I Samuel 5:8 - Labrador Inuttitut Heritage Bible

⁸ Tilliklerpullo kattiᴋolugillo Filisterit angajoᴋangit illunaita ingmingnut, oᴋarlutiglo: Kannok Israelib Gudingata iklervinga piniarvigijaksarivittigo? Tapkoalo kiovut tagva: Gathemiut Israelib Gudingata iklervinga akkigarlitsuk sunatuinarmut.

I Samuel 5:8 Iomraidhean Croise

I Kronika 7:21

Tapsoma erninga Sabadeôlaukpok, tapsoma erninga Sutelaôlaukpok, tapsoma ernigik Esereolaukpok, Eleadelo. Angutillo Gatemiut nunab inungita nakterpait, attarlauramik tapkoa nergjuteᴋotingit aksarnigarijomavlugit.

Amos 6:2

Kalnemut aileritse ulernairtuiluselo; tagvangallo Hamatemut angijomut ingeraritse; Gatemullo atersâritse Filisterit nunanganêtomut; tâpkoa pioluarᴋât nâlegauvingnit makkonangât? Miksângillo anginersauvât miksâpsingnît?

Saggaria 12:3

Uvlormelo tâpsomane Jerusalem ujaraᴋsoangortitsomârpara oᴋumaitok inôᴋatigêksoarnut tamainut; ilûnatik oᴋumaititut tâpsomunga angijomik kilertaujomârput; inôᴋatigêksuillo ilûnatik nunaksoarme tâpsomunga katersoromârput sorᴋsugvigijomavlugo.

Josua 13:3

Sihoremit kôktomit Egiptenib sângagut, Ekronib kiglilervinga tikkilugo, avane, kittitaumajok Kanaaniterinut, Filisterit angajoᴋangit tallimat, Gasamiut, Asdodemiut, Askalonemiut, Gethemiut, Ekronemiut, Avimiullo.

Josua 15:11

Pilunelo Ekrone sanniagorlugo avunga, sangmilunelo Sichronemut, pilunelo ᴋaᴋᴋab Baalamik attiggub ᴋangagut, pilunelo Jabneelemut nâninga imarbiksoangongmat.

I Samuel 17:4

Tagva annijoᴋarpok Filisterit tangmarvinganit innukpamik, Goliathemik attelingmik, Gathemit pijomik, tallitut 6 tut, aggaktullo attautsit sannimututiginingititut, poktutigijomik;

I Samuel 17:52

Israeliblo Judablo angutingit parngnailerput, nipliarlutiglo, Filisterillo udlapait naksamut Ekroniblo ittertarvinginut tikkilutik, Filisterillo ullimartauvlutik ochovut apᴋome ittertarvingnut sangmijome, Gathelo Ekronelo tikkilugit.

I Samuel 29:6

Tagva Achisib Davide ᴋaiᴋova, oᴋautilugolo: Sorlo mikseᴋârtomik Nalegak inôngmat, uvanga nallagorasugivagit, aularnîllo itternîllo illagilunga sorsuktoᴋattigêksoarne namagivara, idluitomiglo mallugosulaungilanga illingne, nalliutomit taimanganit tikkilauravit uvamnut manna tikkidlugo; angajoᴋaksuille namagilungilâtit.

I Samuel 5:11

Tagva tilliklerput kattimaᴋolugillo Filisterit angajoᴋangit illunaita, oᴋarlutiglo: Israelib Gudingata iklervinga tillikliutilersiuk innigilauktanganut, toᴋᴋotsiᴋonnago uvaptingnik innuᴋotiptingniglo. Gudib aggangit kappianartoksoaᴋartitsingmatta iglugasaksoarne illunâne toᴋᴋotsinermut.

I Samuel 5:7

Inuille Asdodemiut takkogamik taimailiornermik, oᴋarput: Israelib Gudingata iklervinga uvaptingnêtsungnaile, aggangit oᴋᴋumailuarmatta uvaptingnut, Gudeᴋotiptingnullo Dagonemut.

I Samuel 6:2

Filisterillo ajochertuijoᴋotitik nallautaijoᴋotitiglo ᴋaiᴋovait, oᴋarlutiglo: Kannok Nalekab iklervinga pinniarvigijaksarivittigo? Ajochertortigut sunakut tillikliutijaksarivittigo innigilauktanganut?