I Samuel 30:6 - Labrador Inuttitut Heritage Bible

⁶ Davidelo angijomik kappiasulaukpok, inugatsuit milloromangmatsuk, innugatsuit illunatik tarningit annulaungmatta, nalliat ernine panninelo pivlugit. Davidele pitsartutipok ingminik Nalekame Gudimine;

I Samuel 30:6 Iomraidhean Croise

Genesis 32:7

Tagva Jako erᴋsidlalerpoᴋ kapiasuklune, avikpaillo inuit illagijane, saukallo tuktuvaillo kamêlillo kattimajut, maggoilivlugit,

II Samuel 17:8

Husailo oᴋapsarivok: Atâtait illitaritsiaralloarpat, innuᴋotingillo sôngojoksôngmatta, ningaumajadlarmattalo issumamikut aklatut piarᴋaminik aksartaumajotut natername; tamannalo tappilugo atâtait angutiôvok unatadlarnermik sungiusimajok, siglotoniangilarlo innugatsuit illagellugit.

II Atannit 4:27

Tikinamele Gûdib anguteᴋotinganut ᴋakᴋab ᴋânganut, iitigangit erᴋisimiarpait; Gehasile ᴋaivok ajagomavlugo. Gûdible anguteᴋotinga oᴋarpok: Taimailingale, tarninga kiksadlarmat; Nâlekablo angigutilaukpânga tamattominga, nallojungnaitilaungilângalo.

Hiobe 13:15

Ahâk toᴋoᴋalloarpânga, nerriungneᴋarungnairumalo: sullele apᴋosinerijakka akkiorutigijomavakka tâpsoma sângane.

Imgerut 116:10

Okperpunga, tamanna pivlugo oᴋarpunga. Angijomigle siorniortitauvunga.

Imgerut 138:3

Nipliavigijarangapkit, tagva tussarparma, tarnigalo tunnitsivigivet maksoarnermik pitsartunermiglo.

Imgerut 18:2

Nâlegak ᴋairtorijara, serngnigijiksaᴋautigijaralo, piulijigalo; Gûdiga torᴋorviksaᴋautigijara tattigijara, sappulutaksarijara, piulijauviksamalo sakkunga, sapputsijigalo.

Imgerut 18:6

Kappiasungnimne Nâlegak nipliavigivara, ᴋaigarsuklungalo Gudimnut; tagva nippiga tussarpâ Tempeleᴋotiminit, ᴋaigarsungneralo sânganut siutikingnut, pivok.

Imgerut 25:17

Omattima kappiasungninga angijôvok; nussulaunga ᴋannoênimnit!

Imgerut 27:14

Nâlegak nerriugiuk; maksoalerit, tâpsomalo ômattit pitsartutiliuk, Nâlegarlo nerriugiuk.

Imgerut 31:24

Maksoatitse, tâpsomalo ômattisse nakkoksiligit, illunase Nâlekamik nerriuktose.

Imgerut 42:11

Sôg kiksartiᴋît tarnîk uimajâdlarlutillo illumne? Gûde nerriugiuk: ᴋujaginiarapᴋo sulle, kênama ikajortigingmago Gûdigigapᴋolo.

Imgerut 42:5

Sôg kiksârtiᴋît, tarnîk, uimajâdlarlutillo illumne? Gûde nerriugiuk; ᴋujaginiarapᴋo sulle, ikajormanga kênaminut.

Imgerut 42:7

Ullitornersuit ᴋajumiklutik nippalâkput, mâne ittinersoak, ikkanelo ittinersoak iktulliarmarik; ingiuleᴋotivit illunatik, malliksoaᴋotivillo ittipsoarpânga.

Imgerut 56:11

Gûde tattigivara erksitaililungalo inuit suniarungnarpângâ?

Imgerut 62:1

Tarniga innilangavlune uttakkivok Gûdemik; tâpsomangat ikajortaunera pivok.

Imgerut 62:5

Tarnîk, innilangalutit Gûdemik uttakkituinarit; nerriungnera tâpsomangat pingmat.

Imgerut 71:4

Gûdîk iᴋajulaunga Gûdeᴋangitut agganginnit, idluitub attanniâlojub aggâlunginnit.

Imgerut 71:5

Igvit nerriungnerivagit, Nâlegak, Nâlegak sungertutigijara innuosungnimnit.

Exodus 17:4

Moseselo ᴋaigarsukpok Nâlekamut, oᴋarlune: Inuit ukkoa ᴋanok piniarvigijaksarivakkâ? Milloromakasakpânga ujarᴋanut!

Salomob Okâl 18:10

Nâlekab atinga sapputsauviksauvok songojok; idluartub akpangervigiva, sapputijaulunelo.

Jesaiase 25:4

Igvit sangẽtut pitsartutigivâtit, ajoᴋsartut sapputjauvigivâtit kappianartoᴋalerangat, ᴋemâvigivâtit sillarnerlukpat, tachalinerivâtit kiaᴋarpat, attanionerdluktut ᴋanningaumajârningat aᴋᴋunaᴋsoatut ᴋarmaᴋsoamut akkingmiktotut illingangmat.

Jeremia 16:19

Nâlagaᴋ, sôngonerijara, serngnigijauviksaralo, ᴋemâvigijaralo kapiasungnima uvlungane, ilingnut inôᴋatigêksuit silaᴋsûb issunginit tikituksaulârput, oᴋarlutik: Atâtagilauᴋtavut kingormgutijatuaᴋalauᴋput saglonernik, ila, suksaungitunik, pingniglo idluarᴋutiksaulaungitunik.

Jona 2:2

Oᴋarporlo: Siorniudlarnimne Nâlegaᴋ ᴋaigarsugvigilauᴋpara, tâpsomalo tusarpânga; toᴋungajut ininganit ᴋaigarsukpunga, nippigalo tusarpat.

Numbers 14:10

Ilagêktoᴋsuille ilûnatik millortauᴋovakit ujarᴋanut. Nâlekablo ânanauninga saᴋᴋijarpoᴋ Israêlikunut tamainut ilagêktut tupingane.

Mattêuse 21:9

Inugasaksuille, sivorlîllo maliktingillo, ᴋagudlarlutik oᴋarput: Hosianna, Davidib Erninga! nertortaule, Nâlekab atingane tikitok! Hosianna ᴋotsingnerme!

Mattêuse 27:22

Pilâtusib oᴋautivait: ᴋanok Jêsuse pijaksarivigô, Kristûsemik taijâk? Ilûnatik oᴋarput: Kikiaktortaule saningajolingmut.

Johannese 8:59

Tagva ujarᴋanik tigusivut milloromavlugo. Jêsusele ijerpok anilunelo katimavingmit, akorngatigut.

Rômiunut 4:18

Okpilauᴋporlo nerriugijaksaᴋarᴋôrane, nunaᴋatigêksoarnut unuktovaksoarnut atâtaulerᴋovlugo, oᴋautsit ipkua oᴋautjaumanine maliklugit: Taimaituksauvut kinguvâksatit.

Rômiunut 4:20

Kolalunginame Gûdib angersimaninganik okpinginermut, okpernermele pitsartulerlune Gûde nertorpâ;

Rômiunut 8:31

Taimaimatta tamakkoa, ᴋanoᴋ tagva oᴋartuksauvitâ? Gûdib illagikpatigut, kia akkerartorungnarpâtigût?

II Korintemiunut 1:6

Kappiasûteᴋarangaptalônêt, tamadja pivoᴋ ilipse manigortaulerᴋovluse, piulijauᴋovluselo; manigortaulerangapta, tamadja manigortauniksapsingnut ilingavok; tamadja angijomik saᴋᴋijârpoᴋ ᴋenuersârnerme ânernartunik tâpkoninga, sôrlo uvaguttauᴋ âniaᴋarapta.

II Korintemiunut 4:8

Ilûnâne kappiasuktitauvogut, sivôranatale; sivôragalloarpogut mungunganatele.

II Korintemiunut 7:5

Mazedôniamut pigapta, uvinivut inilangajungnangilaᴋ; ilûnaitigulle kappiasuktitaulauᴋpogut; ᴋaliniptigut sorsuktauvluta, iluptigut erᴋsijogut.

Ebrêerinut 13:6

Taimaimat oᴋarungnarpogut: Nâlegaᴋ piulijigigapko, erᴋsijomangilanga. Sunamik inuit piniarvigijungnarpângâ?

Idluarsaijut 18:25

Danible ᴋitorngangita oᴋautivât: Nippît Tusartauᴋoniarnago uvaptingne, opaktauᴋonnak angutinut ningartunut; tarnit, iglomioᴋattivillo tarningit pêjartauᴋonagit.

Idluarsaijut 20:22

Inugasaksuillo, angutit Israelitit maksoatilerput oppalungaijailutiglo ama sorsugomavlutik, tagvane uvlub sivorlingane oppalungairvigilauktamingne.

I Samuel 1:10

Tamnalo omamut kiksadlalaukpok, tuksiarporlo Nalekamut, ᴋugviorlunelo.

I Samuel 23:16

Tagva Jonathan Saulib erninga parngnailerpok, ailunelo Davidemut nappartunut, aggangillo pitsartutipait Gudeme;

I Samuel 28:15

Samuelele Saulemut oᴋarpok: Sôg ullapilaukpinga majoaᴋogamga paunga? Saule oᴋarpok: Kappiasudlarpunga, Filisterit sorsugvigivânga, Gudelo nûsimavok uvamnit, kiungilângalo, nallautaijokullonêt, sinniktomanikullonêt; tamanna pivlugo ᴋaiᴋojauᴋolaukpagit, ᴋaujititsiᴋovlutit uvamnut pinniaraksamnik.