I Samuel 16:1 - Labrador Inuttitut Heritage Bible

¹ Nalegarlo Samuelemut oᴋarpok: Kanok akkunêrtigijomik ogguarᴋît Saul singalukogimajara pivlugo, attaniojuksaungimat Israelitinut. Naksuᴋotit orksuᴋaut illulertoruk orksumik, ailutillo, tillijomavagit Bethlehemiomut Isaimut; tapsoma erningita illangat takkungiarapko, attannioᴋovlugo.

I Samuel 16:1 Iomraidhean Croise

I Atannit 8:16

Uvlormit taipsomanemit inuᴋotimnik Israelitinik aulartitsivigilauktamnit Egiptenemit, iglugasaksuit nellianik annerosulaungilanga Israelib kinguvarêngita nellianit, iglo igloliortauᴋovlugo pivlunga, atera tagvanêᴋovlugo; Davidele annerilaukpara angajoᴋauᴋovlugo inuᴋotimnut Israelitinut.

II Atannit 9:1

Elisable nallautaijub nallautaijut erningita ilangat ᴋaiᴋova, oᴋautilugolo: Tapseruserit makkitingnik, publaujarlo orksuᴋaut una najortigiuk, ailutillo Ramothemut Gileademêtomut.

II Atannit 9:3

Publaujarlo orksuᴋaut tiguleruk, kovilugolo niakunganut, oᴋarlutillo: Imâk Nâlegak oᴋarpok: Mingoarlutit atanningortilaukpagit Israelitinut. Upkoarlo upkoêraksarivat, kemajuksaulutillo siglutonaglo.

II Atannit 9:6

Tagva nikkovipok itterlunelo. Tapsomale orksuk koviva niaᴋoanut, oᴋautivâlo: Imâk Nâlegak Israelib Gûdinga oᴋarpok: Mingoarlutit atanningortimavagit Nâlekab inuᴋotinginut Israelitinut.

I Kronika 11:3

Israelitillo angajoᴋaunerôjungit ilûnatik tikkilerput atannermut Hebronemut. Davidiblo angerᴋattigivait Nalekab sângane Hebroneme. Mingoarlugolo Davide atanningortipât Israelitinut, Nalekab oᴋausingit Samuelekut malliklugit.

I Kronika 28:4

Taimaigalloarmat, Nalekab Israelib Gûdingata annerilaukpânga atâtama iglomioᴋatinginit tamainit atannioᴋovlunga Israelitinut soraijuitomik. Judakut annerilaungmagit atannioᴋovlugit, Judakunillo atâtakukka atâtamalo erningita akkorngane uvanga ᴋuviagilaukpânga atanningortilunga Israelitit ilûnamasianginut.

Jesaiase 11:1

Nutaijortomik nuijoᴋaromârpoᴋ Isaib kippanganit, akkeromiglo perortoᴋaromârpoᴋ amânganit.

Jesaiase 11:10

Taipsomane imaitsomârpoᴋ: Isaib amânga, napajotut kattilerutiksaujotut illingavlune nunaᴋatigêksoarnut, apperᴋutaujomârpoᴋ nallojunut, iksivautarijangalo nertornaromârpoᴋ.

Jesaiase 55:4

Ahâk, taimna (Dâvide) kigligiudsijungortipara (uvamnik) inungnut, angajoᴋângortillugolo attaningortipara nunaᴋatigêksoarnut.

Jeremia 11:14

Taimaimat inôᴋatigêksuit tamakkoa tuksiutiniarnagit pît, ᴋongmuartitsiniarnaglo ᴋaigarsungnermik ᴋenunermiglônêt tâpkoa pivlugit; tusaromalunginapkit ᴋaigarsugvigijangine uvamnut kapiasungnitik pivlugo.

Jeremia 15:1

Nalekablo oᴋautivânga: Mosese Samuelelo nangerajaraloarpanik sâmne tuksiutjilutik, ômatima inôᴋatigêksuit ukkua ililertorajangilait; pingujarkit sâmnit, pêjarlit.

Jeremia 6:30

Inuit tainiarpait silberemik egitaumajomik, Nâlakab ajaktolaungmagit.

Jeremia 7:16

Taimaimat nugiartoᴋsuit ukkua tuksiarutijaksarilungilatit, ᴋongmuartitsijuksaungilatit ogguarnermik tuksiarnermiglônêt tâpkoa pivlugit, ᴋenujûtigijaksarilungilatillônêt uvamnut; tusaromanginapkit.

Saggaria 4:14

Tâmnalo oᴋarpok: Tâpkoa tagva ᴋitorngauvuk orᴋsêjûtik, nunaksûb ilûnane Nâlegangata saniane nangertuk.

Rômiunut 15:12

Amatauᴋ Jesaiase oᴋarivoᴋ: Amâᴋaromârpoᴋ Jessemit pijomik, nutaijoᴋtoᴋaromârlunelo ataniotijuksamik nalojunut; tâmna nalojut nerriugijomârpât.

Ebrêerinut 11:32

Sumiglo sulle oᴋariaᴋarᴋîk? Anertuluadlarajarpoᴋ, Gideonelo, Barakelo, Simsonelo, Jeftalo, Dâvidelo, Samuelelo, nelautaijullo unipkautiginajarupkit.

I Johannesib 5:16

Naliata ᴋatangutini idluitulitilugo takoguniuk, idluitulingipat toᴋonartomik, tâmna tuksiarli; tagva (Jêsuse) tunijiniarpoᴋ inôtsimik taipkonunga, toᴋonangitomik idluitulilauᴋtunut. Idluiniᴋarpoᴋ toᴋonartomik, tamanna pivlugo tuksiartoᴋarᴋovlugo oᴋangilanga.

I Samuel 10:1

Tagva Samuelib publaujak orksuktalik tiguva, kovilugolo tapsoma niaᴋoanut kunnikpa, oᴋarlunelo: Takkovît Nalekab mingoarsimangmattit, attanniôᴋovlutit kingormgutigijanganut?

I Samuel 15:11

Kaᴋᴋialerpunga Saule attaningortilaurapko; tunnusimangmanga, oᴋautsikkalo nallautsitilaungimagit. Tamanna Samuelib issumajarutigilerpa, niplialunelo Nalekamut unnuak nâlugo.

I Samuel 15:23

Nalanginek angakokterniôngmat, akkerartornerlo kivgartorniôvok Gudeungitunik, Gudingoaniglo. Mannalo Nalekab oᴋausingit singalukogilaurangne, tapsoma singalukogilaurivâtit attannioᴋonak Israelitinut.

I Samuel 15:26

Samuele Saulemut oᴋarpok: Utterᴋattigijomangilagit; Nalekab oᴋausingit singalukogilaurangne, Nalekablo igvit singalukogingmattit attaniôᴋonak Israelitinut.

I Samuel 15:35

Samueliblo Saule manamit takkojungnaipa toᴋᴋome uvlunga tikkilugo. Samuelible Saule oggurilauralloarpa, Nalegak ᴋaᴋᴋialilaungmat Saule attaningortilaungmago Israelitinut.

I Samuel 16:15

Tagva Saulib kivgangit oᴋarput tapsomunga: Ahâk, annernerub idluitub Gudemit pijub uimajartidlarpâtit.

I Samuel 16:23

Manna Gudib annerningata Saule tikkigaikpago, tagva Davidib Harfe tiguva, attorlugolo aggangminut; tagva Saule nakkoksilerpok, namanersaulerlunelo, annernerlo idluitok nûpok tapsomangat.

I Samuel 17:12

Davidele angutib Efratemiub Bethlehemêtub, Judab nunangane, Isaimik attiggub erneriva; tamna erneᴋalaukpok 8 inik, îtolunelo Saulib nelliuningane, inutoᴋaulunelo angutit akkorngane.

I Samuel 9:16

Kaupat nalliutome tamattomane, angut Benjaminib nunanganit pijok, tillijomavara illingnut; tamna mingoarlugo attaningortitaksarivat innuᴋotimnut Israelitinut, innuᴋotimnik piuliklerᴋovlugo Filisterit agganginit. Innuᴋotikka takkonârlaurapkit, nipliarningillo tikkisimavut sâmnut.