I Samuel 20:13 - Labrador Inuttitut Heritage Bible

¹³ Tagva Nalekab Jonathane pinniarvigiliuk imaitomiglonêt, imaitomiglonêt. Atâtamale idluitok namagikpago pivlutit, tagva ᴋaujititauᴋojomagivara siutingnut, ᴋemâlutillo ullapirsauteᴋarlutit aularᴋovlutit. Nalekablo illagilitit sorlo atâtaga illagilaungmago.

I Samuel 20:13 Iomraidhean Croise

II Samuel 19:13

Amasamullo oᴋaleritik: Sauneᴋarᴋattigingilagit uvineᴋarᴋattigingilagillo? Gudib imâglo imâglo pinniarvigilinga, angajoᴋaksoangojuksaungikuvit sorsuktuksaᴋattigêksoarnut sâmne, Joabib iningane, innôtsit nâlugo.

II Samuel 3:35

Innugatsuit illunatik manna ittermatta Davide nerriᴋattigijomavlugo uvlomariktillugo sulle, Davide angermarikpok, oᴋarlunelo: Gudib imâglonêt imâglonêt pinniarvigilinga, ᴋakᴋojaktoruma, sunamiglonêt ôksiguma seᴋᴋinek nippilerᴋârtinnago.

II Samuel 7:15

Napkiningnerale pêrtaujuksaungilak taipsomangat, sorlo pêrlaurapko Saulemit, sivunerne pêjarlauktara.

I Atannit 1:37

Sorlo Nâlekab Nâlegara aiparilaungmago, taimâk Salomotauk aipariliuk, iksivautanga anginersauᴋovlugo Davidib iksivautanganit.

I Atannit 19:2

Tagva Isebele tillijaksamik tilliklerpok Eliamut, oᴋautsauᴋovalo: Gûdit immâglonêt, immâglonêt, pinniarvigilinga, ᴋaupat nelliutome tamattomane inôtsit pinniarvigilungikupko, taipkoa attunît inôsingititut.

I Atannit 20:10

Tagva Benhadad tilliklervigiva oᴋautsauᴋolâlo: Gûdit imâk, imâglo piniarvigilinga, Samariab sanningit namaktuksaulerpatta, inugasaksuit malliktut uvamnik attunit tigumiarᴋamik piᴋovlugit.

I Kronika 22:11

Mânna Nalekab aiparilitit ernîk, sullitsiarᴋovlutit Nalekab Gûdivit igluksanga igluliorlugo piᴋovlutit, sorlo oᴋautigilaungmattit.

I Kronika 22:16

Golde, Silberelo, ᴋannujarlo, kikkierlo, kittiksaungilet. Parngnailerit tagva sanalugolo; Nalekab aipariniarpâtit.

Mattêuse 28:20

Ajoᴋertorsigiglo malerᴋovlugit tamainik perᴋojamnik ilipsingnut, Ahâglo, uvlut tamaita najutsainarniarpapse, silaksûb naggatânut.

Filippimiunut 4:9

Illinialauᴋtase, illaliulauᴋtaselo, tussalauᴋtaselo, takolauᴋtaselo uvamnit, tamakkoa piniarsigik; tagva Gûdib ullapirsaijub illaginiarpâse.

Josua 1:5

Kialonêt akkerartoraksaringilâtit inôsingne tamât. Sorlo Mosese aiparilaurapᴋo taimak aiparijomavagittauk. Kemagomangilagit aularviginaglonêt.

Ruth 1:17

Tokᴋoniarvingne, tagvane tokᴋoniarivunga, tagvanelo illijartortaujomagivunga. Nâlekab imâk imâglônêt pinniarvigilinga, tokᴋûb avititaksarivâtiguk.

I Samuel 10:7

Nallonaikutat tamakkoa mana tikkiviginiarpattit, tagva pinniarit pitjuteᴋarniarlutit piniarungnartarnik; Gudib aipariniarmattit.

I Samuel 14:47

Saulible Israelib nalegauvinga tigujarêramiuk, omigijine illumajine illunaita sorsugvigilerpait, Moabiterit, Amonib kittorngangit, Edomiterit, Zobamiut attaningat, Filisterillo; sanguvingminelo illunaine sugiarnermik pititsivok.

I Samuel 17:37

Davidelo oᴋarpok: Nalekab piulilauktima Loewemit aklamillo, tapsoma piuliniarivângatauk Filisteremit omangat.

I Samuel 18:12

Sauliblo Davide sivurajutigiva; Nalekab illagingmago, Saulemille nusimalaukpok.

I Samuel 19:3

Annijomavungale atâtagalo nangerᴋattigijomavara natername innigijarne, pivlutillo atâtaga oᴋarᴋattigijomavara, takkoniartamniglo nellojungnaititsomavagit.

I Samuel 20:12

Jonathanelo Davidemut oᴋarpok: Nalegak Israelib Gudinga, atâtaga issumasiorupko ᴋaupat uvluglo pingajuangne, ᴋannoêngitokarpallo Davide pivlugo, tilliklerlungikumalo, tamanna ᴋaujititauᴋovlugo siutingnut;

I Samuel 20:14

Taimailiorlungikuma, tagva Nalekab napkigosungninganik pinniarviginiarnanga innôtillungalonêt toᴋᴋotillungalonêt.

I Samuel 25:22

Gudib tamattominga, anginersamiglo Davidib omigijingit pinniarvigiligit, taimna ᴋaulerᴋârtinago amiakoᴋarᴋogupko attautsemik innungmik omajomiglonêt, perᴋutinginit pigijanginit tamainit.

I Samuel 3:17

Tamna oᴋarpok: Oᴋausek oᴋauserijaumajok illingnut sunauva? Illangallonêt angiariniarnago uvamnut. Gudib imâglonêt imaglonêt pinniarvigilitit, oᴋautigijaumajut illanganik angigutjivigigumga.