I Samuel 16:12 - Labrador Inuttitut Heritage Bible

¹² Tagva tilliklerpok tagvunga aijauᴋolugolo. Aupalangalaukporlo, ijitsiariklunelo, taututsiariklarmelo. Nalegarlo oᴋarpok: Atte! mingoarleruk, tamnauvok.

I Samuel 16:12 Iomraidhean Croise

Genesis 39:6

Taimaimat perᴋutine tamaita pitipait Josefib agganginut, nangminerlo sunalônêt kamagijungnailerpâ, taimna pitilugo; nerᴋiksaᴋ kissiat nerrijaksane (kamagivâ). Josefelo taututsiarikpoᴋ kênatsiariklunelo.

II Samuel 23:1

Tamadsa Davidib oᴋausingita kingorlingit: Davide Isaib erninga oᴋalaukpok, angut tamna angijorortitaumajok, Jakob Gudingata saimartitanga, Israelib imgerutiksalliortangat tussarnidlartunik oᴋarpok:

II Samuel 7:8

Taimak manna imâk oᴋartuksauvotit kivgamnut Davidemut: Imâk Nalegak Zebaoth oᴋarpok: Tigulaukpagit saukat mianerijauvinganit attanniojuksauᴋovlutit innuᴋotimnut Israelitinut;

I Atannit 1:34

Ajuᴋertuijublo Zadoᴋib, aipaᴋarlune nellautaîjomik Nathanemik, mingoarliuk tagvane ataningortilugo Israelitinut. Tiptulausijaritselo tiptulautinut, oᴋarluselo: Pilloringnartoᴋarle atannermut Salomomut!

Imgerut 2:2

Attannersuit nuname akkerartorput, nâlekallo ᴋachimiokattigêlerput, Nâlegak mingoartangalo akkerartorlugik.

Imgerut 2:6

Uvangale attanneᴋotiga mingoarlugo attanningortilaukpara ᴋaᴋᴋaᴋotimne ivsornaitome Zioneme.

Imgerut 78:70

Annerilaukpâlo kivgane Davide, tiguvâlo saukat iglunginnit.

Exodus 2:2

Arnarlo tâmna singailerpok ernermiglo ernivok. Sorusitsiangojorlo takogamiuk, ijeriartorpâ takᴋit pingasut nâvlugit.

Imgerusersoak 5:10

Illanârijara ᴋaᴋopok aupalluklunelo, annerijaumavok tausendioᴋattartunit.

Jeremiab Ogguarutigijangit 4:7

Gudemut angertaumajungit apumit ivsornainersaulaukput, imungmit ᴋaᴋortauluarput, tautumikut aupalungnersaulaukput ujaratsianit pivianartoᴋutaujunit, ᴋalliningit sorlo ujarait ᴋebleriktut.

Saggaria 4:14

Tâmnalo oᴋarpok: Tâpkoa tagva ᴋitorngauvuk orᴋsêjûtik, nunaksûb ilûnane Nâlegangata saniane nangertuk.

Apostelit Piniarningit 4:27

Ahamarik ila, katimavut ᴋitorngat hailigeojok Jêsuse mingoalauktat pivlugo, Herôdese, Pontiuse Pilatuselo, nalojut Israêliblo inungit ilagivlugit.

Apostelit Piniarningit 7:20

Taipsomane Môsese inûlerpok, nutarârsôvlunelo pinnarnartoᴋ Gûdib sângane, takᴋiniglo pingasunik atâtangata iglungane amâmaktitaulaukpok.

Ebrêerinut 11:23

Okpernermut Môsese erniangomangmat, taᴋᴋinik pingasunik ijerartoangolerpoᴋ angajoᴋângminut, takoleramikko innerᴋonadlartoᴋ nutaraᴋ; ataniviksûb perᴋojanga sivôraginago.

I Samuel 16:18

Tagva nukapitset tapkoa illangat kiovok, oᴋarlunelo: Ahâk, takkolaukpara Isaib Bethlehemiub erningita illangat, tamna nokakseralingmik attutsiarungnarpok, anguteôjok erᴋinaitok, sorsugungnartok, sillatôjorlo sunatuinarne, pinnarnartorlo, Nalekablo illagiva.

I Samuel 17:42

Filistere manna takkosarame, Davidelo takkonârlugo pigame, nachogiva, nukapiangôngmat, aupalangajôvlune pinnarnarlunelo.

I Samuel 17:55

Saulib Davide Filisteremut aijok takkogamiuk, oᴋarpok sorsuktuksaksoaᴋotime angajoᴋanganut Abnermut: Kia ernerivaûk nukapiak tamna? Abnerele oᴋarpok: Sorlo mikseᴋârtomik tarnît inôngmat attanersoak, nallovunga.

I Samuel 9:17

Samuele manna takkosartillugo Saulemik, Nalekab oᴋautiva: Ahâk, tagva angut oᴋautigilauktara illingnut, attaniojuksak innuᴋotimnut.