I Samuel 2:10 - Labrador Inuttitut Heritage Bible

¹⁰ Annârtortut Nalekamik sutairtuksauvut; ᴋollingine kallertitsiniarpok ᴋillangme. Nalekab sillaksub issua erᴋartoromârpa, attaneᴋotinelo pitsartuneᴋartitsomârpa, kangatartitsomârlugolo saimartitame naksunga.

I Samuel 2:10 Iomraidhean Croise

II Samuel 22:14

Nalegak ᴋalluᴋarᴋojilaukpok killangmit, kogvasinerpangôjublo ᴋalluksoaᴋotine annitilaukpait.

II Samuel 7:13

Taipsomalo attera iglolioraksariva, uvangalo attaniovingata iksivautanga soᴋᴋosijuititsomavara soraijuitomik.

II Samuel 7:8

Taimak manna imâk oᴋartuksauvotit kivgamnut Davidemut: Imâk Nalegak Zebaoth oᴋarpok: Tigulaukpagit saukat mianerijauvinganit attanniojuksauᴋovlutit innuᴋotimnut Israelitinut;

Hiobe 40:9

“Talleᴋarkît Gûdetut nippemullo taimailuatsiartomut Kallerungnarᴋît, sôrlo tâmna piniarmat?

Imgerut 132:17

Tagvane Davidib nakjunga nuerᴋojomavara, mingoartaralo ᴋaumaumik âᴋiksoivigilaukpara.

Imgerut 148:14

Innuᴋotimelo naksunget ᴋongmuartipâ, ivsornaitoᴋotime illûnatik nertordlerningit ᴋongmuartipait tagva Israelib ᴋittorngangita, innugasaksuit ᴋannitut tâpsomunga. Hallêluja.

Imgerut 2:2

Attannersuit nuname akkerartorput, nâlekallo ᴋachimiokattigêlerput, Nâlegak mingoartangalo akkerartorlugik.

Imgerut 2:6

Uvangale attanneᴋotiga mingoarlugo attanningortilaukpara ᴋaᴋᴋaᴋotimne ivsornaitome Zioneme.

Imgerut 2:9

Ajaupiamut (opigijautiksaujomut) kikkiangojomut serᴋomitaksarivâttit, machaktitut serᴋallijaksarivâttit.

Imgerut 20:6

Mânna tukkisivunga Nâlekab mingoartane ikajormago, tussarlugolo ᴋillangminit ivsornaitomit; tallerpinga ikajorpok angijoksoarmik.

Imgerut 20:7

Ipkoa aksalloalingnik tattiksaᴋarput, ipkoalo horsinik; uvagulle Nâlekab Gûdipta attingannik.

Imgerut 21:1

Nalegak, attanek ᴋuviasukpok pitsartunerne, ila angijomik serridlarpok ikajornît pivlugo!

Imgerut 28:8

Nâlegak pitsartutigivât; pitsartuniôvok mingoartanganik ikajortok.

Imgerut 45:7

Idluarnek ivlerivat, illuserlungnerillo ômigivâttit; tamanna pivlugo Gûdib, Gûdivit mingoarlaukpâtit ᴋuviasungnerub orksutânut, piluartomik illangnit.

Imgerut 89:17

Igvit pitsartuningata nertornarutigingmattit, saimaveᴋarnernullo naksuvut ᴋongmuartiniarpet.

Imgerut 89:24

Mikseᴋârnimalo, saimaviᴋarnimalo illagijaksarivâk; naksungalo attimne ᴋongmuartitaujuksauvok.

Imgerut 89:25

Aggangit pititsomavakka imarbingmut, tallerpingalo kôksoarnut.

Imgerut 96:13

Nâlekab sângane, aggermat, aggermat nunaksoak erᴋartoromavlugo. Tâpsoma sillaksoak erᴋartoromârpâ idluarnermut, innuᴋattigêksuillo mikseᴋârnerminut.

Imgerut 98:9

Nâlekab sângane, aggermat nunaksoak erᴋartoromavlugo. Tâpsoma sillaksoak erᴋartoromârpâ idluarnermut, innuᴋattigêksuillo namanermut.

Exodus 15:6

Nâlegak, aggatit tallerpît inornarsivut pitsartunerme; Nâlegak, aggakpit tallerpikpit omisuktit egilugit serᴋomipait.

Okaluktok 11:9

Tagva inôsuktotit ᴋuviasugit inôsungnerne ômatillo alliasulerle, inôsungnivit uvlunginne. Piniarit ômativit tussugijanginnik, ijîkpillo takkungiartanginnik; ᴋaujimalerille Gûdib tamakkoa tamaita pivlugit pititsomârmattit erᴋartuivingmut.

Okaluktok 12:14

Gûdib piniarnerit tamaita pititsomârmagit Erᴋartuivingmut, tamaita illaliudlugit sagvarsimangitut, idluarmangâta idluimangâtalonêt.

Jesaiase 29:6

Kilangmiugasaksuit Nâlegangata (Jerusaleme) tikkitsomârpâ kallidlartillugo, nuna sajukpiluktillugo, serᴋorpaluktillugo, anorersoaᴋartillugo aᴋᴋunaᴋsoamiglo ikkomaᴋsoamiglo nungutsijomik.

Jesaiase 32:1

Ahak, attaneᴋ attaniojomârpoᴋ idluarnermik attortoᴋ, angajoᴋajallo aulatsijomârput erᴋartuitsiarlutik.

Jesaiase 45:24

Oᴋartuksauvullo pivlunga: Nâlekame kissiane idluarsainermik pitsartunermiglo pitaᴋarpoᴋ. Tâpsomungalo tikkitsomârput, illũnatiglo tâpsominga ômisuktut kangusuktitaksauvut.

Hesekiel 29:21

Uvlorme tâpsomane Israêlib ᴋitorngangita nakjusangit nuilertitsomârpara, tunitjivigijomârpagillo ᴋanermik angmartomik tâpkoa akorngane; ᴋaujijuksauvullo uvangaugama Nâlegaᴋ.

Mattêuse 25:34

Tagva Nâlekab talerpingme tungânêtut oᴋautijomârpait: ᴋaititse, Atâtama nagliktangit, nâlegauvik kingormgutilersiuk, ilipsingnut pijarêrsimajok silaksûb pigiarninganit.

Mattêuse 28:18

Jêsusible tikipait oᴋautivlugit oᴋarlunalo: Tunitjiviovunga pitsartunernik tamainik ᴋilangmelo nunamelo.

Lukase 1:69

Nuilertitsivigingmatigut nagjumik puiliklertiksamik kivgame Dâvidib iglungane,

Lukase 19:27

Ipkoale uvamnut akkerartortut, uvamnullo ataniotiviojomangitut ᴋaisigik toᴋosigiglo sakᴋamne.

Apostelit Piniarningit 10:38

Jêsuse Nazaremiok pivlugo, Gûdib mingoalaungmago Anernermik ajunginermik pitsartunermiglo; tâmna arvertalaungmat ajungituliartorlune, inûlilaitalo ilûnaita Sâtanasemut sâlaulauktut, Gûdib najormago.

Apostelit Piniarningit 4:27

Ahamarik ila, katimavut ᴋitorngat hailigeojok Jêsuse mingoalauktat pivlugo, Herôdese, Pontiuse Pilatuselo, nalojut Israêliblo inungit ilagivlugit.

II Korintemiunut 5:10

Ilûnata saᴋᴋijartuksaugapta Kristûsib erᴋartuiviksangata sângane, ilûnata atunit akkiniartaulerᴋovluta iliorniptingnik timeme inôtiluta, ajungitomiglônêt ajortomiglônêt.

Idluarsaijut 5:31

Taimak nungutuksauvut, Nâlegak omigijitit ilûnaita! Tapsomingale naglingniktut îtuksauvut seᴋerngub nuiningatut songonermine. Nunalo inilangalaukpok jârenik 40 ginik.

I Samuel 12:13

Manna tagva attanneᴋarpose annerilauktapsingnik, tuksiararilauktapsingniglo; ahâgle, Nalekab attannermik pititsivigimavâse.

I Samuel 12:17

Perorsijat Weizenit kattersivingat nalliusimangilak? Uvangale Nalegak nipliarvigijomavara kalluᴋojiᴋovlugo, sillaluᴋojiᴋovlugolo, tukkisilerluselo takkoᴋovluse idluitoksoarmik Nalekab ijikita sângangne pinniarlauktapsingnik, attannermik tuksiarlaurapse.

I Samuel 12:18

Samueliblo Nalegak nipliarvigingmago, Nalegak kallerᴋojivok, sillaluᴋojilunelo uvlorme tapsomane. Tagva innugatsuit illunamasiatik Nalegak Samuelelo sivoragivakit,

I Samuel 12:3

Ahâk, manêpunga akkerartorlunga kiogisinga, Nalekab tapsomalo saimartitangata sângane, kia tuktuvaᴋotinga, siuteᴋoktojoᴋotingalonêt tigulaungmangapkik? kina aksorornermut aksarlaungmangapko, idluitullivigilaungmangapkolonêt? Kialonêt agganginit pilliusiamik tigusilaungmangarma, ijikalo takpêtitauᴋolaungmangapkik? Tagva uttertitsomavara.

I Samuel 15:28

Tagva Samuele oᴋarpok tapsomunga: Nalekab uvlome Israelib attaniovinga aksarnigarilaukpa illingnit, tunnimalugolo innuᴋattingnut idluanisanut.

I Samuel 16:1

Nalegarlo Samuelemut oᴋarpok: Kanok akkunêrtigijomik ogguarᴋît Saul singalukogimajara pivlugo, attaniojuksaungimat Israelitinut. Naksuᴋotit orksuᴋaut illulertoruk orksumik, ailutillo, tillijomavagit Bethlehemiomut Isaimut; tapsoma erningita illangat takkungiarapko, attannioᴋovlugo.

I Samuel 7:10

Samuelelo tunnergutiksamik ôtaksamik tunnijitillugo, Filisterit tikkilerput Israelitit sorsugvigijomavlugit. Nalegarle kalluᴋarᴋojivok kalluksoarmik Filisterit ᴋollâne uvlorme taipsomane, ᴋoaksartipaillo, sâlagijauᴋovlugit Israelitinut.