I Samuel 4:10 - Labrador Inuttitut Heritage Bible

¹⁰ Tagva Filisterit sorsukput, Israelitillo salagijaulerput, illunatiglo attunit ᴋemâvut iglomingnut; unatarnerlo angijôlaukpok, Israelitinit ocholaungmatta angutit pissuktut 30,000 dit.

I Samuel 4:10 Iomraidhean Croise

II Samuel 18:17

Absalomelo tiguvât, egilugolo nappartut akkornganut ittersâlungmut, ujarᴋello unnuktut perorliutivait ᴋânganut. Israelitillo illuêngarlutik attunît ᴋemâvut igloᴋotimingnut.

II Samuel 18:7

Innugatoksuillo Israelitit sâlagijauvut tagvane Davidib kivganginut, uvlorme taipsomane ullimartauneᴋalaungmat angijomik, angutinik 20,000 dinik.

II Samuel 19:8

Tagva attannek parngnailerpok, ingilunelo ittertarviub illuanut. Innugatsuillo illunaita oᴋautsaulerput: Ahâk attannek iksivavok ittertarviksub illuane. Tagva innugatsuit illunatik tikkilerput attanniub sânganut. Israelitille ᴋemmâlaukput illunatik attunît iglomingnut.

II Samuel 20:1

Anguteᴋalaukporlo tagvane illitarijaujomik kuksalaitomik, Sebamik attelingmik, Bichirib, angutib Jeminib kinguvânginit pijub erninganik; tapsoma tiptulaut tiptulausijautigiva oᴋarlunelo: Illangiutiviᴋalungilagut Davidemik, kingormgutijaksaᴋaratalonêt Isaib erningane. Israelitiôjut illunamasiatik attunît ailerlit igloᴋotimingnut!

I Atannit 12:16

Israelitille ilûnnamasiangit takkogamik atanniub tusaromangimagit, inugasaksuit atannek kiovât oᴋarlutiglo: Sunamik illangiutiviᴋarᴋita Davidemik? Isaiblo erninga pigingilavut, Israelitiôjose aileritse tuppeᴋotipsingnut! Taimâk mânna igvit Davideᴋotivît iglunga takkonâruk. Taimâk Israelitit aivut tupperᴋotimingnut,

I Atannit 22:36

Tagva akpartauᴋojauvut tangmarvingme sekᴋinek nippitillugo, oᴋartoᴋarlune: Ilûnnatik attunnît iglugasaksoarmingnut nunagijamingnullo ailit.

II Atannit 14:12

Judakulle sâlagijauvut Israelitinut, ilunnatiglo attunît ᴋemâvut iglomingnut.

II Kronika 13:17

Abialo innuᴋotingillo sâlaᴋarneᴋartitsivut angijomik tapᴋonane, ochovullo Israelitinit ullimarsimajut angutit innuosuktut 500,000 dit.

II Kronika 25:22

Judakulle salagijauvut Israelitinut, ᴋemâlutiglo attunît iglomingnut.

Imgerut 78:9

Efraimib ᴋittorngangititut sakkolijarlutik pittikselijarlutiglo ᴋemaijut sorsungnerub nalliuningane,

Jeremia 7:12

Aileritsele innigilauᴋtamnut Sîlomêtomut, inniksautilauᴋtamnut attimnut mattoma sivorngane, ullernairtuileritselo sumik piniarvigilaungmangâpko inuᴋotima Israêlib idluituliningit pivlugit.

Leviticus 26:17

Kênaralo allartilârpara ilipsingnit, annaulertaujomârposelo ômigijipse sângine: ômigijise ataniojomârput ilipsingnut, ᴋemâjomârposelo udlataungikaloartiluse.

Deuteronomy 28:15

Nâlekable Gûdivît nipinga nâlagomangikungne, perᴋojangit maligaksauᴋojangillo tamaita, perᴋojijutigijakka ilingnut uvlome kamagitsiaromanagit piniaromanagillo; tagva ôminarsinerit makkoa ilûnatik tikilârpâtit nelaudlutillo.

Deuteronomy 28:25

Nâlekab pikaluktautitsomârpâtit ômigijivit sângine; apᴋut atausek atorlugo anilârpotit tâpkonunga, apᴋulle sevenit atorlugit ᴋemâlârpotit tâpkonangat; egitauᴋatalârpotillo utertarᴋatartomik silaᴋsûb nâlegauvingine tamaine.

I Samuel 3:11

Nalegarlo Samuelemut oᴋarpok: Ahâk sunamik pinniarpunga Israeleme, tamattominga tussartub tapsoma siutigik aviojiniarmannik.

I Samuel 4:2

Opalungaijarlutiglo Israelitit unatarvigijomavlugit. Sorsungnerlo angijororpok, Israelitillo sâlagijauvut Filisterinut, tapkoalo sorsungnek malliklugo natername angutit 4,000 diokassait ullimârpait saviksoarmut.