I Samuel 2:25 - Labrador Inuttitut Heritage Bible

²⁵ Kina idluitullikpat innungmut, tagva idluarsaijok âᴋiksoijungnarpok tamattominga. Kinale idluitullikpat Nalekamut, kia tuksiarutigijungnarᴋaûk? Nalelaungilâgle atâtamik nippinganik; Nalegak kajusilaungmat toᴋᴋotsomavlugik.

I Samuel 2:25 Iomraidhean Croise

Genesis 38:10

Taimailiorninga ajortôngmat Nâlekab sângane, tâmnatauᴋ toᴋopâ.

Genesis 38:7

Kissiane Judab erninga angajukleᴋ ajortôvoᴋ Nâlekab sângane, taimaimat Nâlekab toᴋopâ.

I Atannit 8:31

Kina idluitullilerangat inuᴋatiminut, kigligiksartuksaugunelo angermariktuksaugunelo, taimaimat sorlo oᴋarame angermaringnerlo âtaulerpat Altareᴋotivit sânganut, iglome omanetub;

I Atannit 8:32

Tagva igvit tusalaurit ᴋillangme, pinniarlutillo, Erᴋartorlugillo kivgatit, uivêtok pasijaksaunerarlugo, agvertarningalo pitilugo niaᴋunganut; idluartorlo idluartonerarlugo, tunnitsivigilugolo idluarninga malliklugo.

II Kronika 10:15

Taimaglo attanniub innugasaksuit nalalaungilait. Gudemut taimak illingatitaungmat, Nalegak oᴋautsiminik nallautsititsiᴋovlugo oᴋauserilauktaminik Ahiakut, Silomioᴋut Jerobeamemut Nebatib erninganut.

II Kronika 25:16

Oᴋarᴋattigingmagolo (Amaziab) oᴋautiva: Igvit attannertuijungortitaumavit attannermik? Nippangerit. Sunna pivlugo annaulertaujomavit? Tagva nallautaijok nokᴋarpok, oᴋarlunelo: Mallugosukpunga, Gude kajusimangmat asseroromavlutit, taimailioravit attannertuineralo nalanginangne.

Hiobe 9:33

Akkongaptingne pijitserteᴋalungilak namaksêjomik, aggangminik illijijomik tamaptingnut.

Imgerut 51:16

Tunnergutit ᴋuviaginginangne, taimainajarpat taimaitunnik tunnitsivigijomagalloarpagit; tunnergutillo ôtaksat namagingilattit.

Imgerut 51:4

Illingnut kissiane ajortullilaukpunga, idluitullilarmalo sângne, igvit idluatsainarᴋovlutit oᴋauserne ivsornaitsiarᴋovlutillo erᴋartortauguvit.

Salomob Okâl 13:1

Ernek ilisimajok Nâlektitaunermik atâtaminut ᴋunulungilak; mitauteᴋartorle inertertaunermik nâlengilak.

Salomob Okâl 15:10

ᴋemainerub apᴋosinermik pitlartaunek songojok ᴋaipa, pitlartaunermiglo omisuktok, toᴋojuksauvok.

Salomob Okâl 29:1

Kunujok pitlartaunermik, tamna tagvainak asseroromârpok, ikajortauneᴋarane.

Okaluktok 3:3

Tokᴋotsinek, inûliklernek nelliuneᴋarpok; serᴋomitsinek, igluliornek nelliuneᴋarpok.

Numbers 15:30

Inugle pijârilune tapajoᴋ, nuname inûlertômangât tujormijangongmangâllônêt, tâpsoma Nâlegaᴋ naggogivâ; inuglo tâmna pêjartaujuksauvoᴋ inôᴋatime akornganit.

Deuteronomy 1:17

Inûb kinauninga kamagijaksaringilase idluarsainerme; mikijok angijorlo adsigêktomik tusaraksarivase; sivôrajuksaungilase inûb kênanganik, idluarsaineᴋ Gûdib pigingmago; pitjutillo oᴋumaigijase uvamnut ᴋaitaksarivase, tusaromavakkalo.

Deuteronomy 2:30

Sihonible, Hesbonib ataningata, tagvûna ingergarᴋolungilâtigut, Nâlekab Gûdipta tâpsoma anerninga mangaitilaungmago, ômatingalo ᴋepêsertipâ, pititsijungnarᴋovlugo tâpsominga aggaptingnut, sorlo uvlome pisimagame.

I Timôteusemut 2:5

Gûde atausiongmat, atausiogivok pijitsertok Gûdeme inungnelo, tagva inuk Kristûse Jêsuse;

Ebrêerinut 10:26

Mikseᴋârneᴋ illitariᴋârlugo, pijariluta idluituligupta, tunergutiksaᴋarungnairpogut tagva ajornerit pivlugit;

Ebrêerinut 10:27

Erᴋsinartoᴋsoarmigle nerriugijaksaᴋarpogut erᴋartuivingmik, ikomamiglo ilimanartoᴋsoarmik, nungutsiniartomik akkerartortunik.

Ebrêerinut 7:25

Taimaimat tâpsomûna Gûdemut pijut, tâpsoma piulijungnarpait soraijunane; inôtsainarlarmelo tuksiarutivait.

Josua 11:20

Tamannalo taimak Nalekamit pilaukpok omattingit mangaititauᴋovlugit, sorsuklutik Israelib ᴋittorngangit pârlugit, nungutauᴋovlugit, saimanermiglo pilerᴋonagit, pêjartauᴋovlugillo, sorlo Nalekab Mosese perᴋolaungmago.

I Samuel 3:14

Tamanna pivlugo Elib iglunga oᴋautigimarilaukpara, Elib iglomiungita idluitulliningit tamakkoa ullapᴋosertaujuksaungimatta tunnergutiksanut, tunnergutiksanullonêt nerᴋiksanik soraijunane.