I Samuel 30:8 - Labrador Inuttitut Heritage Bible

⁸ Davidib Nalegak appertsorpa, oᴋarlunelo: Sorsuktuksat udlajaksarivakka, anguniarpakkalo? Oᴋarpok: Udlakit, anguniarpattit, piuliklerniarlutillo.

I Samuel 30:8 Iomraidhean Croise

Genesis 14:16

Perᴋutillo tamaita uttertipait, Lotelo ᴋattangutine perᴋutingillo, taimaktauᴋ arnat inuillo.

II Samuel 5:19

Davidiblo Nalegak appertsorpa, oᴋarlunelo: Paunga majorartuksauvîk Filisterit akkerartorlugit? Aggamnullo tunnijomavigit? Nalegak Davidemut oᴋarpok: Majorarit takpaunga, Filisterit tunnijomavakka aggangnut.

II Samuel 5:23

Davidiblo Nalegak apperiva; tamna oᴋarpok: Majorartuksaungilatit paunga; kingorngattigulle tikkikit, tikkiᴋovlutit tapkonunga nappartut Maulberiggit sâdlugit.

Imgerut 50:15

ᴋannoêtoᴋarnerublo uvlungane nipliaviginga, tagva piulijomavagit, igvillo nakorijaksarivarma.

Imgerut 91:15

Nipliavigivânga, tamanna pivlugo tussaromavara; kappianartome najorpara; nussugomavara opinartilugolo.

Exodus 15:9

Omisuktok oᴋarpok: Udlanigomavunga, angusijomavunga, aksârnigaujut aitortûtigijomavakka; ikligunera nâmaksititaujuksauvok tâpkonunga; saviksoara amujomavara, aggamalo nungutaksarivait.

Numbers 27:21

Eliasariblo ajoᴋertuijûb sângane nangertuksauvoᴋ, tâpsomalo ᴋaumaᴋutib idluarsaininga atorlugo Nâlekab sângane aperᴋutigijaksarivâ; tâpsoma oᴋausinga maliklugo anijuksauvut, tâpsomalo oᴋausinga maliklugo itertuksauvut, tâmna, Israêlikullo ilûnatik tâmna ilagilugo, tagva ilagêktoᴋsuit iluengartut.

Idluarsaijut 20:18

Tapkoa parngnailerput, takpaungarlutiglo Gûdib iglunganut, Gûdelo appertsorpât, oᴋarlutiglo: Kikut uvaptingnit aularᴋârtuksauvât, unatadlarnek pigiarlugo Benjaminib ᴋitornganginut? Nâlegak oᴋarpok: Judakut pigiartuksauvut.

Idluarsaijut 20:23

Israeliblo ᴋitorngangit takpaungarput, kugviorlutiglo Nâlekab sângane unnuk tikkilugo, Nâlegarlo appertsorpât, oᴋarlutiglo: Ama aijuksauvita sorsukluta Benjaminib ᴋitornganginut ᴋatangutiptingnut? Nâlegak oᴋarpok: Takpaungarvigisigik.

Idluarsaijut 20:28

Pinehaselo, Eleaserib Aronib erningata erninga nangerlaukpok tapsoma sângane nalliutome taipsomane) oᴋarlutiglo: Ama aulartuksauvita sorsukluta Benjaminib ᴋitornganginut ᴋatangutiptingnut, nokᴋartuksauvitalonêt? Nâlegak oᴋarpok: Takpaungaritse, ᴋaupat tunnijomavakka aggapsingnut.

Idluarsaijut 8:4

Gideonelo Jordanemut pigame ikkârpok, angutit 300 dit ilagijangit ilagilugit, merngortorlaukpullo, udlanilutiglo sulle.

I Samuel 10:22

Tagva Nalegak apperipsarpât: Ovungarniaralloarka? Nalegak kiovok: Ahâk, ijerlaukpok ᴋattaujat akkornganut.

I Samuel 14:37

Saulible Gude apperiva: Attersartuksauvîk Filisterit malliklugit? Israeliblo agganginut tunnijomavigit? Tapsomale kiolaungila nalliutome taipsomane.

I Samuel 23:2

Tagva Davidib Nalegak apperiva oᴋarlunelo: Aijuksauvîk tagvunga, Filisterillo taipkoa ullimârlugit? Nalegarlo Davidemut oᴋarpok: Ailerit tagvunga, Filisterillo ullimârniarpattit, Kegilamiullo piuliniarpattit.

I Samuel 23:4

Tagva Davidib Nalegak ama apperiva; Nalekablo kiova oᴋarlunelo: Atte, attersarit Kegilamut, Filisterit tunnijomagapkit aggangnut.

I Samuel 28:6

Tapsomalo Nalegak apperiva; Nalekable kiolungila, sinniktomanekullonêt, kaumaniutiksakullonêt nallautaijokullonêt.

I Samuel 30:18

Taimak Davidib Amalekiterit aksarnigarilauktangit tamaita piulivait nulliaᴋotingnelo;

I Samuel 30:19

Kingomajaujoᴋalaungilarlo mikkijomiglonêt, angijomiglonêt, ernermiglonêt, pannermiglonêt, perᴋomiglonêt sunamiglonêt ivajârlauktanginik. Davidib tamaita uttertipait.