I Samuel 5:3 - Labrador Inuttitut Heritage Bible

³ Asdodemiullo, uvlub aipangane uvlarâsukut makkinamik, Dagone naipipât pamangatillugo natterme, Nalekab iklervingata sângane. Tapkoale Dagone tiguvât, illigivâllo inninganut.

I Samuel 5:3 Iomraidhean Croise

I Atannit 18:26

Tapᴋoalo tuktuvâk tiguvât tunnijanga tapᴋonunga, tunnergutautipâllo, Baabliblo atinga nipliarvigivât uvlângmit uvlub ᴋetterarninga tikkidlugo, oᴋarᴋattarlutiglo: Baal tusartigut! Tagvanele nippeᴋalaungilak, kioneᴋalaungilarlo. Tussiarpullo Altare sanalauktatik avatagorvigilugo.

Imgerut 115:7

Aggaᴋarput tigussinatiglo; ittiggaᴋarput, pissugatiglo; nippeᴋaratiglo torklumikut.

Imgerut 97:7

Kangusugariaᴋarput illûnatik adsingoanik kivgartortut, Gûdingoaniglo nertuteᴋartut. Gûdiojose illûnase tâmna tuksiarvigissiuk!

Exodus 12:12

Unnuarme tamattomane nuna Egipten aulavigigapko, anaulugillo erniangorᴋârtut ilûnnatik nuname Egipteneme, inuillo nergjutillo; Egiptenemiullo gûdingoanginut tamainut nalonaijaijomavunga erᴋartuinermik: Tâmnauvunga Nâlegak.

Jesaiase 19:1

Tamadja oᴋauseᴋ inerterijutiksaᴋ Egiptenemut. — Ahâk, Nâlegaᴋ nuvujakut tuavitokut ingergaromârpoᴋ tikkidlunelo Egiptenemut. Gûdingoallo Egiptenemẽtut sajugomârput sângane, Egiptenemiullo õmatingit kakkillâromârput illungine.

Jesaiase 40:20

Aklunermut tunergutiksaᴋatsiangitub ᴋejuk auᴋangangitoᴋ anerivâ, inungoaliorte illisimajoᴋ ᴋeneriartorpâ, inungoamik soᴋosiniangitomik sanarᴋovlugo.

Jesaiase 41:7

Inungoamik sanasôᴋ manigoivoᴋ goldelerijomik, maniksaijoᴋ ujaratsiakut manigoivoᴋ katjuktomik katjugvingme, oᴋarlunelo kusseᴋsiamut nippititaumajoᴋ pivlugo: tamanna nãmakpoᴋ — kikkianullo atsungerpât, aulataujungnarᴋonago.

Jesaiase 46:7

Kivikpât tuimingnut, erᴋsuklugolo inniksanganut illivât. Tagvane ᴋikkarpoᴋ inniminit nũtsanane. Nipliaviogalloarune, kiotsangilaᴋ, kappiasungningannillo piulitsangilait.

Jeremia 10:8

Ilûnatik adsigêktomik silaitôvut tukkeᴋangitôvlutiglo; ajoᴋertusiovut gudingoanik, ᴋejutuinaugamik.

Sefania 2:11

Nâlegak erᴋsinadlaromârpok tâpkonunga, nuname Gûdeojut ilûnaita perlertitsomârmagit; opigijaksarivâllo inuit, ilûnatik inimingnit, ilâ, inôᴋatigêksuit ilûnatik kiglingit.

Markuse 3:11

Anernerillo maᴋojungnartut takojarangamitsuk pâmagvigivât, niplerlutiglo oᴋarput; Gûdib Ernerivâtit.

I Samuel 6:1

Taimak Nalekab iklervinga takᴋit 7 it nâlugit Filisterit nunanganêlaukpok.

I Samuel 6:5

Taimak manna nullopse adsinginik, nunivakapselo nunapsingnik asseroijut adsinginik sannajariaᴋarpose, nertordlerᴋovluse Israelib Gudinganik; imakkâ aggangit oᴋᴋinersauniangimangatta illipsingnut, Gudipsingnullo, nunapsingnullo.