I Samuel 23:1 - Labrador Inuttitut Heritage Bible

¹ Davidelo oᴋautsaulerpok: Ahâk Filisterit Kegilamiut sorsugvigilerpait, aksarnigarilugillo ᴋakᴋojaksalliorvingit.

I Samuel 23:1 Iomraidhean Croise

Daniel 2:35

Tagva kikiaᴋ, maggarlo, ᴋaᴋorlilo, silbirilo, goldilo atautsikut sikalijaudlarput, ililutiglo iviksukatitut siᴋalijaumajutitut katjugvingmut aujarmi; annoriblo tiktautipait, ᴋikarviksairutivullo; ujaraᴋlo, inungoab annaunitinga ᴋaᴋᴋaᴋsoangorpoᴋ nuna nâmavlugo.

Leviticus 26:16

Uvangatauk imailiorvigijomavapse: kapianadlartok tikititsomavara ilipsingnut, uvinêrutinek ôlingnartorlo, ijinik asseroijok, tarnemiglo ilungôtitsijok; sulinaselo perorsijaksase karngasulârpase, ômigijipse nerᴋiksarilârmagit.

Migga 6:15

Karngasoijomârpotit, katersoiniangilatille; paungat orᴋsuliksat tukkaromârpatit, mingoarniatsangilatille ilingnik orᴋsumut; paungallo vaineliksat tukkaromârpatit, vainetorniangilatille.

Deuteronomy 28:33

Nunavît paungangit, senajatillo tamaita inôᴋatigêksuit ilitaringitavît nungulârpait; oᴋumaiksartitautsainalârpotillo, semiktautsainarlutillo;

Deuteronomy 28:51

Nergjuteᴋotivîllo paungangit, nunavîllo paungangit nerrijomârpait, nungutauᴋârtinak; amiakoᴋartitsomângilâtillo senaugaksanik, vainemiglônêt, orᴋsumiglônêt, tuktuvaᴋotivîllônêt unuksininginik, saugakotivîllônêt piaranginik, nungutsiᴋârtinago ilingnik.

Josua 15:44

Kegila, Achsibe, Maresa. Tagva iglugasaksuit 9 it iglugasaingillo.

Idluarsaijut 6:11

Nâlekablo Engelingita illangat ᴋaivok ingilunelo Eichit (nappartut) illangata Oframelauktut atânut, perᴋutaulauktub Joasemut, Esriterit atâtanganut, erningalo Gideon Weizinik katjulaukpok iptêjaivingme, ᴋemâᴋovlugo Midianiterinik.

Idluarsaijut 6:4

Tangmarlutiglo akkerartorlugit, perortullo nuname ilûnaita asserorpait, Gaza tikkilugo, amiakoᴋartitsilaungilello nerᴋiksamik sunamiglonêt Israeleme, saugamiglonêt, tuktuvangmiglonêt, siuteᴋoktojomiglonêt.