo Nâlekab sângane, oᴋausituinait pivlugit akkerartorᴋonagit; tamanna atungimat, tussartulle kigdlormut sâtitsungnarpait.

II Timôteusemut 2:22

Inôsuktut ikligunerivaktangit ᴋemangniakit; idluarnerle pinasuaruk, okpernerlo, naglingnerlo, ullapirsainerlo ilûnaita Nâlekamut tuksiartut illagivlugit ômamut ivjornaitomut.

II Timôteusemut 2:23

Apertsûtille silaitut atungitullo allakit, nalunginangne, aivatitsituinarmatta.

II Timôteusemut 4:4

Mikseᴋârnermik siutitik tunutsitilugit, tukkeᴋangitunullo oᴋautsinut sâdlutik.

Titusemut 1:1

Pauluse, Gûdib kivganga, Jêsusible Kristusib Apostelinga, Gûdib anerijangita okperningit pivlugit, illitarijauᴋovlugolo mikseᴋârnek Gûdemik nâleᴋojijok,

Titusemut 1:14

Nâlektaililugit Jûdit oᴋâlaningit tukkeᴋangitut, inutuinaillo perᴋojangit, mumiktitsijut mikseᴋârnermik.

Titusemut 3:9

Allakille apersûtit silainilit illagêt kinguvânginik, aivadlarnerillo akkerartûtinerillo perᴋojat pivlugit; tamakkoa piungimatta atornaratiglo.

Ebrêerinut 13:9

Aulatautailititse ajoᴋertûtsinut sunatuinarnut tussarngartanullo; pivianadlarmat, ômat aulajungnangerpat; tamanna saimarsaumut pivoᴋ, nerᴋinut pinane, atungimatta tamakkoa pinasuartimingnut.

II Pêtrusib 1:16

Uvagut oᴋarvigilaurapse Nâlegapta Jêsusib Kristûsib tikitsomârninganik pitsartuniliksoarmik, silatulungnerit oᴋâlagadlarnerit tukkeᴋangitut malilaungilavut; uvagulle nangmineᴋ ânanauninga takolauᴋpavut.