I Samuel 17:47 - Labrador Inuttitut Heritage Bible

⁴⁷ Illagêktullo ukkoa tukkisilerᴋovlugit, Nalegak ikajorlungimat saviksoakullonêt, ᴋallugiaksoakullonêt; Nalekab sorsungnek nangmineringmago, tunniniarpâselo aggaptingnut.

I Samuel 17:47 Iomraidhean Croise

II Atannit 5:15

Utterivorlo Gûdib anguteᴋotinganut, ilagijane ilunnatik ilagilugit. Itteramelo sângerpa, oᴋarlunelo: Ahâk illitarksimavunga, Gûdeᴋangimat nunane ilunnaine, Israeleme kisiane; mannalo pilliumik tigusilaurit kivgarnit.

II Kronika 14:11

Assablo Nalegak Gudine nipliarvigiva, oᴋarlunelo: Nalegak adsigêngitoᴋangilak illingne, ikajorlutit unnuktut akkorngane, pitsakitorlonêt ikajorlugo. Ikajortigut Nalegak Gudivut; sungertutigigaptigit, atternelo tikkisimavogut, unnuktovaksuit tapᴋoa pârlugit sorsugomavlugit. Nalegak igvit Gudigivaptigit salagijauniarnak innungnut.

Imgerut 46:11

Nâlekab Zêbaotib illagivâtigut, Jakob Gûdinga sapputjigivavut.

Jesaiase 9:7

Nâlegauvik angijorortitsomavlugo ullapirsauteᴋatsainartitsomavlugo Dâvidib iksivautanganẽpoᴋ attaniovinganelo, âᴋiksorlugo erᴋartuitsiarnermut idluarsainermullo mãnanit issoᴋangitomut. Kilangmiugasaksuit Nâlegangata illungertorninga tamattominga piniaromârpoᴋ.

Hosea 1:7

Judable ᴋitorngangit nâpkigijomavakka, Nâlekamullo Gudinganut piulijomavakka, piulijomangilakkalo pitiksimut, saviksoarmullônêt, unatarnermullônêt, horsenullônêt, horsenelônêt ablângajunut.

Saggaria 4:6

Kiovlunelo oᴋautivânga: Tamadja Nâlekab oᴋausinga Serûbabelemut, oᴋartok: Sorᴋsuktuksaᴋatigêksoarnu-ungitok pitsartunersoarmu-ungitorlônêt, Anernimnulle, oᴋarpok Nâlegak Zebaot.

Rômiunut 8:31

Taimaimatta tamakkoa, ᴋanoᴋ tagva oᴋartuksauvitâ? Gûdib illagikpatigut, kia akkerartorungnarpâtigût?

Rômiunut 8:37

Tamakkoale tamaita atorlugit ajugauluarpogut uvaptingnik nagligosuktokut.

Josua 10:8

Nalegarlo Josuamut oᴋarpok: Sivoraginiarnagit aggangnut tunimagapkit; nalliellonêt tapkonangat nangerungnarniangilak sângne.

I Samuel 14:6

Jonathanelo akjarsijoᴋotiminut sakkunginik oᴋarpok: Kait, ailauluk akkiptingnut, kippisimangitut tapkoa tangmarvinganut; imaᴋᴋâ Nalegak uvaptiguk sulliniarpallukpok; Nalekamut oᴋumailungimat unnuktutigut ikkitutigullonêt ikajorlune.

I Samuel 18:17

Saulelo Davidemut oᴋarpok: Ahâk, panniga angajudlek Merobe tunnijomavara illingnut, nulliangôᴋovlugo illingnut; sivurajuituinarit, aulatsilerlutillo Nalekab unatadlarninginik. Saule issumaᴋalaurame: Aggama âktoraksaringilât, Filisterille aggangita.