I Samuel 2:35 - Labrador Inuttitut Heritage Bible

³⁵ Uvangale erniangotitsijomavunga ajochertuijomik nertornartomik, tamna pinniartuksauvok ᴋannok omattima tarnimalo namagijaunigingnik; tapsomungalo iglolioromavunga iglomik soᴋᴋosijuitomik, agvertarᴋovlugo sorairane saimartitama sângane.

I Samuel 2:35 Iomraidhean Croise

II Samuel 7:11

Nalliutomillo taipsomangamit idluarsaijunik pititsilaurama innuᴋotimnut Israelitinut; merngoêrsernermiglo tunnitsivigijomavagit omigijingnit illunainit. Nalekablo nallojungnaitipâtit, Nalekab igvit iglomik iglolioromangmattit.

II Samuel 7:27

Igvit Nalegak Zebaoth Israelitit Gudingat, kivgavit siutinga angmarpat oᴋarlutillo: Uvanga iglomik iglulioromavagit. Tamanna pivlugo kivgavit omattine nachvarpa, tuksiarnerit tamakkoa tuksiarutigilugit illingnut piᴋovlugo.

I Atannit 1:45

Ajuᴋertuijublo Zadoᴋib nellautaijok Nathan aiparilugo mingoarlaukpa ataningortilugo Gihoneme, majorarlaukpullo tagvangat ᴋuviasuklutik, iglugasaksuit aulajadlarmatta; tamânnauvok nipliadlarnek tusarlauktasse.

I Atannit 1:8

Zadoᴋible ajuᴋertuijub, Benajablo Jojadab erningata, Nathaniblo nellautaijub, Simeiblo, Reiblo, Davidiblo sôngojokotingita Adonia illigilungilât.

I Atannit 11:38

Nâletsiarniaruvillo mânna tamainik perᴋoniartamnik illingnut, agvertarniaruvillo apᴋosinimne, pinniarlutillo ᴋuviagijamnik, idluarijakka perᴋojakkalo malliklugit piguvit, sorlo kivgara Davide pinniarlaungmat; tagva aiparijomavagit, iglolioromavlutillo soᴋosijuitomik, sorlo Davide igloliorlaurapᴋo, tunnitsivigijomavlutillo Israelemik;

I Atannit 2:35

Atanniublo Benaja Jojadab erninga angajoᴋangortipa sorsuktuksanut, taipsoma inninganut; Zadokelo ajuᴋertuijok, atanniub pitipa Abjatharib inigilauktanganut.

I Kronika 29:22

Nerrivullo immerlutiglo uvlorme taipsomane Nalekab sângane ᴋuviasuvaksoadlarlutik. Salomolo Davidib erninga atanningortipsarpât, mingoarlugolo atanningortipât Nalekamut, Zadokelo ajuᴋertuijersoangortipât.

Imgerut 18:50

Attanneᴋotiminut piulijauneᴋartitsijok angijoksoarmik, ajungitullijorlo mingoartitaminut Davidemut, tâpsomalo kinguvânginnut soraijuitomik.

Imgerut 2:2

Attannersuit nuname akkerartorput, nâlekallo ᴋachimiokattigêlerput, Nâlegak mingoartangalo akkerartorlugik.

Exodus 1:21

Ernisuksêjullo Gûde sivôragingmatsuk, kinguvâᴋartipait unuktunik.

Hesekiel 34:23

Mianersijuksarlo atausiojoᴋ tâpkonunga makititsomârpara, tâpsomalo nerripkalârpait, tagva kivgara Davide; tâpsoma nerripkalârpait, mianersijuksauvorlo tâpkoninga.

Numbers 25:13

Tâpsomungalo kinguvânginullo angerniolârpoᴋ ajoᴋertuijônermik soraijuitomik; ilungertudlarlaungmat Gûdine pivlugo, Israêlikullo ulapᴋosilaungmagit.

Ebrêerinut 2:17

Tamanna pivlugo ᴋatangutine ilûnâne adsigijariaᴋalauᴋpait, nâpkigosulerdlune, nelâgortomiglo ajoᴋertuinerôlerdlune Gûdib sângane, inuit ajorningit issumagijaujungnairᴋovlugit.

I Samuel 10:10

Kakᴋarulângmullo tapsomunga tikkimanik, ahâk, tagva nallautaijut kattimgajut pârpât; Gudiblo Anerningata tikkivigiva, nallautailerporlo tapkoa akkorngane.

I Samuel 10:9

Tunnulermallo, Samuelemit aularomavlune, Gudib omamik assianik tunnitsivigiva, nallunaikutallo taipkoa illunatik tikkilaukput uvlorme taipsomane.

I Samuel 12:3

Ahâk, manêpunga akkerartorlunga kiogisinga, Nalekab tapsomalo saimartitangata sângane, kia tuktuvaᴋotinga, siuteᴋoktojoᴋotingalonêt tigulaungmangapkik? kina aksorornermut aksarlaungmangapko, idluitullivigilaungmangapkolonêt? Kialonêt agganginit pilliusiamik tigusilaungmangarma, ijikalo takpêtitauᴋolaungmangapkik? Tagva uttertitsomavara.

I Samuel 16:13

Tagva Samuelib naksuᴋotine orksuktalik tiguva, mingoarpâlo ᴋattangutingita akkorngane. Nalekablo Anerningata Davide tikkivigiva uvlormit taipsomangamit kingornganelo. Samuelele parngnailerpok, ailunelo Ramamut.

I Samuel 2:36

Amiakojullo iglungnit ᴋaijomârput, pamakteromârlutiglo taipsoma sângane, kênaujârsuk niaᴋajârsuglo pivlugik, oᴋaromârpullo: Nagliktara, ajochertuijub ikkupianganik peᴋalaulanga nerrijungnarᴋovlunga niaᴋojârsungmik.

I Samuel 25:28

Kivgait issumagijungnaivigiuk idluitullinermik tamattominga. Nalekab nalegara sannaviginiarmago iglomik soᴋᴋosijuitomik, Nalekab unatadlarninginik aulatsigavit; idluitomiglo nachvartoᴋarniarane illingne, innôtsit nâlugo.

I Samuel 3:1

Nukapiarlo Samuel kivgartortillugo Nalekamik Elib sângane, Gudib oᴋausingit pittaisalaukput nallautainêsalauklunelo.

I Samuel 7:9

Samuele sangârsungmik amâmaktomik tigusivok, Nalekamut tunnergutiksamik ôtaksamik illuitomik tunnijilune, nipliarlunelo Nalekamut Israelitit pivlugit; Nalekablo tussarpâ.

I Samuel 8:3

Ernigigle agvertarlaungilâk tapsoma apᴋotigijangane, sangulerpugle pijomatudlarnermut, tigusilutiglo pilliusianik, idluarsainerlo attornerlukpâk.

I Samuel 9:12

Tapkoa ᴋiovakit oᴋarlutiglo: Ahaila, ahâk, tagvanêpok; tuavilerit, uvlome iglugasaksoarnut tikkisimavok, innugatsuit uvlome tunnergutinik tunnijijomangmatta ᴋakᴋarolângme.

I Samuel 9:13

Iglugasaksoarnut tikkileruptik neniniarpattik, ᴋakᴋarolângmut majorarᴋârtinago nerrijomavlune. Innuksuit nerriniangimatta tikkiᴋârtinago; tapsoma tunnergutiksak tuksiarutigiᴋârmago, kingorngane ᴋaiᴋojaujut nerrivut. Taimaimat majoraritik, manna naipiniaraptiko.