I Samuel 22:2 - Labrador Inuttitut Heritage Bible

² Angutillo sunatuinait, kappianartomêlauktut, akkiliksaᴋartullo, omatteᴋartullo kiksartunik, kattimalerput tapsomunga, tamnalo angajoᴋagivât; angutillo 400 diokassait tapsomanelaukput.

I Samuel 22:2 Iomraidhean Croise

II Samuel 17:8

Husailo oᴋapsarivok: Atâtait illitaritsiaralloarpat, innuᴋotingillo sôngojoksôngmatta, ningaumajadlarmattalo issumamikut aklatut piarᴋaminik aksartaumajotut natername; tamannalo tappilugo atâtait angutiôvok unatadlarnermik sungiusimajok, siglotoniangilarlo innugatsuit illagellugit.

II Samuel 5:2

Taimaglotauk mattoma sivurngane Saule attanniotillugo uvaptingnut, igvit Israelitit aulartilugillo ittertilaukpattit. Nalekablo oᴋautilaukpâtit: Igvit innuᴋotikka Israelitit pairijaksarivattit attaniojuksaulutillo Israelitinut.

II Atannit 20:5

Utterit, Hiskialo inuᴋotima atanningat oᴋautiuk: Imâk Nâlegak atâtavit Davidib Gûdinga oᴋarpok: Tuksiarnit tussarlaukpara, kugvitillo takkolaukpakka. Ahâk, pijungnaititsomavagit; uvlut pingajuane majorarlutit takpaungalârpotit Nâlekab iglunganut;

II Atannit 4:1

Nallautaijullo erningita nulliangita ilangata Elisa nipliutiva oᴋarlunelo: Kivgait, uiga toᴋungavok, ᴋaujimavotillo, kivgavit Nâlegak sivoragilaungmago, mannalo akkiliksaᴋarvinga tikkipok ᴋitorngâka tigujomavlugik, kivgangortitsomavlugiglo ingminut.

Salomob Okâl 31:6

Sutêrtuksat tunitsivigissigik imiksamik pitsartojomik, Weinemiglo ommatigit kiksartunik.

Mattêuse 11:12

Johannesible baptiterijub uvlungita kingorngatigut, sulle tagvunga, nâlegauvik ᴋilangmêtok aᴋsorôtjauvok; tâpsomingalo aksorôtjijut, amualerpât ingmingnut.

Mattêuse 11:28

ᴋaititse uvamnut tamapse, ajulertose kappiasuktoselo, nakoᴋsititsomavapse.

Ebrêerinut 2:10

Pijariaᴋalaungmat Gûdemut (tamaitaᴋsuit tâmna pivlugo ingmatta, tâpsomungalo tamaitaᴋsuit pingmatta) âniatitaunermut nâmaksititsomavlugo tâmna ᴋitornganik unuktunik ânanaunivingmut pititsijoᴋ, tâpkoalo piulijigiangat Nâlegaᴋ.

Idluarsaijut 11:3

Tagva ᴋemâvok ᴋatangutiminit, nunaᴋalunelo nuname Tobemik atelingme. katimavullo tapsomunga inuit uivêtut aularᴋattigilugolo.

Idluarsaijut 18:25

Danible ᴋitorngangita oᴋautivât: Nippît Tusartauᴋoniarnago uvaptingne, opaktauᴋonnak angutinut ningartunut; tarnit, iglomioᴋattivillo tarningit pêjartauᴋonagit.

I Samuel 1:10

Tamnalo omamut kiksadlalaukpok, tuksiarporlo Nalekamut, ᴋugviorlunelo.

I Samuel 22:3

Davidelo aularpok tagvangat Mizpemut Moabiterit nunanganêtomut, oᴋarlunelo Moabiterit attaninganut: Atâtaga anânagalo itterlit annilillo illipsingne, tukkisilerᴋârtinanga sumik Gudib pinniarvigijomârmangmânga.

I Samuel 23:13

Tagva Davide parngnailerpok, anguteᴋotine illagellugit 600 diolauktut, aulârlutiglo Kegilamit, agvertarlutiglo namut sappingitamingnut. Saule manna oᴋautsaulerame Davide Kegilamit annigoilermat, aularane nokᴋangalerpok.

I Samuel 25:13

Tagva Davide anguteᴋotiminut oᴋarpok: Illunase attunit saviksoase tapseruserutigisigik makkitipsingnut. Illunatiglo saviksoatik tapseruserpait. Davidelo tapseruserpok saviksoaminik makkitiminut, angutillo 400 dit aularlutik mallikpât takpaunga; 200 dille paivut perᴋutine.

I Samuel 30:6

Davidelo angijomik kappiasulaukpok, inugatsuit milloromangmatsuk, innugatsuit illunatik tarningit annulaungmatta, nalliat ernine panninelo pivlugit. Davidele pitsartutipok ingminik Nalekame Gudimine;

I Samuel 9:16

Kaupat nalliutome tamattomane, angut Benjaminib nunanganit pijok, tillijomavara illingnut; tamna mingoarlugo attaningortitaksarivat innuᴋotimnut Israelitinut, innuᴋotimnik piuliklerᴋovlugo Filisterit agganginit. Innuᴋotikka takkonârlaurapkit, nipliarningillo tikkisimavut sâmnut.