I Samuel 6:4 - Labrador Inuttitut Heritage Bible

⁴ Tapkoale oᴋarput: Sunamik tunnergutiksamut akkiliksêrutiksamut tunnitsivigijaksarivittigo? Tapkoa kiovut: Nullungoarnik Goldenik tellimanik, nunivakangoarniglo Goldenik tallimanik, Filisterit angajoᴋangita tallimat unurningit malliklugit; ânianartok adsigêlaungmat illunapsingnut, angajoᴋapsingnullo.

I Samuel 6:4 Iomraidhean Croise

Exodus 12:35

Israêlikullo taimailiorput Mosesib oᴋausinga maliklugo: Egiptenemiunillo piksarsiorput perᴋutinik silbereojunik goldeojuniglo, annorâniglo:

Josua 13:3

Sihoremit kôktomit Egiptenib sângagut, Ekronib kiglilervinga tikkilugo, avane, kittitaumajok Kanaaniterinut, Filisterit angajoᴋangit tallimat, Gasamiut, Asdodemiut, Askalonemiut, Gethemiut, Ekronemiut, Avimiullo.

Idluarsaijut 14:19

Nâlekablo Annerningata tikkipa, tamnalo atersarpok Askalonemut, angutillo 30 git annaulerpait, tigulaitalo annorângit, annoratsiallo tunnivait tapkonunga nallaupsaraksamik nallautsilauktunut. Ningarnerminelo ilûngertulerpok, takpaungârlunelo atâtame iglunganut.

Idluarsaijut 3:3

Imagle: Filisterit ataningit tallimat, ilûnaitalo Kanaaniterit, Zidonemiullo, Heviterillo, nunaᴋalauktut ᴋakᴋame Libanoneme, ᴋakᴋamit Baal Hermonemik attalingnut Hemathe tikkilugo.

I Samuel 5:12

Inuillo toᴋᴋolaungitut annaujauvut timingita takkojaksaunginingine, taimak iglugasaksoarmiut âlaningit kongmuarmatta ᴋillangmut.

I Samuel 5:6

Nalekable aggangit oᴋumaidlalaukput Asdodemiunut, asserorpaillo, Asdodemiullo erkânetullo illunaita âniaᴋartipait, timingata takkojaksaunginingine.

I Samuel 5:9

Tapkoalo Israelib Gudingata iklervinga akkigarpât sunatuinarmut. Tamnale sunatuinarmut akkigarmatsuk, Nalekab aggangittigut iglugasaksoarne kappianartoᴋalerpok angijoksoarmik, annauvaillo iglugasaksoarmiut tamarmik, mikkijut angijullo, ânianartuniglo pilerput timingita takkojaksaunginingine.

I Samuel 6:5

Taimak manna nullopse adsinginik, nunivakapselo nunapsingnik asseroijut adsinginik sannajariaᴋarpose, nertordlerᴋovluse Israelib Gudinganik; imakkâ aggangit oᴋᴋinersauniangimangatta illipsingnut, Gudipsingnullo, nunapsingnullo.

I Samuel 6:8

Tigulugolo Nalekab iklervinga ikkitilugolo aksalloalingnut, pivianartullo Goldemit sannamajut, tunergutiksase akkiliksêrutiksamut tunnijasse tapsomunga, pitisigik iklerviârsungmut, iklerviub sanerangata kiglinganut; tillisigiglo, aulartisigiglo.