I Samuel 8:7 - Labrador Inuttitut Heritage Bible

⁷ Nalekable Samuele oᴋautiva: Inuksuit nippingit nalekit tamaine oᴋauserilauktangine illingnut; tapkoa igviungitok, uvangale singaluᴋogilaukpânga, attaniojuksaunginama tapkonunga.

I Samuel 8:7 Iomraidhean Croise

Exodus 16:8

Moseselo oᴋarpok: Taimailârpok, Nâlekab tunitjiviginiarpâse nerᴋêjamik nerᴋiksapsingnik unnukut, ᴋakᴋôjamiglo akᴋeartûtiksapsingnik uvlâkut, Nâlekab oᴋarnerlûtjinise tâpsomunga tusarmagit: Uvagugle sunauvinûk? Oᴋarnerlûtjinise pilungilat uvaptîngnut, Nâlekamulle.

Jesaiase 66:4

Taimak uvangatauᴋ kappiasûtigijaksangit anerijomârpakka (issumamnik), erᴋsigijamingnullo tikkitaurᴋojomârpakka imâk pivlugo: ᴋairᴋojitillunga kiolungimatta, oᴋartillunga tussalungimatta, idluaringitamnigle piniarmatta, ᴋuviagingitamniglo anerosungmatta.

Jeremia 34:14

Jârit 7it nâjarangata ilûnase atunit kipalûtjârijuksauvose ᴋatangutipsingnik Ebreeriojunik, niorvgutigilauᴋtunik ingmingnik ilipsingnut, kivgartorsimajuniglo ilipsingnik jârit 6it nâvlugit, kipalûtjâraksarivase; sivorlipsele nâlalaungilânga, mannijilaungilallônêt siutimingnik.

Hesekiel 2:3

Oᴋautivângalo: Inûb erninga, tilivagit Israêlib ᴋitornganginut, inôᴋatigêksoarnut tapatojunut, nâlegungnaitunut uvamnik: tâpkoalo atâtagilauᴋtangitalo idluitulivigivânga, uvloᴋ tamanna tikidlugo aglât.

Hesekiel 3:7

Israêlible ᴋitorngangita tusarniangilâtit; tusaromangimatta uvamnik; Israêlib ᴋitorngangit ilûnatik ᴋauᴋarmatta sittijunik ômateᴋarlutiglo mangaidlartunik.

Numbers 22:20

Gûdiblo unnuarme Bâlaam tikipâ, oᴋautilugolo: Angutit tikisimakpatta ᴋaiᴋolutit, makigit, ilagilugillo; oᴋauserle oᴋauserilârtara ilingnut kissiane, piniaraksarivat.

Mattêuse 10:40

Ilipsingnik illaliortub, illaliorivânga; uvamniglo illaliortub, tiliklertok uvamnik illaliorivâ.

Lukase 10:16

Ilipsingnik tussartub tussarivânga, ilipsingniglo Nachojûb nachogivânga; uvamnigle nachojûb nachogivâ tiliklertok uvamnik.

Lukase 19:14

Inuᴋatingitale ômigigamitsuk, oᴋautjaugartorᴋovât: tâmna atanioterᴋongilavut uvaptingnut.

Lukase 19:27

Ipkoale uvamnut akkerartortut, uvamnullo ataniotiviojomangitut ᴋaisigik toᴋosigiglo sakᴋamne.

Johannese 13:16

Âhamarik, âhamarik oᴋaupapse: Kivgaᴋ anginersaungilak angajoᴋâminit, Apostelelônêt anginersaunginivok tilijiminit.

Idluarsaijut 8:23

Gideonele oᴋarpok tapkonunga: Nâlegaujomalungitunga illipsingnut, erneralo Nâlegaujuksaunginivok illipsingnut, Nâlegarle Nâlegaujuksauvok illipsingnut.

I Samuel 10:19

Illipselo uvlome Gudise singaluᴋotilaukpasse, ikkajorlauktok illipsingnik kannoênipsingnit, kappiagijapsingnillo, oᴋautilugolo: Attaneᴋartitigut. Atte, tagva manna Nalegak sangariartorsiuk kinguvarêᴋotise, illagêngniselo malliklugit.

I Samuel 12:1

Tagva Samuele Israelitinut illunamasianginut oᴋarpok: Ahâk, nippise nalalaukpakka illunaine, oᴋauserilauktapsingne uvamnut, attannermiglo pititsilaukpunga illipsingnut.

I Samuel 12:12

Takkolaurapsele Nahasib Amonib ᴋittorngangita attaningata ᴋaitsovigingmasse, oᴋalaukpose uvamnut: Igviungitok, attaniuble attanniotivigijaksarivâtigut; Nalegak Gudise attannerilauralloarapsiuk.

I Samuel 8:22

Nalegarle Samuelemut oᴋarpok: Tapkoa nippinginik nalagit, attanneᴋartitsilutillo tapkonunga. Samuelelo Israelib angutinginut oᴋarpok: Aileritse illunase attunît iglugasaksoapsingnut.

I Samuel 8:8

Pinniarvigivâtit, sorlo pinniatsainarlaungmatta uvlormit taipsomangamit Egiptenemit aulartilaurapkit, uvlok tamanna tikkidlugo, ᴋemmalaukpânga, Gudiniglo assimnik kivgartorlaukput.