I Samuel 9:17 - Labrador Inuttitut Heritage Bible

¹⁷ Samuele manna takkosartillugo Saulemik, Nalekab oᴋautiva: Ahâk, tagva angut oᴋautigilauktara illingnut, attaniojuksak innuᴋotimnut.

I Samuel 9:17 Iomraidhean Croise

Nehemia 13:19

Pijoᴋalaukporlo Jerusalemib itterviksoangine tâksilermat, Sabbatib uvlungata sivurngane, perᴋojivunga upkoat pallangairtauᴋovlugit, perᴋojivungalo pallangairutjartauᴋonagit, Sabbatib kingorngane kisiane. Kivgaᴋotimalo ilangit tillivakka itterviksoarnut, akjarsijunik ittertoᴋarᴋonago Sabbateme.

Nehemia 13:25

Suarpakkalo, oᴋarnerlugvigilugillo, angutillo ilangit annaulerpakka nussuilugillo, angermaringnermiglo Gûdib sângane tigusivunga tapᴋonangat: Panise tunnijaksaringilasse taipkoa erninginut paningillonêt tigunagit ernipsingnut, nangminipsingnullonêt.

Jeremia 32:8

Tamanna pivlugo Hanamêlib ᴋatangutiarsuma tikilauᴋpânga udjertortut iglunganêtilunga, Nâlakab oᴋauserijanga maliklugo, oᴋautilungalo: Pisiarilauruktôᴋ perorsêviga Anatotemêtoᴋ Benjamib nunangane; igvit kingormgutijaksarigangne, pijuksaunerpângovotillo pisiarilugo; pisiarilauruk nangminerijomavlugo. Kaujimavunga tagva Nâlakab tamanna oᴋauseringmago.

Hosea 13:11

Ningarnimne tunitjivigilauᴋpagit atanermik, ningarnersoamnelo pêjalerivara.

Apostelit Piniarningit 13:21

Tamattomalo kingorngagut atanermik tuksiarput. Gûdiblo Saulemik tunitjivigivait, Kisib erninganik, angut Benjaminib kinguvânginit, jârit 40 it nâvlugit.

I Samuel 3:13

Oᴋautilaurapko erᴋartuijôjomagama taipsoma iglunganut soraijuitomik, idluitullinek pivlugo, ᴋaujimalaungmat ᴋannok ernangne piungitoâlungnik illuseᴋalaungmanik, taipsomalo kingorlugutigilaungilâklonêt.

I Samuel 9:18

Tagva Saulib Samuele sângariartorpa ittertârvingme, oᴋarlunelo: Oᴋautilaunga, takkojub iglunga nanêᴋa?