I Samuel 7:3 - Labrador Inuttitut Heritage Bible

³ Samuele Israelib iglomiokotinginut illunamasianginut oᴋarpok: Omamut illunânut sâlerupse Nalekamut, tagva Gudingoat takkorngartat Astarotelo pêjarsigik illipsingnit, omattiselo torartisigik Nalekamut, kivgartortuarisiuglo; tagva piuliniarpâse Filisterit agganginit.

I Samuel 7:3 Iomraidhean Croise

Genesis 35:2

Jakob tagva iglomioᴋatine illagijanelo tamaita oᴋautivait: Tujormiangovigijapta gûdingoaᴋotingit akunapsingnêtut pêrsigik, sujungaititsiluselo, assinginik anorârluse.

I Atannit 11:33

Tamânna pivlugo allarlaungmanga, Astarote Zidonemiut Gûdingoangat, Kamoselo, Moabiterit Gûdingoangat, Milkomelo, Amoniterit Gûdingoangat tuksiarvigilaungmagit; agvertarlaungimattalo apᴋosinimne, pinniaratiglo ᴋuviagijamnik, perᴋojamnik, idluarijamniglo Davidetut atâtangatut.

I Atannit 8:48

Taimaglo sâlerpatta illingnut omamut tamânut, tarnermullo tamânut, omigijimik, aularutijimik nunangane, tuksiarpattalo illingnut, sâlutik nunagijamingnut atâtagijanginut tunnilauktarnut, iglugasaksoarnut annerilauktarnut, iglomullo igloliorlauktamnut aternut.

II Atannit 17:39

Nâlegarle Gûdise sivuragijaksarivasse, tapsoma piuliniarpâse omigijipse ilunnatik agganginit.

II Atannit 23:15

Taimaktauk Altare Betheleme, pôktôjok Jerobeamib Nebatib erningata Israelitinik idluitullititsilauktub sennalauktanga, Altare tamna, pôktojorlo serᴋomipâk; pôktojorlo ikkipa, sanningortilâlo, nappajullo Gûdingoat ikkipait.

I Kronika 22:19

Taimâk mânna omattise tarniselo torartisigik Nalegak ᴋennerlugo. Parngnaileritselo igloliorluselo Gûdemut Nalekamut ivsornaitovingmik, Nalekab angerningata iklervinga, illulerkutillo ivsornaitut pititauᴋovlugit iglomut Nalekab atinganut igluliortaujuksaujomut.

I Kronika 28:9

Igvillo ernik Salomo, atâtavit Gûdinga illitarileruk, kivgartorlugolo omamut tamânut, tarnimullo ᴋunujuitomut. Nalekab omattit ilûnaita nautsertormagit, issumaillo tamaita issumaksarsiorningit tukkisivait. Kennerniarungne nachvârniarpat; ᴋemaniarungnele, ajaktorniarpâtit soraijuitomik.

II Kronika 19:3

Ajungitomigle nachvartoᴋalauralloarpok illingne, nappartut Gudingoaggit pêjarlaurangne nunamit, omattillo torartilaurangne Gude ᴋennerlugo.

II Kronika 20:33

Poktojulle pêjartaulaungilet, sullelo innugasaksuit omattitik torartilaungilait atâtagijamik Gudinganut.

II Kronika 30:19

Omattimingnik torartitsilauktut Gude Nalegak, atâtagijamik Gudingat ᴋennerlugo, unêt ivsornaimarilungigalloarlutik.

Salomob Okâl 16:1

Inuk issumaksarsioralloarpok ommatimine, oᴋable oᴋautigijaksanga Nâlekamit pivok.

Jesaiase 55:7

Idluitub apᴋutigijane ᴋemakliuk, idluitullijublo issumagijane allarligit sâgiarlunelo Nâlekamut, tâpsoma nâpkigijomârpâ tagva, Gûdiptingnullo sâgiarle, tâpsoma angijomik issumagijungnairvigijomârpa tagva.

Jeremia 24:7

Tunidjivigijomavakkalo ômatinik ilitarᴋsiᴋovlugit uvamnik, uvanga Nâlagaugama; inuᴋotigijomavakkalo tâpkoalo Gudiginiarpânga; ômamut tamânut sâgiaromârmatta uvamnut.

Jeremia 36:3

Imaᴋa Judab kinguvângit tusarajarput idluitunik tamainik kajusijutigijamnik piniaromavlugit tâpkonunga; sâgiarajarmattalo ilûnatik atunit apᴋotigijamingnit idluitomit; issumagijungnaivigivlugit ajorninginit idluitulininginillo pijungnarᴋovlunga.

Jeremia 4:1

Uteromaguvit, Israêle, Nâlagaᴋ oᴋarpoᴋ, utertuksauvotit uvamnut; maᴋojungnartulinitillo pêjaromagungne kênama sânganit, pêrniangilagit;

Hesekiel 14:6

Taimaimat Israêlib ᴋitorngangit oᴋautikit: Imâk oᴋarpoᴋ Nâlegaᴋ Nâlegaujoᴋ: Uteritse, allaivluselo gudingoapsingnik, kênaselo sangutisigik maᴋojungnartulinipsingnit tamainit.

Hesekiel 18:31

Tapanise tamaita tapanerimajase iperarsigik, ômatetâritselo anernetârluselo: sôᴋ toᴋojomavisê, ilipse Israêlib ᴋitorngangît?

Hosea 14:1

Israele, utilaurit Nâlekamut Gudingnut, oggosimagavit idluinitit pivlugit.

Mattêuse 15:8

Inuit ukkua ᴋanermingnut tikipânga ᴋangasinâmingnullo nertorpânga, ômatingitale ungasikpânga.

Mattêuse 4:10

Jêsusib tagva oᴋautivâ: Sâtanase, uvamnit aularit, aglaksimangmat: Gûdingnut Nâlegarnut tuksiartuksauvotit kissianullo kivgartortuksauvotit.

Mattêuse 6:24

Angajoᴋângnut maggûngnut kivgartortokarungnangilak; aipâ ômigilârpâlônêt, aipâ nagligivlugo; ubvalo aipâ ungagilârpâ, aipanga nachogivlugo. Gûdelo nunab pingillo atautsikut kivgartorlugit saperpose.

Lukase 4:8

Jêsusiblo kiovlune oᴋautivâ: Sâtanase, uvamnit aularit, aglaksimangmat: Gûdemik Nâlegarnik tuksiarveᴋartuksauvotit, kissiallo kivgartorlugo.

Johannese 4:24

Gûde anerniovok, tuksiartingitalo anernerme mikseᴋârnermelo tuksiarvigijaksarivât.

Deuteronomy 10:20

Nâlegak Gûdît sivôragijaksarivat, tâmnalo kivgartoraksarivat; tâpsomunga ungajuksauvotit, tâpsomalo atinga tailugo angermariktuksauvotit.

Deuteronomy 13:4

Nâlegak Gûdise maligaksarivase, tâmna sivôragilugo, tâpsomalo perᴋojangit piniarlugit, tâpsomalo nippinga nâleklugo, tâmnalo kivgartoraksarivase ungagilugolo.

Deuteronomy 4:29

Tagvangallo Nâlegak Gûdît ᴋenerungne, nagvâlârpat, ômamut tamânut tarnemullo tamânut ᴋenerungne.

Deuteronomy 6:13

Nâlegak Gûdît sivôragijaksarivat; tâmna kivgartoraksarivat, tâpsomalo atinga taivlugo angertuksauvotit.

Josua 13:31

Gileadiblo ketterᴋanga, Astarot, Edrei, Ogib Basanib attanertangata iglugasaksoagilauktangit, tunnijauvut Machirib ᴋittornganginut, Manassib erningata, tagva Machirib ᴋittorngangita ketterᴋanginut abvakungit malliklugit.

Josua 24:14

Tagva manna Nalegak sivoragisiuk kivgartorlugolo nertornartomik idluartomiglo, Gudingoallo atâtagijapse kivgartorlauktangit kôksuit akkiane, Egiptenemelo ipperarsigik, kivgartorluselo Nalekamik.

Josua 24:23

Tagva manna Gudingoat takkorngartat akkonapsingnêtut pêjarsigik illipsingnit, omattiselo mannisigik Nalekamut Israelib Gudinganut.

Idluarsaijut 10:16

Ipperarpaillo Gûdit takorngartat, Nâlegarlo kivgartorpât. Illapsugosutigilaukpalo, Israelitit taimak kappiasuktitaulaungmatta.

Idluarsaijut 10:6

Israelible ᴋitorngangit idluitullilaurivut Nâlekab sângane, kivgartorlutiglo Baalinik, Astarotemiglo, Siriamiullo Gûdinginik, Zidonemiullo Gûdinginik, Moabiterillo Gûdinginik, Amoniblo ᴋitorngangita Gûdinginik, Filisterillo Gûdinginik, Nâlegarlo ᴋemakpât kivgartornagolo.

Idluarsaijut 2:11

Tagva Israelib ᴋitorngangit idluitullivut Nâlekab sângane, Baalillo kivgartorpait,

Idluarsaijut 2:13

Nâlegak ᴋemaᴋatarmatsuk, kivgartorlutiglo Baalemik, Astharotemiglo.

I Samuel 31:10

Sagvingmiutangalo illivât Astarotib iglunganut, timingale toᴋᴋungajok nivingatipât Bethsanib avaluksoanginut.