I Samuel 17:45 - Labrador Inuttitut Heritage Bible

⁴⁵ Davidele Filisteremut oᴋarpok: Igvit ᴋaivigivarma saviksoalijarlutit, ᴋallugialijarlutillo, sappulutalijarlutillo; uvangale ᴋaivigivagit Nalekab Zebaothib, Israelib sorsuktuksaksoaᴋotingita Gudingata mittautigilauktavit attingane.

I Samuel 17:45 Iomraidhean Croise

II Kronika 14:10

Assalo aularpok pâromavlugit, oppalungaijarpullo sorsungnermut naksarme Zefatamik attelingme Maresab ᴋannitanganêtome.

II Kronika 32:8

Talliub uviniôjub tamna aipariva, uvagulle Nalekab Gudipta illagivâtigut, ikajorluta, aulalugolo sorsungnivut. Innugasaksuillo Hiskiab Judakut attanningata oᴋausingit tattigivait.

Imgerut 124:8

Ikajortaunivut Nâlekab attinganêpok, ᴋillangmik nunamiglo sannalauktub.

Imgerut 18:2

Nâlegak ᴋairtorijara, serngnigijiksaᴋautigijaralo, piulijigalo; Gûdiga torᴋorviksaᴋautigijara tattigijara, sappulutaksarijara, piulijauviksamalo sakkunga, sapputsijigalo.

Imgerut 20:8

Ipkoa ochosimavut pâlaklutiglo; uvagulle makkipogut nangerlutalo nappalutalo.

Imgerut 3:8

Nâlekame ikajortiksarsiviksauvok, saimartitsinîllo innuᴋotingnut pile! Sêla.

Imgerut 44:6

Pittiksiga tattiksaringinapᴋo, saviksoaᴋotimalo ikajorungnangilânga;

Salomob Okâl 18:10

Nâlekab atinga sapputsauviksauvok songojok; idluartub akpangervigiva, sapputijaulunelo.

Jesaiase 37:23

Kina mittautigiviûk oᴋarnerlûtigivlugolo? kinamut nippeᴋadlarᴋêt? Arlorpotit, ivlernartitoᴋ Israêlikkune akkerartorlugo.

Jesaiase 37:28

Nunaᴋarnit itternillo anninillo ᴋaujimavakka, pikkablavigigamgalo.

II Korintemiunut 10:4

Sakkuvut sorsungnermut atortavut uviningmit pingimatta, pitsartûneliksôvulle Gûdib sângane ungalujijoᴋsuit asserorlugit.

II Korintemiunut 3:5

Uvagut sumiglônêt issumasijungnangilagut nangminiptingnik; sappinginivulle Gûdemit pivoᴋ.

Filippimiunut 4:13

Tamainik pijungnarpunga Kristuseme pitsartutitsijimne.

I Samuel 17:10

Filistereôjorlo oᴋarpok: Uvlome, uvlorme tamattomane Israelib sorsuktoᴋattigêngningit mittautigilaukpakka; tunnitsivigisinga attautsemik, sorsugutiᴋovlunuk.

I Samuel 17:26

Tagva Davide angutinut nangerᴋattigijaminut oᴋarpok: Sunamik tamna pinniarvioniarᴋa Filisteremik ominga ullimarniktok, kangusuktitaunermiglo tamattominga pejaijok Israelemit? Kinauvâle Filistere kippisimangitok una, Gudib omatsainartub sorsuktuksaksoaᴋotingit mittautigingmagit?

I Samuel 17:36

Taimak kivgavit tamarmik Loewelo aklarlo annaulaukpak. Taimaglo manna Filistere tamna kippisimangitok îtuksauvok taipkoa illangatut; Gudib omatsainartub sorsuktuksaksoaᴋotingit mamailisarlaungmagit.

I Samuel 17:6

Kannujarmiglo ᴋarleᴋalaukpok niungmine, sappulutaᴋalarmelo ᴋannujarmik tuingmingne.