I Samuel 17:12 - Labrador Inuttitut Heritage Bible

¹² Davidele angutib Efratemiub Bethlehemêtub, Judab nunangane, Isaimik attiggub erneriva; tamna erneᴋalaukpok 8 inik, îtolunelo Saulib nelliuningane, inutoᴋaulunelo angutit akkorngane.

I Samuel 17:12 Iomraidhean Croise

Genesis 35:19

Rahelelo toᴋovoᴋ, iluvertauvorlo apᴋosinerme Efratemut, tagva Betlehemut ilingajome.

II Samuel 23:1

Tamadsa Davidib oᴋausingita kingorlingit: Davide Isaib erninga oᴋalaukpok, angut tamna angijorortitaumajok, Jakob Gudingata saimartitanga, Israelib imgerutiksalliortangat tussarnidlartunik oᴋarpok:

Imgerut 132:6

Ahâk, tamanna tussaumavavut Efrateme; nachvârpavut nappârtut naternangene.

Migga 5:2

Igville, Betlehem Efrata, mikijôgaloartotit Jûdab tausendeoningita akorngane, ilingnit pijomârpoᴋ uvamnut nâlegaujuksaᴋ Israêleme; tâpsoma aniningit itsarsoarnit pivut, issoᴋangitoᴋsoarmit.

Mattêuse 1:6

Jessib ernetârivâ atanek Dâvide. Ataniub Dâvidib ernetârivâ Salomo, Urîab nuliarilauktanganit.

Mattêuse 2:1

Jêsuse erniangongmat Betleheme Jûdêamêtome, Herôdese ataniotilugo, ahâk, ilisimajut unangat (nalojut nunanginit) Jerusalemut pivut, oᴋarlutiglo:

Mattêuse 2:6

Igvit Betlehem nuname Jûdêame, mingnerpângungilatit iglugasangnit assingnit Jûdêamêtunit; ilingnit pijomârmat Nâlegak inuᴋotiminut Israêlib kinguvânginut ataniojuksak.

Ruth 1:2

Atteᴋalauktok Elimêlechemik, nulliangalo Naemimik, ernigiglo aipanga Mahlonemik, aipalo Chil-Jonemik, Efratemiongôlaukput Bethlehêmit Judametomit. Tikkinamiglo Moabiterit nunanganut tagvanetualaukput.

Ruth 4:17

Sillalingitalo arnat attekartipât, oᴋarlutiglo; Ernek erniangôvok Naemimut, atserarpâllo Obedemik; tamna Isaib Dâvidib atâtangata atâtagijanga.

Ruth 4:22

Obedib Isai ernetarivâ. Isaib Dâvid ernetarivâ.

I Samuel 1:1

Anguteᴋalaukpok Ramataim Zofimemit Efraimib ᴋakᴋanginêtomit, Elkanamik attelingmik, Jerohamib erninganik, Elihub erningata, Thohub erningata, Zufib erningata Efratemit pijub.

I Samuel 16:1

Nalegarlo Samuelemut oᴋarpok: Kanok akkunêrtigijomik ogguarᴋît Saul singalukogimajara pivlugo, attaniojuksaungimat Israelitinut. Naksuᴋotit orksuᴋaut illulertoruk orksumik, ailutillo, tillijomavagit Bethlehemiomut Isaimut; tapsoma erningita illangat takkungiarapko, attannioᴋovlugo.

I Samuel 16:18

Tagva nukapitset tapkoa illangat kiovok, oᴋarlunelo: Ahâk, takkolaukpara Isaib Bethlehemiub erningita illangat, tamna nokakseralingmik attutsiarungnarpok, anguteôjok erᴋinaitok, sorsugungnartok, sillatôjorlo sunatuinarne, pinnarnartorlo, Nalekablo illagiva.

I Samuel 17:11

Saulelo Israelitillo illunamatsiatik Filistereôjub oma oᴋauserijanginik tussaramik, kakkiladlarput sivoradlalutiglo.

I Samuel 17:58

Sauliblo oᴋautiva: Nukapiak, kia ernerivâtit? Davide oᴋarpok: Kivgavit Isaib Bethlehemiub ernerivânga.