I Samuel 28:3 - Labrador Inuttitut Heritage Bible

³ Samuelele toᴋᴋolaukpok, Israelitillo illuêngardlutik oggurilaukpât, illijartorlaukpâllo iglugasaksoaᴋotingane Ramame. Sauliblo nallautainerluktut angakullo pêjarlaukpait nunamit.

I Samuel 28:3 Iomraidhean Croise

Exodus 22:17

Atâtangatale panine ᴋippilûtigimarikpago tâpsomunga, taimna akilêjuksauvok kênaujanik, sorlo uigasuit patangaititaujuteᴋariaᴋarningititut.

Exodus 22:18

Arnak angakkok inôrᴋojaksarilungilat.

Leviticus 19:31

Sanguniarase torngaᴋuteᴋartunut angakonullônêt; ᴋenerniarase taimaitunik sujuktaudlalârapse tâpkonunga; Uvanga Nâlegauvunga Gûdise.

Leviticus 20:27

Angullo arnarlônêt anernekullulik angakôjorlônêt, toᴋotaudlartuksauvok; miloraksarivase ujarᴋanut; autik tâpkonanêtuksauvut.

Leviticus 20:6

Inuglo sangujok anernekullulingnut angakunullônêt ajortuliᴋatigijomavlugit, inungmut tâpsomunga ila kênara sâtitsomavara, pêjaromavaralo inôᴋatime akornganit.

I Samuel 15:23

Nalanginek angakokterniôngmat, akkerartornerlo kivgartorniôvok Gudeungitunik, Gudingoaniglo. Mannalo Nalekab oᴋausingit singalukogilaurangne, tapsoma singalukogilaurivâtit attannioᴋonak Israelitinut.

I Samuel 25:1

Samuelelo toᴋᴋovok, Israelitillo illunamasiatik kattimalerput oggorilugolo, illijartorlâllo iglungane Ramamêtome. Davidele parngnailerpok, attersarlunelo Paranib sunaᴋajuitunganut.

I Samuel 28:9

Arnak oᴋarpok tapsomunga: Ahâk, ᴋaujimagalloarpotit Saulib pinniarnerilauktanginik, ᴋannok nallautainerluktut angakullo pêjarlaungmagit nunamit; sôgle tagva tarniga pititsomaviuk nullutsanut toᴋᴋotauᴋovlunga?

I Samuel 7:17

Uttilerivok Ramatemut, iglunga tagvanelaungmat, tagvanelo idluarsarpait Israelitit, sannalunelo tagvane Altaremik Nalekamut.