I Samuel 4:4 - Labrador Inuttitut Heritage Bible

⁴ Innugatsuillo tilliklerput Silomut, aijauᴋolugolo tagvangat Nalekab Zebaothib, Kerubimib ᴋollâne iksivajub, iklervinga angersimanetalik. Taikanelaukpuglo Elib ernigik Hofni Pinehaselo, Gudib angersimaningata iklervinga najorlugo.

I Samuel 4:4 Iomraidhean Croise

II Samuel 15:24

Ahâglo Zadok tagvanêlaurivok, Levitillo illunatik tapsomanêlauktut, akkigarlutiglo Gudib angerningata iklervinganik, illilâlo tagvunga. Abjatharelo kagverpok innugatsuit illunatik iglugasaksoarnint anniᴋârtinnagit.

II Samuel 6:2

Parngnailerporlo, ailunelo innugatsuit illagijane Judakunit illunatik illagilugit, aikleromavlune takpaunga Gudib iklervinganik, atteᴋartomik tukkelingmik imaitomik: Nalekab Zebaothib attinga ᴋângane inneᴋarpok, Kerubimib ᴋollâne.

II Atannit 19:15

Hiskialo tuksiarpok Nâlekab sângane oᴋarlunelo: Nâlegak Israelib Gûdinga, Kerubimit ᴋângine iksivajotit, igvit Gûdetôvotit atanniovingnut nunamêtunut ilunnainut, igvit ᴋilangmik nunamiglo pingortitsilaukpotit.

Imgerut 80:1

Igvit Israelib mianerijinga tussalaurit Josefekunik pairᴋsijotit saukatitut; sakᴋijâlaurit iksivajotit Kêrubit ᴋângine.

Imgerut 80:2

Pitsartunnît tuppaksaruk Efraimekut Benjaminekullo Manassekullo sângine, ikajoriartorlutalo.

Imgerut 99:1

Nalegak attanniôvok, tamanna pivlugo innuᴋattigêksuit sajukput; iksivavok Kêrubit ᴋângine, tamanna pivlugo sillaksoak aulavok.

Jesaiase 37:16

Nâlegaᴋ, ᴋilangmiugasaksuit Nâlegangat, Israêlib Gûdinga, Kêrubit ᴋollãne iksivajotit, igvit kissivit Gûdeovotit nuname attaniovingnut tamainut; igvit ᴋilangmik nunamiglo pingortitsilauᴋpotit.

Mâlaki 1:9

Taimaimat mâna Gude ᴋenuvigisiuk nâpkiniᴋovlugo uvaptingnik; tamanna ilipsingnit pisimangmat; tâpsoma nelisê ilaliorniarᴋaûk? Oᴋarpoᴋ Nâlegaᴋ Zebaot.

Numbers 4:15

Aroniblo erningitalo ivsornaitovik ivsornaitoviublo perᴋutingit immugêrpatigik, tangmârtertut nûtuksaulertilugit; Kohatib erningit ᴋaijuksauvut akkigaromavlugit; aktuijuksaungilalle ivsornaidlartunik, toᴋoᴋonagit. Tamadja Kohatib erningita akkigaraksarijangit ilagêktut tupingane.

Numbers 4:5

Tangmârtertullo nûgiaᴋarpatta, Aron erningillo itertuksauvut, upkoblo tâlutanga pêraksarivât, iklerviglo kigligiutjineᴋtalik uliklugo tâpsomunga:

Numbers 7:89

Mosesiblo, iterame ilagêktut tupinganut oᴋaᴋatigijomavlugo, Nippe tusarpâ tâpsomunga oᴋartoᴋ iksivaviub saimarvigijauviub ᴋollânit, iklervingmêtomit kigligiutjineᴋtalingmit, kerubîk akorngangnit; tâpsomalo oᴋarvigivâ.

I Samuel 1:24

Amâmaktitsungnairamiuk, âlugo majorarᴋattigiva, tuktuvait pingasut, Efalo tattalugo sanaukamik, publaujarlo Weinetalik illaliudlugo; âpâlo Nalekab iglunganut Silomêtomut. Nukapiarle innusulaukpok sulle.

I Samuel 14:3

Ahialo, Ahitob erninga Ikabodib angajuata, Pinehasib erningata, Elib erningata, ajochertuijôlaukpok Nalekamut Silome, ikkialijarlarmelo. Innuksuit ᴋaujimalaunginivut Jonathan aularsimangmat.

I Samuel 2:22

Elile îtudlalaukpok, tussarlunelo tamainik, erningme pinniarninginik Israelitinut illunainut, innangaᴋattigingmattikiglo arnat kivgartortut angersimanerub tuppingata upkoangata sângane.