I Samuel 2:36 - Labrador Inuttitut Heritage Bible

³⁶ Amiakojullo iglungnit ᴋaijomârput, pamakteromârlutiglo taipsoma sângane, kênaujârsuk niaᴋajârsuglo pivlugik, oᴋaromârpullo: Nagliktara, ajochertuijub ikkupianganik peᴋalaulanga nerrijungnarᴋovlunga niaᴋojârsungmik.

I Samuel 2:36 Iomraidhean Croise

I Atannit 2:27

Taimâk Salomob ajuᴋertuijok Abjathar ajuktorpa, ajuᴋertuijokonnago Nâlekamut, nellautsiᴋovlugit Nâlekab oᴋausingit, oᴋauserilauktangit Elib iglomiokotingit pivlugit Silome.

II Atannit 23:9

Pôktôjulle ajochertuijungit tunnergutinik tunnijilaungilet, Nâlekab Altarekotingane Jerusalemêtome, nerrivulle ᴋakᴋojanik sêrnaᴋangitunik kattangutimik akkorngane.

Salomob Okâl 14:19

Idluitut okᴋungajuksauvut ajungitut sânginne, Gûdeᴋangitullo idluartut itterviksoangine.

Mâlaki 1:13

Oᴋarposetauᴋ: Merngortornadlarpoᴋ ilâ! Suglugivaselo, oᴋarpoᴋ Nâlegaᴋ Zebaot; ᴋaitsivoselo aᴋsârnigaujunik, tusiaktuniglo, ᴋanimajuniglo; tunergutiksanik taimaitunik ᴋaitsivose; ᴋuviaginiarpakkâle taimaitut aggapsingnît? Oᴋarpoᴋ Nâlegaᴋ.

Idluarsaijut 17:10

Michable oᴋautiva: Uvamnêtsainarit, atâtaujuksauvotit uvamnut, ajuᴋertuijojuksaulutillo uvamnut; Jârine tamaine tunnitsivigijomavagit Silberlingnik 10 nik, annoraksarniglo, nerᴋiksarniglo. Levitelo taimak tagvunga pivok.

I Samuel 2:35

Uvangale erniangotitsijomavunga ajochertuijomik nertornartomik, tamna pinniartuksauvok ᴋannok omattima tarnimalo namagijaunigingnik; tapsomungalo iglolioromavunga iglomik soᴋᴋosijuitomik, agvertarᴋovlugo sorairane saimartitama sângane.

I Samuel 3:1

Nukapiarlo Samuel kivgartortillugo Nalekamik Elib sângane, Gudib oᴋausingit pittaisalaukput nallautainêsalauklunelo.