I Samuel 15:6 - Labrador Inuttitut Heritage Bible

⁶ Keniterillo oᴋautjauᴋovait: Aileritse nûluselo attersaritse Amalekiterinit, tapkonunga illaliudluse, illipsingnik nungutsiᴋonanga; illipse Israelitit illunaita takkopsoagilaurapsigik Egiptenemit aularlauktillugit. Taimak Keniterit nûlerput Amalekiterinit.

I Samuel 15:6 Iomraidhean Croise

Genesis 15:19

Keniterillo, Kenisiterillo, Kadmoniterillo,

Genesis 18:25

Taimailiorneᴋ ajornarpoᴋ illingnut, idluartut toᴋoᴋassiutivlugit, idluitut (toᴋogungne), idluartut idluitutitut ilingatilugit. Ajornarpoᴋ taimak illingnut. Sillaᴋsoarmiunik erᴋartuijoᴋ idluangitomik illiortuksauvâ?

I Kronika 2:55

Aglakpaktullo Jabezeme nunaᴋalauktut kinguvarêngit tapkoangovut, Tireatemiut, Simeatemiullo, Suchatemiullo. Tagva Kiniterit Hamatemit pimmajut, Bethrechab atâtanganit.

Exodus 18:19

Nipiga tusaruk mânna, ajoᴋertoromavagit, Gûdiblo ilagijomavâtit: Igvit inuit pivlugit sakᴋijârit Gûdib sângane, âtsijungnarᴋovlutit sujuksautigijanginik Gûdemut:

Salomob Okâl 9:6

Illusek ilisimainartok allarsiuk, tagva inôniarpose; arvertaritselo silatunerub apᴋotingane.

Numbers 16:34

Israêlikullo ilûnatik avatânêtut ᴋemâdlarput tâpkoa nipliadlarninginit; oᴋaramik: Nunab êdlarniarpâtigut.

Apostelit Piniarningit 2:40

Oᴋautsinulle unuktunut ukua asinginut kigligiutjivigivait, kaiblarlugillo oᴋarpoᴋ: Piulijauniaritse kinguvângoᴋatigênit ukkunangat tapatojunit.

II Korintemiunut 6:17

Taimaimat anititse taipkonangat, avisârlugillo, Nâlegaᴋ oᴋarpoᴋ, maᴋojungnartorlo aktorniarasiuk; uvangalo ilalioromavapse.

II Timôteusemut 1:16

Onesiforusikut Nâlekab nâpkigiligittôk: tapsoma nakoksiteᴋattalaungmanga, kangusûtigilaurnagillo ᴋelaumgujarijakka;

Takotitaunermik 18:14

Paungaᴋsuillo tarnivit ikligijangit ilingnit ᴋemâsimavut; ilûnatiglo mamalauktut ânanaudlalauktullo ᴋemâsimavâtit, nennisijungnainiarlutillo tamakkoninga.

Idluarsaijut 1:16

Keniteriblo Mosesib sakingata ᴋitorngangit, takpaungarput iglugasaksoarnit Palmitalingnit, Judab ᴋitorngangit ilagilugit Judab sunaᴋajuininganut, iglugasaksuit Arademik atigit seᴋernganetomut, ailutiglo, nunaᴋarlutiglo inugasaksuit akkorngane.

Idluarsaijut 4:11

Heberele Kenitereôjok, Keniterinnit, Hobab, Mosesib sakkingata ᴋitornganginit aularlaukpok, tangmarlunelo Zaanaimib Eichingine, Kedesib saniane.

Idluarsaijut 5:24

Saimartaule arnat akkorngane Jaele, Heberib Kenitereôjub nulianga, saimartaule tupperme arnat akkorngane.

I Samuel 15:5

Saulelo Amalekiterit iglugasaksoanginut tikkiname terliarsiviksalliorpok kôb kiglingane.

I Samuel 27:10

Achiselo oᴋalaurangat: Uvlome ittarlaungilasse? Tagva Davide oᴋarpok: Aunga Judab sikkernganut, Jerahmeeliterillo sikkernganut, Keniterillo sikkernganut.

I Samuel 30:29

Rachalemêtut, taipkoalo Jerahmeliterit iglugasaksoanginêtut, Keniterillo iglugasaksoanginêtut,