I Samuel 31:8 - Labrador Inuttitut Heritage Bible

⁸ Uvlub aipangane Filisterit ᴋaivut, ullimarsimajut mattâromavlugit, naipipaillo Saule erningillo pingasut nallavlutik Gilboab ᴋakᴋangane;

I Samuel 31:8 Iomraidhean Croise

II Samuel 1:20

Oᴋarniarase tamattominga Gatheme, unipᴋautiginiarassiuglo apᴋosinerme Askalonib iglungita akkorngane, Filisterit panningit ᴋuviasulerᴋonnagit, kippisimangitut panningit serridlarᴋonnagit.

II Samuel 1:21

Kakᴋaujose Gilboame, mitsuksoaᴋarniarane, sillaluᴋarniaranelo illipsingnut, perorsêviᴋarniaranelo illipsingne, ᴋaitsijunik tunnergutiksanik pilliusijanik; sôngojut sappulutangit tagvane pêjartaulaungmatta, Saulib sappulutanga, sorlo mingoarsimanajangipat orksomut.

I Kronika 10:8

Kaulermallo Filisterit tikkilerput ullimarsimajut annoraijarlugit; naipipaillo Saule erningillo, nallatillugit ᴋakᴋame Gilboamik atelingme,

II Kronika 20:25

Tagva Josafate innugasaksoaᴋotine illagilugit tikkipok, perᴋutingit aviklugit, nachvarpullo tapᴋonane unnuktovaksoarnik, perᴋutinik annorangniglo, illulerᴋutiniglo pivianartunik, aksarpaillo tamakkoninga taimak unnuktigijunik, akjartortaujungnangimatta; aksarnigaujallo avikpait uvlut pingasut nâlugit unnuktolaungmatta.

I Samuel 28:4

Manna Filisterit kattimalermatta, tikkilutiglo tangmarterlutiglo Sunememe; Saulibtauk Israelitit illuêngardlutik kattitipait, tangmarterlutiglo Gilboame.

I Samuel 31:7

Israelible angutingit naksab ungatâne, Jordaniblo akkianêlauktut takkogamik Israelib angutingit ᴋemângmatta, Saulelo erningillo toᴋᴋungangmatta, iglugasaksuit ᴋemmakpait, ᴋemâlutiglotauk; taimaglo Filisterit ᴋaivut iglogilaitalo.

I Samuel 31:9

Niaᴋungalo nakkarpât, sakkungillo pêrpait tapsomangat, tillikliutivaillo Filisterit nunanganut sunatuinarnut, oᴋautigijauᴋovlugo Gudingoaᴋotimik iglungane, innugatsuillo akkorngane.