I Samuel 17:44 - Labrador Inuttitut Heritage Bible

⁴⁴ Oᴋarporlo Davidemut: Kait uvamnut, uvinît tunnijomavara tingmitsanut ᴋillaub attânetunut, omajunullo naternamêtunut.

I Samuel 17:44 Iomraidhean Croise

II Samuel 21:10

Tagva Rizpab Ajab panningata pôksaijak tiguva issivilâlo ᴋairtub ᴋânganut kattersiviub pigiarningane, immek ᴋillangmit kôlerᴋârtinago tapkonunga; uvlotillugolo tingmitset ᴋillaub attânetut mikolaungilait tapkoa ᴋângine, unnuarmelonêt omajut naternamêtut tapkonungarᴋolaungilait.

Salomob Okâl 18:12

Kina asserortuksaulerpat, tapsoma ommatinga Piojorilerᴋârpok; nertornautiksarsijoᴋarᴋârtinagolo, Mikkijorortitaujariaᴋarᴋârpok.

Jeremia 34:20

Ila, tunijomavakka ômigijingita agganginut, inôsinginiglo pinasuartut agganginut; timingillo toᴋungajut nerᴋiksaujomârput silab tingmianginut nunablo ômajunginut.

Jeremia 9:23

Imâk Nâlagaᴋ oᴋarpoᴋ: Ilisimajoᴋ nertôtiniarane ilisimanerminik, pitsartujoᴋ nertôtiniarane pitsartunerminik, akluitoᴋ nertôtiniarane akluinerminik;

Hesekiel 28:2

Inûb erninga, Tirusib angajoᴋânga oᴋautiuk: Imâk oᴋarpoᴋ Nâlegaᴋ Nâlegaujoᴋ: Omatit pingijaitoᴋsôngmat, oᴋaravillo: gudiovunga, iksivavunga Gudib iksivautaᴋsoangane, imarbiksuit ᴋerᴋâne; inutuinaugaloartilutit, gudeonaglo, ômatillo adsiutinangne Gudib ômatinganut;

Takotitaunermik 19:17

Engelemiglo takovunga seᴋinerme nangertomik; nippersoarmullo nipliadlarpok tingmitjanut ilûnainut ᴋilaub atâgut tingijunut oᴋarlune: ᴋaititse katimalerluse Gûdeviksôjub nerrimârvianut;

I Samuel 14:12

Angutille tangmarvingmêtut Jonathane akjarsijoᴋotingalo sakkunginik, kiovakit, oᴋarlutiglo: Kaileritik paunga uvaptingnut, tagva ajochertoromagalloarpaptik. Tagva Jonathan sakkome akjarsijinganut oᴋarpok: Malliklunga majorarit, Nalekab tunnimavait Israelitit agganginut.

I Samuel 17:46

Uvlorme tamattomane Nalekab unertotiginiarpâtit aggamnut, annauniᴋovlunga illingnik, pêrsiᴋovlungalo niakungnik illingnit; tunnijiᴋovlungalo Filisterit kattimgajoᴋotingita timinginik anernengêrtunik tingmitsanut ᴋillaub attânêtunut, omajunullo nujuartunut nunamêtunut, nunamiut illunatik tukkisilerᴋovlugit Israele Gudeᴋarmat,