I Samuel 21:7 - Labrador Inuttitut Heritage Bible

⁷ Uvlormele taipsomane anguteᴋalaukpok ᴋamane palangairutsaumajomik Nalekab sângane, Saulib kivgangita illanganik, Doegemik attelingmik, Edomitereôjomik, angajoᴋaunerôjomik Saulib mianerijoᴋotinginit.

I Samuel 21:7 Iomraidhean Croise

Genesis 26:20

Mianersijulle Geraremiut akkerartorpait Isaab kivgangit, oᴋarlutiglo: Uvagut imeᴋ tâmna perᴋutigivavut. Tamanna pivlugo puilavik tâmna Esekemik taivâ, aivautigingmatsuk tâmna pitjutigivlugo.

I Kronika 27:29

Tuktuvângnut Saroneme iviksukatalingnêlauktunut Sitra Saronemiok angajoᴋaulaukpok. Tuktuvângnulle naksarnêlauktunut Safat Adlaib erninga angajoᴋaulaukpok.

I Kronika 27:31

Sauganut Jasise Hagaritereôjok angajoᴋaulaukpok. Tapkoa ilûnatik angajoᴋaulaukput atanniub Davidib perᴋutinginut.

II Kronika 26:10

Igloksuillo avaluliorsimajut igloliorsavait sunaᴋajuitome, aggarlunelo immektarvingnik unnuktunik, nergjuteᴋalaurame unnuktunik naksarne, naternanelo; perorsaijoᴋuteᴋalaurivok perorsêvingne, ᴋaᴋᴋanelo Weineliksalingne, ᴋarmelemelo; perorsainek ᴋuviasutigigamiuk.

Hesekiel 33:31

Ilingnôrpullô inugiartoᴋsuit iluserijangat maliklugo, ingipullo sângne sorlo inuᴋotikka, tusarpullo oᴋauserijarnik, piniarnagille; ᴋanermingnut saᴋᴋêgamik unganersoarmik, ômatingille pijomatudlarnermut torârput.

Leviticus 22:10

Takorngartak nerrijuksaungilak ivsornaitomik. Ajoᴋertuijûb najortigijanga kivgangalônêt attartugak nerrijuksaungilak tunergutinik ivsornaitunik.

Leviticus 22:13

Ajoᴋertuijûble paninga uigarniokpat, avitaumakpallônêt uigilauktaminit, ᴋitorngaᴋangipallo, utersimakpalle atâtame iglunganut, sôrlo inôsungnermine, tâmna nerrijuksauvok atâtame nerᴋiksanganit; takorngartable nerriᴋatigijaksaringilâ.

Leviticus 24:5

Sanaugatsiarmiglo tigusijuksauvotit ᴋakᴋôjaliorlutillo 12nik tâpsomangat; efab tallimaujûgik maggûk ᴋakᴋôjarmut atautsemut ilingajuksauvuk.

Leviticus 24:8

Sabbatine tamaine âᴋiksoraksaritsainarpait Nâlekab sângane; angiᴋatigêngniovok soraijuitok Israêlib ᴋitorngangit pivlugit.

Amos 8:5

Oᴋarluse: ᴋanga takᴋêlak ᴋângersimaniarᴋâ, aulaijungnarᴋovluta sanaugaksanîk? Sabbatelô, saᴋᴋijârtitsijungnarᴋovluta senaugaksanîk? Oktût efa miklilitilugo, kênaujarlo sekele akkitunersautilugo, nalâgôngitomiglo piniarluta kiktitautinut nalautsilungitunut;

Mattêuse 15:8

Inuit ukkua ᴋanermingnut tikipânga ᴋangasinâmingnullo nertorpânga, ômatingitale ungasikpânga.

I Samuel 11:5

Ahâglo, tagva Saul perorsêvingmit pivok tuktuvait kingornganêdlune, oᴋarlunelo: Inuksuit sujut, ᴋêadlarmatta taimak? Tagva Jabesemiut angutingita, illinganinginik unipkautivât.

I Samuel 14:47

Saulible Israelib nalegauvinga tigujarêramiuk, omigijine illumajine illunaita sorsugvigilerpait, Moabiterit, Amonib kittorngangit, Edomiterit, Zobamiut attaningat, Filisterillo; sanguvingminelo illunaine sugiarnermik pititsivok.

I Samuel 21:8

Davidelo Ahimelechemut oᴋarpok: Mâne aggangne kapputeᴋangilâk saviksoaᴋangilârlonêt? Saviksoara sakkukkalo neksarlungilakka; attaniub perᴋojangit tuavinarlaungmatta.

I Samuel 22:10

Taipsoma Nalegak apperilaukpa pivlugo, tunnitsivigilâlo nerᴋiksanik, Goliathiblo Filistereôjub saviksoanganik.

I Samuel 22:22

Davidele Abjatharemut oᴋarpok: ᴋaujimalauralloarpunga uvlorme taipsomane Edomiok Doeg tagvanêlaungmat, Saule tamattominga okautiniarajarmago: Uvanga passijaksauvunga atâtavit iglomioᴋattingita tarninginut tamainut.

I Samuel 22:9

Tagva Doeg Edomiok, Saulib kivgangita sanniane nangertok kiovok oᴋarlunelo: Isaib erninga takkolaukpara, Nobemut Ahimelechemut, Ahitob erninganut tikkilaungmat.