I Samuel 8:8 - Labrador Inuttitut Heritage Bible

⁸ Pinniarvigivâtit, sorlo pinniatsainarlaungmatta uvlormit taipsomangamit Egiptenemit aulartilaurapkit, uvlok tamanna tikkidlugo, ᴋemmalaukpânga, Gudiniglo assimnik kivgartorlaukput.

I Samuel 8:8 Iomraidhean Croise

Imgerut 78:8

Atâtagijangititullo îlerᴋonagit, ᴋittorngarêngolauktutitut ᴋemaijut Nâlekamik, tappatojullo; ômatteᴋalaungitut soᴋᴋosijuitunik, anerneᴋalaungitullo nertornartomik ungajomik Gûdemik.

Exodus 16:3

Israêlikullo oᴋautivakit: Atso ilâ! nakudlarajalaungnerpoᴋ toᴋolaurupta Nâlekab agganginut nuname Egipteneme, iksivalaurapta ukkusit igautit saniane ᴋakᴋôjaktoraptalo akᴋeartorluta; tagva tikiutitipaptigut sunaᴋajuitomut ômunga ilagêt ukoa ilûnnaita toᴋotsomavlugit perlernermut.

Exodus 17:2

Taimaimat inuit Mosese oᴋarnerlûtivât, oᴋarlutiglo: Imermik tunitjivigitigut imerungnarᴋovluta. Mosesiblo akkivait: Sudluse oᴋarnerlûtivisingâ? Suna pivlugo Nâlegak ôktorpisiûk?

Exodus 32:1

Inuillo malugosugamik Mosese atersarnasârmat ᴋakᴋamit, inuit Aronemut katersorput, oᴋarvigivlugolo: Atê, gûdingoaliortigut sivuniptigut ingergajuksanik; Mosesele imna, angut majuartitivut nunamit Egiptenemit, nalovavut ᴋanoelingamangât.

Jeremia 34:14

Jârit 7it nâjarangata ilûnase atunit kipalûtjârijuksauvose ᴋatangutipsingnik Ebreeriojunik, niorvgutigilauᴋtunik ingmingnik ilipsingnut, kivgartorsimajuniglo ilipsingnik jârit 6it nâvlugit, kipalûtjâraksarivase; sivorlipsele nâlalaungilânga, mannijilaungilallônêt siutimingnik.

Hesekiel 2:3

Oᴋautivângalo: Inûb erninga, tilivagit Israêlib ᴋitornganginut, inôᴋatigêksoarnut tapatojunut, nâlegungnaitunut uvamnik: tâpkoalo atâtagilauᴋtangitalo idluitulivigivânga, uvloᴋ tamanna tikidlugo aglât.

Numbers 16:41

ᴋaungmalle Israêlikut ilagêktoᴋsôningita ilûnatik Moseselo Aronelo oᴋarnilutivakit, oᴋarlutik: Toᴋoᴋauvase Nâlekab inuᴋotingit.

Deuteronomy 9:24

Nâlegak tapagitsainarpase, uvlormit ilitarᴋsitainarnimnit ilipsingnik.

Idluarsaijut 13:1

Israeliblo ᴋitorngangit idluitulligannerput Nâlekab sângane; Nâlekablo tunnilaukpait Filisterit agganginut jârit 40 git nâlugit.

Idluarsaijut 2:20

Tamânna pivlugo Nâlekab ningarninga ilûngertulerlaukpok Israelitit pivlugit, oᴋarᴋovlugo: Inugasaksuit ukkoa angernera tappagilaungmatsuk atâtagijanginut perᴋolauktara, nippigalo Nâlelungimatsuk,

Idluarsaijut 4:1

Israelible ᴋitorngangit ama idluitullilaurivut Nâlekab sângane, Ehud toᴋolaungmat.

Idluarsaijut 6:1

Israeliblo ᴋitorngangit idluitullilaungmatta Nâlekab sângane, Nâlekab tunnilaukpait Midianiterit agganginut jârit 7 it nâlugit.

I Samuel 8:7

Nalekable Samuele oᴋautiva: Inuksuit nippingit nalekit tamaine oᴋauserilauktangine illingnut; tapkoa igviungitok, uvangale singaluᴋogilaukpânga, attaniojuksaunginama tapkonunga.

I Samuel 8:9

Tagva manna nippingit nalekit. Kigligiutikille nallojungnaitilugillo attanniub attanerijomârtangata illuserijungnartanginik.