I Samuel 8:6 - Labrador Inuttitut Heritage Bible

⁶ Samuelib tamanna idluigiva, oᴋarmatta: Attanermik tunitsivigitigut idluarsaijomik uvaptingnik. Samuelelo tuksiarpok Nalekamut.

I Samuel 8:6 Iomraidhean Croise

Imgerut 109:4

Nagligigapkit, taimaimat kiglornipânga; uvangale tuksiarpunga.

Exodus 32:21

Mosesiblo Arone oᴋautivâ: Inuit tâpkoa ᴋanok piniarvigivâtît idluinermik taimâk angitigijomik passiorangne?

Exodus 32:32

Mânnale idluituliningit isumagijungnairomagungne; pijomangikuville, pênga aglarangnit igvit aglaksimajarnit.

Hosea 13:10

Atanît naneᴋâ mâna, piuliklerᴋovlugo ilingnik iglugasaksoarne tamainê? Idluarsaijitillo, oᴋautigilauᴋtatit: Tunitjiviginga atanermiglo angajoᴋâᴋsoarniglô?

Numbers 16:15

Moseselo ningadlalerpoᴋ, Nâlegarlo oᴋautilât: Tâpkoa tunergutingit ilaliorniarnagittôᴋ; siutiᴋortojomik atautsemiglônêt aᴋsârnilauᴋsimangilanga tâpkonangat, neliallônêt idluitomik piniarvigingilara.

Numbers 16:22

Pâmakterpuglo, oᴋarlutiglo: Gûdik, uvinilit ilûnatik anerningita Gûdingat, angut atauseᴋ idluitulingmat, ilagêktoᴋsuit ilûnaita ningaumajârvigijomavigît?

Numbers 16:46

Mosesiblo Arone oᴋautivâ: Pujôrtitsivit tiguleruk pititsivigilugolo ikomamik tunerguservingmit, ilijivigilugolo isserluanerutiksamik, tuavilutillo ilagêktoᴋsuit aivigikit ulapᴋoserlugillo; ningaumajârneᴋ aningmat Nâlekamit; nusilingnartoᴋ pigiarêrpoᴋ.

Filippimiunut 4:6

Issumajârase sumiglônêt; ilûnainigle pijomajapsingnik Gûdemut nalonaijaileritse, tuksiarluselo ᴋenuvluselo ᴋujalivluselo.

Jâkobusib 1:5

Ilapsele naliat silatunermik ajoksarune, Gûdemut tuksiarle, tâpsoma ilûnaita tunitsivigivait issumalingasuêrlune, naliallônêt ᴋipilugvigingilâ; tamattominga tagva tunitsivioniarpok.

I Samuel 10:19

Illipselo uvlome Gudise singaluᴋotilaukpasse, ikkajorlauktok illipsingnik kannoênipsingnit, kappiagijapsingnillo, oᴋautilugolo: Attaneᴋartitigut. Atte, tagva manna Nalegak sangariartorsiuk kinguvarêᴋotise, illagêngniselo malliklugit.

I Samuel 12:12

Takkolaurapsele Nahasib Amonib ᴋittorngangita attaningata ᴋaitsovigingmasse, oᴋalaukpose uvamnut: Igviungitok, attaniuble attanniotivigijaksarivâtigut; Nalegak Gudise attannerilauralloarapsiuk.

I Samuel 12:17

Perorsijat Weizenit kattersivingat nalliusimangilak? Uvangale Nalegak nipliarvigijomavara kalluᴋojiᴋovlugo, sillaluᴋojiᴋovlugolo, tukkisilerluselo takkoᴋovluse idluitoksoarmik Nalekab ijikita sângangne pinniarlauktapsingnik, attannermik tuksiarlaurapse.

I Samuel 12:19

Oᴋarlutiglo Samuelemut: Nalegak Gudit tuksiarvigiuk kivgatit pivlugit, toᴋᴋolerᴋonata; ajornivulle illunaita tappilugit, idluitomik tamattominga pilaurivogut, attannermik tuksiarlaurapta uvaptingnut.

I Samuel 12:23

Ungasigletauk uvamnit, taimak idluitullilunga Nalekamut nokᴋartuksaugama tuksiarutigiluse, ajochertorluselo apᴋomik idluartomik tamarnangitomiglo.

I Samuel 15:11

Kaᴋᴋialerpunga Saule attaningortilaurapko; tunnusimangmanga, oᴋautsikkalo nallautsitilaungimagit. Tamanna Samuelib issumajarutigilerpa, niplialunelo Nalekamut unnuak nâlugo.

I Samuel 7:5

Samuelele oᴋarpok: Israelitit illunamasiatik kattimatisigik Mizpame, tuksiarutjikovlunga illipsingnik Nalekamut.