I Samuel 3:19 - Labrador Inuttitut Heritage Bible

¹⁹ Samuelele pivallialerpok, Nalekablo aipariva, oᴋausingitalo illangallonêt nunamut kattalungilak.

I Samuel 3:19 Iomraidhean Croise

Genesis 21:22

Nalliutome taipsomane Abimêlege oᴋarpoᴋ Abrahamut, Pikolelo, sorsuktuksarsoaᴋotingita angajoᴋângat, oᴋarlune: Gûdib illagivâtit piniarnerne tamaine.

Genesis 28:15

Ahâglo, illagivagit saputijomavagillo, naukullônêt ingergaralloarmangârpit; uttertitsomavagillo nunamut mattomunga, allarniatsanginapkit, piniarᴋârtinanga tamainik oᴋautigijamnik illingnut.

Genesis 39:2

Nâlekablo Josefe aiparivâ, angutaulerporlo piloriktoᴋ, angajoᴋâme Egiptenemiub iglunganêdlune.

Genesis 39:3

Angajoᴋângatalo malugivâ, Nâlekab aiparingmago aggangitalo sulijangit taimak Nâlekab piloriktingmagit.

I Atannit 8:56

Nertortaule Nâlegak, inuᴋotiminut Israelitinut merngoêrsernermik tunnijilauktok, sorlo oᴋalaurame. Oᴋausek atauserlonêt tikkingilungilak oᴋausinginit ajungitunit tamainit, kivgamigut Mosesekut oᴋauserilauktanginit.

II Atannit 10:10

Tagva illitarksileritse Gûdib oᴋausingita oᴋauserilauktangita Ahabe pivlugo ilangallonêt kattaksimangimat nunamut; Nâlegarlo pinniarlaukpok, sorlo oᴋalaurame kivgamigut Eliakut.

II Atannit 15:12

Tamannauvorlo Nâlekab oᴋauserilauktanga Jehumut: Igvit ᴋitorngakartuksauvotit Israelitit iksivautaksoangane iksivajunik, ᴋitorngarêt sittamangat tikkidlugo; taimailaurivok.

II Atannit 22:16

Imâk Nâlegak oᴋarpok: ᴋanoêtomik ᴋaitsijomavunga iglugasaksoarnut makkonunga, innunginullo, perkojat Judakut atanningata attuarlauktangita oᴋausertanginik tamainik.

Jesaiase 43:2

Imaᴋsoarnik ikâruvit, illaginiarpagit, kôksoarniglo (ikâruvit) ippititauniangilatit taipkonunga; ikkomakut ingergaguvit, õtauniangilatit ikkoaladlarninganullo ikkitauniangilatit.

Jesaiase 44:26

Kivgamale oᴋausinginik nallautsititsijunga, tillijamalo kajusimautigijanginik nãmaksititsijunga, Jerusalemullo oᴋartunga: Inuᴋalerit! Jûdablo iglugasaksoanginut: Igloᴋaleritse! asserorsimajuniglo tagvane âᴋiksoivunga.

Jesaiase 55:11

Taimailingagivoᴋ oᴋausera ᴋanimnit annijoᴋ. Sullinane uttertuksaungilaᴋ uvamnut, idluarijakkale piniaraksarivait, nãmaksititaksarivlugolo, suna pivlugo tilligapko.

Mattêuse 1:23

Ahâk, uigasuk singaijomârpok, ernermiglo ernijomârlune, Immanuêlemiglo atseraromârpât, atingata tukkinga imaipok: Gûde uvaptingnêtok.

Lukase 1:28

Engeliblo itervigivâ oᴋarlune: Salutitaulerit saimartitaujotit! Nâlekab illagivâtit, anerijaunerojotit arnanit tamainit.

Lukase 1:80

Nutarârsuglo aglisilerpok, sangidlalarmelo anernerme, inuᴋangitomêdlunelo, sakᴋerviksanga Israêlib kinguvânginut neliutilerᴋârtinago.

Lukase 2:40

Nutarârsugle aglisikpok, pitsartudlarlunelo anernerme, silatuvaksoadlalarmelo, Gûdiblo saimaningata najorivâ.

Lukase 2:52

Jêsuselo silatulerpalliadlarpok, inumariolerpalliavlunelo, saimaneksivalliavlunelo Gûdeme inungnelo.

II Korintemiunut 13:11

Tagva, ᴋatangutikka, ᴋuviasugitse, nâmaksiniaritse, manigortigêgitse, adsigêktomik issumaᴋaritse, ullapirsauteᴋaritse; taimâk naglingniktub ullapirsaijublo Gûdib illaginiarpâse.

Deuteronomy 18:22

Nelautaijok oᴋarpat Nâlekab atingane, oᴋautigijanga nelautsingipat maliktokangipallo, tamannauvok Nâlekab oᴋautigisimangitanga; nelautaijûb iktoriktaivlune oᴋautigimavâ, ileragijaksaringilaselo.

II Timôteusemut 4:22

Nâlekab Jêsusib Kristûsib anernît illagiliuk! Saimarsautib illagilise! Amen. Timôteusemut aglait aipangit aglaktaumavut Rômame, Pauluse aipânik sakᴋertitaugame ataniviksoarmut Nêromut.

Josua 21:45

Kingomajaujoᴋalaungilak ajungitut illanganiglonêt, Nalekab oᴋauserilauktangita Israelib iglomioᴋottinginut; ᴋailaukput illunatik.

Idluarsaijut 13:24

Arnablo ernek erniariva, atserarpâlo Simsonemik. Nukapiarlo aglisivalliavok, Nâlekablo saimarpa.

I Samuel 10:7

Nallonaikutat tamakkoa mana tikkiviginiarpattit, tagva pinniarit pitjuteᴋarniarlutit piniarungnartarnik; Gudib aipariniarmattit.

I Samuel 12:2

Mannalo ahâk, tagva attanipse sivorlervigivâse. Uvangale îtomavunga ᴋêrtolarmalo, ernîkalo akkonapsingnêpuk, uvangalo sivurlervigilaukpapse innuosungnimnit uvlok tamanna tikkilugo.

I Samuel 16:18

Tagva nukapitset tapkoa illangat kiovok, oᴋarlunelo: Ahâk, takkolaukpara Isaib Bethlehemiub erningita illangat, tamna nokakseralingmik attutsiarungnarpok, anguteôjok erᴋinaitok, sorsugungnartok, sillatôjorlo sunatuinarne, pinnarnartorlo, Nalekablo illagiva.

I Samuel 18:12

Sauliblo Davide sivurajutigiva; Nalekab illagingmago, Saulemille nusimalaukpok.

I Samuel 18:14

Davidelo sillatôjomik illuseᴋarpok pinniarnermine illunaine, Nalekablo illagiva.

I Samuel 18:5

Davidelo aularᴋattarpok namut tillijauvingminut Saulemut, sillatojomiglo illuseᴋarlune. Sauliblo angajoᴋangortipa sorsuktuksaksoaᴋattigênut; namagijauvorlo innuksoarnut illunainut, Sauliblo kivganginuttauk.

I Samuel 2:21

Nalekab Hanna nallipsarpa singailerᴋovlugo, ernilunelo ernernik pingasunik, panningniglo maggungnik. Samuelele nukapiak aglivalliavok Nalekame.

I Samuel 2:26

Nukapiarle Samuele aglisivok, ᴋuviagijaulunelo Nalekamut innungnullo.

I Samuel 9:6

Tamnale oᴋarpok: Ahâk, pittaᴋarpok iglugasaksoarne tapkonane, Gudib anguteᴋotinganik, oᴋausiovaktomik; oᴋausingit illunaita nallautsivut. Manna tagvungarlauluk; tapsoma apᴋut attoriaᴋartavuk oᴋautiginiarpallaiva uvaptingnut.