I Samuel 17:28 - Labrador Inuttitut Heritage Bible

²⁸ Eliablo ᴋattangutingita angajudlerpângata tussarpa angutit oᴋarᴋattigingmagit, illungertolerlunelo Davide ningaumajarvigiva, oᴋarlunelo: Sôg attersarsimavît? Sôglo saukat ikkitut taikane innuᴋajuitome ᴋemalaukpigit? Angutaunasuginît omattivillo kassêninga illitarigalloarpâka. Attersarsimavotille sorsungnek takkojomagangne.

I Samuel 17:28 Iomraidhean Croise

Genesis 37:11

Katangutingitalo sinaungagivât, atâtangatale oᴋautsit tamakkoa torᴋorpait.

Genesis 37:4

Katangutingitale malugigamitsuk atâtanganut nagliginersarijaujoᴋ katangutinginit tamainit, omigilerpât illanârnartomiglo oᴋarvigivlugo sapperpât.

Genesis 37:8

Tagva ᴋatangutingata oᴋautivât: Igvit attanerijaksarigalloarpitigît nâlagaksarivlutillo? Sugaluluartomiglo omigilerpât sinnaktômaningit pivlugit oᴋausingillo pivlugit.

II Kronika 11:18

Rehabeamiblo Mahelate Jerimotib Davidib erningata pannia tiguva nulliarivlugo, Abihaillo Eliab Isaib erningata pannia.

Imgerut 35:11

Tikkitoᴋalerpok passiklertunnik saglojunnik; passivânga ᴋaujimangitamnik.

Salomob Okâl 18:19

ᴋattangut kiksartitaumajok saimarlugo ajornarnersauvok Sâlaᴋarnermit iglugasaksoarnik songojunik, aivanerlo sôngonersauvok igluksub aulatailijutinganit.

Salomob Okâl 27:4

Ningaumajarnek piusiovok kenajuktok, ᴋaningaumajarnerlo aksorotjiniôvok; kiale anerudsinek sâlagijungnarᴋauk?

Okaluktok 4:4

Takkonâlaurivakkalo pinasuarnerit tamaita pikaringnerillo tamaita sulijaksanut, tagvane ilûnatik annerutiutingmatta. Tamanna sulinginiogivok siorniorniolunelo.

Mattêuse 10:36

Inûblo iglomioᴋatine ômigijigijomârpait.

Mattêuse 27:18

Nalunginamigit, idluigosungnermut tagvunga pitilaungmatsuk.

Markuse 3:21

Najortingitalo tamanna tussaramitsuk, anivigivât inerteromavlugo; oᴋaramik: Issumairutinerpoᴋ.

Jûdasib 1:10

Tâpkoale mitauteᴋadlarput ᴋaujimangitamingnik; ingergarmik ᴋaujimajamingnele asserorsârutivut ingmingnik, nergjutitut silatuneᴋangitutitut.

I Samuel 16:13

Tagva Samuelib naksuᴋotine orksuktalik tiguva, mingoarpâlo ᴋattangutingita akkorngane. Nalekablo Anerningata Davide tikkivigiva uvlormit taipsomangamit kingornganelo. Samuelele parngnailerpok, ailunelo Ramamut.

I Samuel 16:7

Nalegarle Samuelemut oᴋarpok; Takkonârniarnak tautuanik angininganiglonêt; uvanga nachogigapko. Innub takkoningatut pilungimat. Innuk tautukpok ijit sanginêtunik, Nalekable omat nautsertorpa.

I Samuel 17:29

Davidele kiovok: Sunamigle piniarlauᴋik? Perᴋojaumalungilanga tamattominga?