I Samuel 16:18 - Labrador Inuttitut Heritage Bible

¹⁸ Tagva nukapitset tapkoa illangat kiovok, oᴋarlunelo: Ahâk, takkolaukpara Isaib Bethlehemiub erningita illangat, tamna nokakseralingmik attutsiarungnarpok, anguteôjok erᴋinaitok, sorsugungnartok, sillatôjorlo sunatuinarne, pinnarnartorlo, Nalekablo illagiva.

I Samuel 16:18 Iomraidhean Croise

Genesis 39:2

Nâlekablo Josefe aiparivâ, angutaulerporlo piloriktoᴋ, angajoᴋâme Egiptenemiub iglunganêdlune.

Genesis 39:23

Pijaksarme nallianiglônêt parngnanairsimaviub angajoᴋânga kamajungnairpoᴋ, Nâlekab aiparingmago, sulijangillo Nâlekab piloriktingmagit.

II Samuel 14:20

Illusek tamanna taimak sangutitaksarigapko, tamanna kivgavit Joabib âkiksorlaukpa. Nalegarale sillatôvok Gudib Engelingata sillatuningatut, mallugosuᴋovlugo pijoᴋartunik tamainik nuname.

II Samuel 17:10

Tagva illunatik attunit maksoajungnailerajarput, sorsugungnartorlotauk aglat, omatteᴋartorlo Loewetut. Israelitit illunamasiatik ᴋaujimangmatta atâtait sangijoksôngmat, illagijangillo sorsugungnartôngmatta.

II Samuel 17:8

Husailo oᴋapsarivok: Atâtait illitaritsiaralloarpat, innuᴋotingillo sôngojoksôngmatta, ningaumajadlarmattalo issumamikut aklatut piarᴋaminik aksartaumajotut natername; tamannalo tappilugo atâtait angutiôvok unatadlarnermik sungiusimajok, siglotoniangilarlo innugatsuit illagellugit.

Salomob Okâl 12:8

Silatuninga malliklugo angut nertortauvok; Ommateᴋartorle mumiksimajomik kangusuktitauvok.

Mattêuse 1:23

Ahâk, uigasuk singaijomârpok, ernermiglo ernijomârlune, Immanuêlemiglo atseraromârpât, atingata tukkinga imaipok: Gûde uvaptingnêtok.

Mattêuse 28:20

Ajoᴋertorsigiglo malerᴋovlugit tamainik perᴋojamnik ilipsingnut, Ahâglo, uvlut tamaita najutsainarniarpapse, silaksûb naggatânut.

I Samuel 10:7

Nallonaikutat tamakkoa mana tikkiviginiarpattit, tagva pinniarit pitjuteᴋarniarlutit piniarungnartarnik; Gudib aipariniarmattit.

I Samuel 16:12

Tagva tilliklerpok tagvunga aijauᴋolugolo. Aupalangalaukporlo, ijitsiariklunelo, taututsiariklarmelo. Nalegarlo oᴋarpok: Atte! mingoarleruk, tamnauvok.

I Samuel 16:17

Tagva Saule kivgaminut oᴋarpok: Kênajaleritse angumik, nokakseralingmik sungiusimatsiartomik, ᴋaitsiuglo uvamnut.

I Samuel 16:19

Tagva Saulib kivgartortut tillivait Isaimut, oᴋautjauᴋovalo: Ernît Davide saukanêtok tillilauruk uvamnut.

I Samuel 17:12

Davidele angutib Efratemiub Bethlehemêtub, Judab nunangane, Isaimik attiggub erneriva; tamna erneᴋalaukpok 8 inik, îtolunelo Saulib nelliuningane, inutoᴋaulunelo angutit akkorngane.

I Samuel 3:19

Samuelele pivallialerpok, Nalekablo aipariva, oᴋausingitalo illangallonêt nunamut kattalungilak.