I Samuel 7:6 - Labrador Inuttitut Heritage Bible

⁶ Tikkilutiglo kattimalerput Mizpame, immermiglo ᴋallusivut, kovilâllo Nalekab sânganut, nerritaililutiglo uvlorme taipsomane, oᴋarlutiglo: Nalegak idluitullivigilaukpavut. Taimak Samuelib Israelib ᴋittorngangit idluarsarpait Mizpame.

I Samuel 7:6 Iomraidhean Croise

Genesis 31:49

Ammalo Mizpamik, oᴋarmat: Nâlegaᴋ udjertorteole uvamnullo illingnullo, ᴋaningiutilârumnuk.

II Samuel 14:14

Uvagut toᴋᴋoleriakarapta, illingalutalo immektut nunamut kivilertotut, nokᴋartitaujungnangitotut; Gudiblo innôsek pêromangila issumaᴋsarsiorporle, ajoktortaumajok ajoktortaumiᴋonnago tapsomunga.

I Atannit 8:47

Omamiutarilerpatsuglo nuname parngnanairsimavigijamingne, sâlerpattalo tuksiarlutiglo illingnut, nuname parngnanairsimavigijamingne oᴋarlutiglo: Idluitullilaukpogut, tammarlauklutalo uivêtolaukpogut;

I Kronika 11:18

Tagva pingasut tapkoa Filisterit tangmarvingat ittârpât, ᴋallulutiglo immermik immektârvingmit Bethlehememêtomit ittertarviub atanêtomit, akjartorpâllo, âlugolo Davidemut. Tapsomale immeromalaungila, kovivâle Nalekamut,

II Kronika 20:3

Tagva Josafate sivuravok, kênanelo torartipa Nalegak ᴋenneromavlugo, nerritailineᴋarᴋojivorlo Judakune illunaine.

Nehemia 9:27

Tamânna pivlugo tunnilaukpattit omigijingita agganginut, kappiasuktitsiᴋovlugit tapᴋoninga. Kappiasungnimiglo nalliuningane nipliarlaukput ilingnut; igvillo tussarlaukpattit ᴋilangmit, napᴋoarosuktoksônernullo piuliklertunik tunnitsivigilaukpâttit, piuliklertunik tapᴋoninga omigijingita agganginit.

Hiobe 16:20

Ilannârijakka mittauteᴋartôvut uvamnik; ijigale kugviorpok Gûdemut.

Hiobe 3:24

Nerrijuksaujarangamale annersaumijariaᴋarpunga, ᴋêadlarneralo annidlarpok immektut.

Hiobe 33:27

Inuit sânginne kigligiutsiniarpok, oᴋarniarlunelo: Idluitullilaukunga, idluarnerlo mumiktilaukpara, sulilautsengilangale.

Hiobe 40:4

“Ahâk kuksalailaukpunga, sunamik kiojaksarivagît? Aggakka illivakka ᴋannimnut.

Hiobe 42:6

Tamanna pivlugo passijaksaunerarpunga, ᴋakᴋialerlungalo sannerne arsannelo.

Imgerut 106:6

Ajortullilaukpogut atâtagilauktavut illagilugit; namangitullilaukpogut, Gûdeᴋangitôlauklutalo.

Imgerut 119:136

Ijîka kôktitsivuk kôngnik malligaksauᴋojattit nâlaktaulungimatta.

Imgerut 42:3

Kugvikka nerᴋigivakka uvlôtillugo unnuamelo, uvlut tamaita oᴋautsaugama: Gûdit nanêᴋa manna?

Imgerut 6:6

Annersaumingudlarpunga, aumitikkalo ᴋausertipakka unnuak nâlugo, ᴋugvimnullo innangaviga mitsuktipara.

Imgerut 62:8

Inôjose tattigitsainarsiuk sorairase; ômattise nâvissigik sânganut; Gûde tattigivavut, Sêla.

Jeremia 31:19

Sâgiartitauᴋârtilunga, ᴋaᴋialilauᴋpunga; ajoᴋertortauᴋârtilunga, sibviara tiglulauᴋpara; kangusudlalauᴋpunga, ila, silasiormariklunga, inôsungnima naggonarninga nangmariaᴋarapko.

Jeremia 36:9

Pijokarporlo Jojakimib, Josiab erningata, Judab ataningata jâringita tallimangane, taᴋᴋingita 9ingane, Jerusalemiut ilûnatik, inuillo ilûnatik Judab iglugasaksoanginit Jerusalemut tikisimajut nerritailiviksaᴋarᴋojingmatta Nâlakab sângane.

Jeremia 9:1

Kanoktok niaᴋora imetuinaulerle ijîkkalo puailaviovlutik ᴋugvingnik, uvloᴋ nâvlugo unnuarlo nâvlugo ᴋugviorᴋovlunga inuᴋotima paningita toᴋorartauningit pivlugit.

Jeremiab Ogguarutigijangit 2:11

Ijîkka ᴋugveᴋarungnaipuk, ergavikka kapiasuktitauvut, tinguga nunamut kovijauvok, inôᴋatima paningata asserortauninga pivlugo; sorusiarsuit amâmaktullo ᴋaujimangermatta iglugasaksuit apᴋosineâlungine.

Jeremiab Ogguarutigijangit 3:49

Ijîkka kôgênarpuk nokᴋaratik, sorairviksaᴋanginamik,

Jeremiab Ogguarutigijangit 5:16

Niaᴋôtik kataksimavut niaᴋuptingnit. Kapianarmêk uvagut! Idluitulidlalaurapta.

Hesekiel 20:4

Erᴋartoromavigît, igvit inûb erninga, erᴋartoromavigît? Kaujitisârkit atâtagijangita maᴋojungnartulinerilauᴋtanginik;

Hosea 5:1

Tamanna tusarsiuk, ilipse ajoᴋertuijose, nâlagitselo ilipse Israêlib ᴋitorngangit, siutiselo manisigik, ilipse ataniub ᴋitorngangit, ilipsingnut erᴋartuijûtit ilingangmatta; nigarniutaulaurapse Mispame, nuluangovluselo issivisimajut Tâboreme.

Joel 2:12

Sullele, sulle, oᴋarpoᴋ Nâlegaᴋ, sâgiaritse uvamnut ômamut tamânut, nerritailivluse, ᴋeavluselo, kiksarluselo;

Leviticus 16:29

Tamadjalo iluserijaksarivase soᴋosijuitomik, takᴋit seveningita uvlungita teningane tarnise nikanarsartitaksarivase suliaᴋartaililuselo sunamiglônêt, mânemiorlônêt tujormijarlônêt akunapsingnêtok;

Leviticus 26:40

Kigligiutjijomârpullo idluinermingnik, atâtamiglo idluininginik idluitulivigilaungmanga, akkerartorlungalo arvertalauramik.

Lukase 15:18

Parngnaileromavunga, atâtamnullo aijomavlunga oᴋautivlugolo: Atâtak, idluitulilaukpunga Gûdemut ᴋilangmêtomut ilingnullo,

Josua 18:26

Mizpe, Kafira, Moza.

Idluarsaijut 10:10

Tagva Israelib ᴋitorngangit nipliarput Nâlekamut, oᴋarlutiglo: Idluitullilaukpogut illingnut: Gûdivut ᴋemalauraptigo, Baalelo kivgartorlaukpavut.

Idluarsaijut 10:15

Israelible ᴋitorngangit Nâlekamut oᴋarput: Idluitullilaukpogut, igvit piniarvigituinartigut namagijarnut; kissiane piulitigut nalliutome tamattomane.

Idluarsaijut 2:4

Nâlekablo Engelinga taimaitunik oᴋautsinik oᴋarêrlaungmat Israelib ᴋitornganginut ilûnainut, inugasaksuit nippitik kagvarpait ᴋêalutiglo.

Idluarsaijut 20:23

Israeliblo ᴋitorngangit takpaungarput, kugviorlutiglo Nâlekab sângane unnuk tikkilugo, Nâlegarlo appertsorpât, oᴋarlutiglo: Ama aijuksauvita sorsukluta Benjaminib ᴋitornganginut ᴋatangutiptingnut? Nâlegak oᴋarpok: Takpaungarvigisigik.

Idluarsaijut 20:26

Tagva Israelib ᴋitorngangit ilûnatik, inugasaksuillo ilûnatik takpaungarput, ᴋailutiglo Gûdib iglunganut, kugviorlutiglo, uvlilutiglo tagvane Nâlekab sângane, nerrinatiglo uvlorme taipsomane, unnuk tikkilugo, tunnijilutiglo tunnergutinik ikkoalajaksanik, tunnergutiniglo ᴋujalijutiksanik Nâlekab sângane.

Idluarsaijut 3:10

Nâlekablo Annerninga illumigiva, idluarsaijolaukporlo Israelitinik, aularlunelo unatadlarnermut; Nâlekablo Siriab atanertanga Kusan-Risathaime tunniva tapsoma agganginut, aggangit tapsomunga songolualilaungmatta.

I Samuel 1:15

Hannale kiovok, oᴋarlunelo: Aukak, nalegâk, arnauvunga kiksartok. Weinemik immiksamiglo pitsartujomik immerlaungilanga, omattigale navilaukpara Nalekab sângane.

I Samuel 10:17

Samuelible inuksuit ᴋaiᴋovait Nalekamut Mizpamut.

I Samuel 12:10

Amalo niplialerput Nalekamut, oᴋarlutiglo: Idluitullilaukpogut Nalegak ᴋemmalauraptigo, Bâlillo Astarotelo kivgartorlauraptigik; mannale piulitigut omigijipta agganginit, tagva kivgartoromavaptigit.

I Samuel 7:15

Samuelible Israelitit idluarsarpait inosermine tamât,